رێککهوتی 19/2/2013، بهڕێز سۆران ئهبوبهکر جێگری سهرۆکی ژووری بازرگانی و پیشهسازی ههولێر لهبارهگهی ژوور، پێشوازی لهشاندێکی کۆمهڵهی خاوهنکارانی لاوی ئهستهنبولی تورکیا کرد، که لهسهرۆک و ژمارهیهک لهئهندامانی دهستهی کارگێڕی کۆمهڵه و ژمارهیهکی دیکه لهبازرگانانی لاو و نوێنهری کۆمپانیای ئهو وڵاته پێکهاتبوون.
لهسهرهتای دیدارهکهدا، بهڕێز سۆران ئهبوبهکر عهزیز جێگری سهرۆکی ژوور لهوتهیهکیدا بهناوی ئهندامانی دهستهی کارگێڕی ژوور بهخێرهێنانی شاندی میوان کرد و، وتی:"لهکوردستاندا هاوڵاتییان و بازرگانانی ناوخۆیی و بیانیش بهو پهڕی ئازادییهوه ژیانی خۆیان دهگوزهرێنن، ئهمهش وایکردووه که خهڵكێکی زۆر روو لهههرێم و بهتایبهتی ههولێر بکهن، بۆیه ئێستا دهبینین ژمارهیهکی زۆری کۆمپانیاکانی بیانی لێرهدا بوونیان ههیه که نیوهی زیاتریان لهکۆمپانیا تورکییهکان پێکهاتوون."
زیاتر روونیکردهوه و، وتی:"لهکوردستاندا رهوشی ئاسایش و ئابووری زۆر ئارامتر و سهقامگیرتره لهرهوشی ئهستهنبول، بۆیه هاتنی ئێوه گرنگی تایبهتی خۆی ههیه، چونکه لهنزیکهوه ئاگاداری ئهم رهوشه دهبن."
وتیشی:"کوردستان کۆمهڵێک تایبهتمهندی ههیه که لهزۆر وڵاتانی دونیادا نییه، ئێره وڵاتێکی کشتوکاڵی و گهشتیاری و نهوتییه، بۆیه ئێوه دهرفهتی کارتان بۆ رهخساوه بهتایبهتی لهبواری کشتوکاڵ و پیشهسازی و گهشتیاریدا، چونکه ئێستا حکومهتی ههرێم زیاتر بایهخ بهو کهرتانه دهدات."
لای خۆیهوه، بهڕێز قادر بایرام سهرۆکی کۆمهڵهی خاوهنکارانی لاو لهئهستهنبول، سوپاسگوزاری خۆی و ئهندامانی شاندهکهی راگهیاند لهبهرامبهر پێشوازیلێکردنیان و، وتی:"خۆشحاڵێن که سهردانی ژوورمان کردووه، هیوادارین ئێمهش وهک خاوهنکارانی دیکهی تورکیا که لهکوردستاندا کار دهکهن، دهرفهتی کار بقۆزینهوه، ههنگاوی یهکهمیشمان کردنهوهی ئۆفێسی کۆمپانیاکانمان دهبێت لهههرێمی کوردستاندا."
پاشان ئهندامانی شاندی میوان، وێڕای ناساندنی خۆیان و پۆستهکانیان، باسیان لهسروشتی کاری کۆمپانیاکانیان کرد و دووپاتیان کردهوه که ئامادهن لهکوردستاندا کار بکهن.
جێی ئاماژهیه، کۆمپانیاکانی شاندی میوان کهلهرێی نوێنهرهکانیانهوه سهردانی ژووریان کرد، لهسێکتهره جۆراجۆرهکانی وهک بهرههمهێنانی تهخته و، کهرهستهکانی بیناسازی و، بهڵێندهرایهتی و، زانکۆ و، چهند بوارێكی دیکهدا شارهزان.
لهکۆتایی دیدارهکهشدا، بهڕێز سۆران ئهبوبهکر جێگری سهرۆکی ژوور ئامادهیی ژووری بهمهبهستی هاریکاری ئهندامانی شاندی میوان خستهروو.
