ئەمڕۆ شەممە، 2024/12/21، بە ئامادەبوونی ئومێد خۆشناو، پارێزگاری هەولێر، گەیلان حاجی سەعید، سەرۆکی ژووری بازرگانی و پیشەسازی هەولێر، ژمارەیەك لە خاوەنکاران و نوێنەری کۆمپانیا و رێکخراوەکان، لە ڕێورەسمێکدا لە هۆتێل رۆتانا لە شاری هەولێر، پیشانگای JOBS.KRD بۆ ڕەخساندنی دەرفەتی هەلی کار کرایەوە.
لە پیشانگاکەدا، زیاتر لە نوێنەری 40 کۆمپانیا و رێکخراو، بە سەدان دەرفەتی هەلی کاریان رەخساندبوو بۆ فێرخوازان و بەشداربووانی پێشانگاکە.
سەرۆکی ژوور، کردنەوەی پێشانگای لەم جۆرەی بە هەنگاوێکی گرنگ وەسف کرد لە پێناو کەمکردنەوەی رێژەی بێکاری و رەخساندنی دەرفەتی هەلی کار بۆ گەنجان و دەرچووان، پاڵپشتی ژووری بازرگانی و پیشەسازی هەولێری نیشاندا بۆ کردنەوەی ئەم جۆرە پێشانگایانە و هیوای سەرکەوتنی بۆ خواستن.