رۆژى دووشەممە 5/10/2009 لە میانەى سەردانیکردنى شاندێکى بازرگانى کۆمپانیاى (KPT) یابانى بۆ ژوورى بازرگانى و پیشەسازى هەولێر کە لە لایەن دارا جەلیل خەیات سەرۆکى ژوور و ژمارەیەک لە ئەندامانى ئەنجوومەنى کارگێرى پێشوازیان لێکرا دواى ئەوەى کە بریارى ئەوەیان دابوو سەردانى کوردستان بکەن ئاشکرایکرد کە وەک یەکەمین کۆمپانیاى یابانى ئۆفیسێک لە هەولێر دەکەنەوە بە مەبەستى ئەوەى دەست بە کارى بازرگانى بکەن و وەبەرهێنان لە کوردستان بکەن لەبەرئەوەى ئەو واقیعەى بە چاوى خۆیان لە کوردستان بینویانە دەشێ لە کوردستان کار بکەن و بەکاریشى بهێنن وەک دەروازەیەک بۆ کارکردن لە سەرتاسەرى عێراق، وا پێدەچێت ئەو بریارەشیان لە ماوەى مانگێکدا جێبەجێ بکەن بە شێوەى فەرمى دەست بەکارکردن بکەن. دارا جەلیل خەیات دواى ئەوەى خۆشحالیخۆى دەربرى لەبەرامبەر کردنەوەى ئۆفیسى کۆمپانیاى (KPT) لە هەولێر دەربرى کە دەبێتە یەکەمین کۆمپانیاى یابانى کە لە هەولێر ئۆفیسى هەبێت ئامادەیى خۆى بۆ هەموو جۆرە هاوکارى و ئاسانکاریەک بۆ کارەکانیان دەربرى.