رێککهوتی 18/2/2013، لهدوو چاوپێکهوتنی جیادا که لهگهڵ کهناڵی دهنگوباسی ئاسیا (GLTV)ی بازرگانی هۆڵهندی و دهزگهی چاپ وبڵاوکردنهوهی جیهانی (هارڤارد بزنس رێڤیو) لهبارهگهی ژوور، بهڕێز دارا جهلیل خهیات سهرۆکی ژووری بازرگانی و پیشهسازی ههولێر، رهوشی ئابووری ههرێمی کوردستانی بهگشتی خستهروو.
لهمیانهی چاوپێکهوتنهکهیدا، لهگهڵ کهناڵی دهنگوباسی ئاسایا (GLTV)ی بازرگانی هۆڵهندی کهبارهگهکهی لهوڵاتی سهنگافۆرایه، بهڕێز دارا جهلیل خهیات سهرۆکی ژوور وێڕای بهخێرهێنانی شاندی رۆژنامهوانی میوان، لهمیانهی وهڵامی پرسیارهکاندا بهگشتی ئاماژهی بهوهدا که ژووری بازرگانی بهئهرکێکی گرنگی خۆی دهزانێت که هانی کۆمپانیا و وهبهرهێنهرانی بیانی بدات تاکو لهکوردستاندا دهست بهکارکردن بکهن، چونکه ئێستا لهکوردستاندا بازرگانانی ناوخۆیی و بیانیش بهو پهڕی ئازادییهوه کارهکانی خۆیان رادهپهڕێنن و هیچ کۆسپێک لهبهردهمیاندا نییه، وهبهرهێنهری بیانیش بهچهشنی وهبهرهێنهری ناوخۆیی کارئاسانیان بۆ کراوه.
پاشان بهڕێزیان ئامادهیی دهربڕی لهسهر داخوازی پهیامنێری کهناڵی ناوبراو، که لهداهاتوویهکی نزیکدا چاوپێکهوتنێکی تهلهفزیۆنی لهگهڵ کهناڵی (GLTV)دا سازبکات.
ههر لهو چاوپێکهوتنهیدا، بهڕێز سهرۆکی ژوور وتی:"وا چاوهڕوان دهکرێت که لهماوهی چهند ساڵی داهاتوودا، کوردستان لهبواری ئابوورییهوه ببێته پێشکهوتوترین شوێن لهناوچهی رۆژههڵاتی ناوهڕاستدا.
لهمیانهی وهڵامی پرسیارهکانی چاوپێکهوتنی دووهمیدا کهلهگهڵ دهزگهی چاپ وبڵاوکردنهوهی جیهانی (هارڤارد بزنس رێڤیو) سازیکرد، بهڕێز دارا جهلیل خهیات سهرۆکی ژوور، باسی لهرۆڵی ژووری بازرگانی کرد لهپهرهپێدانی پهیوهندییه ئابوورییه دوو قۆڵییهکانی نێوان ههرێمی کوردستان و وڵاتانی جیهاندا و ئهو کارهشی بهئامانجی سهرهکی ژوور وهسف کرد.
ههر لهو بارهیهوه، بهڕێز دارا جهلیل خهیات سهرۆکی ژوور وتی:"ژووری بازرگانی داینهمۆی بهکارخستنی بازرگانان و وهبهرهێنهرانه لهکوردستاندا، چونکه ئهم ژووره رۆڵی ئهکتیڤ دهبینێت لهکۆکردنهوهیاندا.
رێککهوتی 10/2/2013، لهمیانهی سهردانێکیدا بۆ شانشینی ئوردنی هاشمی کهلهسهر داوهتی فهرمی ژووری بازرگانی عهممان ئهنجامی دا، بهڕێز دارا جهلیل خهیات سهرۆکی ژووری بازرگانی و پیشهسازی ههولێر بهشداری لهڤیستیڤاڵی یادی نهوهدساڵهی دامهزراندنی ژووری بازرگانی عهمماندا کرد، هاوکات چهند چاوپێکهوتنێکی گرنگی لهگهڵ بهرپرسانی باڵای ئهبووری ئهو وڵاتهدا سازکرد.
