شان بە شانى بەرێوەچوونى شەشەمین پێشانگاى نێودەولەتى هەولێر رۆژى سێ شەممە 19/10/2010 سەرۆکى ژوور پێشوازى کرد لە تۆماشا دوب جێگرى وەزیرى دەرەوەى کۆمارى چیک و برۆنیسلاڤا تۆماشوتا بالیۆزى چیک لە عێراق و غازی خەیلانى بەریوەبەرى نوسینگەى چیک لە کوردستان و ماجد تۆما بەرێوەبەرى یەکێتى ژوورە بازرگانیەکانى چیک..
لە دانیشتنێکدا باسى لە رەوشى پەیوەندیەکانى نێوان هەرێمى کوردستان و کۆمارى چیک کرا.
ئێوارەى هەمان رۆژ لە بالى کۆمارى چیک لە پێشانگاى نێودەولەتى هەولێر سەبارەت بە راگەیاندنى پرۆژەیەک لە ژێر ناوى کۆمارى چیک لە هەرێمى کوردستان سیمینارێک بە ئامادەبوونى فەلاح مستەفا بەرپرسى پەیوەندیەکانى دەرەوەى هەرێم بە بەشدارى دارا جەلیل خەیات سەرۆکى ژوور و ژمارەیەک لە ئەندامانى ئەنجوومەنى کارگێرى ژوور لە لایەن نوسینگەى کۆمارى چیک لە هەولێر سازکرا.
لەو سیمینارەدا هەریەک لە فەلاح مستەفا و دارا جەلیل خەیات وتەیان پێشکەش کرد و هەریەک بە جیا باسیان لە پەیوەندى و دەستپێشخەریەکانى کۆمارى چیک لە هەرێمى کوردستان کرد و لە بوارى کردنەوەى نوسینگە و بەشدارى کردنیان لە پرۆسەى ئاوەدانکردنەوەى هەرێمى کوردستان بەر لە ولاتانى دیکە کرد لە پاشان هەندێک لە کۆمپانیا چیکیەکان کە لە کوردستان دەستیان بە کار کردووە بە داتاشۆ کار و چالاکى کۆمپانیاکانیان ناساند