لهڤیستیڤاڵهکهدا، ژمارهیهک وتار خوێندرانهوه لهوانیش وتاری بهڕێزان شا عبدوڵلای دووهم پادشای ئوردن و، ئهلعهین ریاز ئهلسهیفی سهرۆکی ژووری بازرگانی ئوردن و، حهمدی ئهلتهباع سهرۆکی کۆمهڵهی خاوهنکارانی ئوردن و، حاتهم حهلوانی وهزیری بازرگانی و پیشهسازی ئوردن و، عهبدوڵا موبتی نوێنهری یهکێتی گشتی بۆ ژووررهکانی بازرگانی و پیشهسازی و کشتوکاڵی وڵاتانی عهرهبی.
پاشان فیلمێکی دیکیۆمێنتاری لهبارهی قۆناغهکانی گهشهسهندن و پێشکهوتنی ژووری بازرگانی عهممان لهماوهی نهوهد ساڵی رابردوودا، پێشکهش کرا.
ههمان رۆژ و لهپاش بهڕێوهچوونی ڤیستڤاڵهکه، بهڕێز دارا جهلیل خهیات سهرۆکی ژوور بهشداری لهکۆبوونهوهیهکی فراواندا کرد، کهلهنێوان سهرۆک وهزیرانی ئوردن و سهرۆکی ژووری بازرگانی ئوردن و شاندهکانی ژوورهکانی بازرگانی و پیشهسازی و دامهزراوه ئابوورییهکانی وڵاتانی میوان لهڤیستیڤاڵهکهدا بهڕێوهچوو، تێدا بهگشتی باس لهرهوشی ئێستای ئابووری لهوڵاتانی عهرهبی کرا که لهپاش راپهرین و شۆڕشی گهلانی ناوچهکه هاتۆته ئاراوه.
ههر لهمیانهی کۆبوونهوهکهدا، خهڵاتی رێزلێنان لهلایهن سهرۆکی ژووری بازرگانی ئوردن پێشکهش بهبهشداربووانی کۆبوونهوهکه کرا، لهوانیش بهڕێز دارا جهلیل خهیات سهرۆکی ژووری بازرگانی و پیشهسازی ههولێر.
رۆژی دواتر، بهڕێز دارا جهلیل خهیات سهرۆکی ژوور لهعهممانی پایتهخت و لهدیوانی وهزارهت لهلایهن بهڕێز حاتهم حهلوانی وهزیری بازرگانی و پیشهسازی ئوردن پێشوازی کرا، لهمیانهی کۆبوونهوهیهکی نێوانیاندا تاوتوێی پهیوهندییه دوو قۆڵییهکانی نێوان ههرێمی کوردستان و شانشینی ئوردن بهتایبهتی لهبواری ئابووریدا کرا.
ههمان رۆژ بهڕێز دارا جهلیل خهیات سهرۆکی ژووری بازرگانی و پیشهسازی ههولێر لهلایهن بهڕێز باسم سالم سهرۆکی بهنکی کاپیتالی ئوردنی پێشوازی کرا، لهمیانهی دیدارێکی نێوانیاندا، جهخت لهسهر گرنگی دهستپێکردن و فراوانکردنی کاری هاوبهش لهنێوان بهنکهکانی ههرێم و ئوردن کرایهوه.
لهپهراوێزی ڤیستیڤاڵهکهشدا که لهکۆشکی رۆشنبیری لهشاری حسێن بۆ لاوان رێکخرا، شای ئوردن شا عبهدوڵلای دووهم خهڵاتی پێشکهش بهژمارهیهک لهسهرۆک و ئهندامانی پێشووی دهستهی کارگێڕی ژووری بازرگانی عهممان کرد.
جێی ئاماژهیه، ژووری بازرگانی عهممان وهک یهکهمین دامهزراوهی ئابووری ئوردن لهساڵی 1923 دامهزراوه و 44 ههزار کۆمپانیا و دامهزراوهی ئابووری لهههموو بوارهکاندا لهخۆدهگرێت، که سهرمایهکهیان به 45 ملیار دیناری ئوردونی دهخهمڵێنرێت.
1$=1488
بههای گۆرینهوهی دیناری عیراقی به دولاری ئهمری...