رێککهوتی 18/9/2012، بهڕێز دارا جهلیل خهیات سهرۆکی ژووری بازرگانی و پیشهسازی ههولێر لهبارهگهی ژوور، پێشوازی لهشاندێکی بازرگانی ئیتاڵیا کرد، که لهژمارهیهک بهرپرسی باڵای دپلۆماسی و بازرگانی ئهو وڵاته پێکهاتوون. لهسهرهتای دیدارهکهدا، بهڕێز دارا جهلیل خهیات سهرۆکی ژوور بهگهرمی بهخێرهێنانی شاندی میوانی کرد و هیوای مانهوهیهکی باشی بۆ خواستن لهههولێری پایتهختدا و وتی:"ئێمه سوپاسگوزارین که ئیتاڵیا شاندێکی لهمشێوهیهی رهوانهی ههرێمی کوردستان کردووه، وهک ههمیشه پهیوهندییه دووقۆڵییهکانمان توندوتۆڵتر دهکات، پێشتریش پێمان وابووه که ئهو پهیوهندییانه لهئایندهدا لهرێی ژووره بازرگانییهکانی ههردوولاوه گهشهسهندووتر دهبێت." ههروهها بهڕێزیان وتی:"عێراق وڵاتێکی گهورهیه و کوردستان بهشه ههره گرنگهکهیهتی، بهشێکی بودجهی گشتی وڵاتیش بۆ ئهم ههرێمه تهرخان دهکرێت، که مهزهنده دهکهین لهماوهی ساڵانی داهاتوودا ئهو بودجهیه دوو هێنده بێت، بۆیه دهرفهتی کارکردن تادێت زۆرتر و زیاتر دهبێت، لهم پڕۆسهیهشدا ئێمه لهکوردستاندا پێویستیمان بهشارهزایی وڵاتانی دهرهوهیه، بۆیه زۆر کار ههیه که دهکرێت لهگهڵ ئیتاڵییهکاندا ئهنجامی بدهین تاکو کۆمپانیاکانی ئهو وڵاته بتوانن خزمهتگوزرایهکانیان پێشکهش بههاوڵاتییانی ئهم ههرێمه بکهن، چونکه ئیتاڵییهکان خاوهن توانا و شارهزایی باشن و بهرههمهکانیشیان لهجۆری زۆر باشن و کهلێنهکانی بازاڕیان پێ پڕدهکرێتهوه." لای خۆیهوه، بهڕێز فرانسیسکۆ فێدێل سکرتێری یهکهمی باڵیۆزخانهی ئیتاڵیا لهعێراق وێڕای دهربڕینی خۆشحاڵی خۆی بهم سهردان و پێشوازیلێکردنه وتی:"بۆ ئێمه جێگهی شانازییه که سهردانی کوردستانمان کردووه، ئێمه پێمان وایه که رێگهیهکی درێژمان لهپێشه بۆ کارکردنی هاوبهش لهنێوانماندا." پاشان ههر یهک لهبهڕێزان جێیانفرێدۆ کۆماززی سهرۆکی ژووری بازرگانی نۆڤارا و ئێنریک بینی سهرۆکی ژووری بازرگانی ئێمێلیا و ماتتیا میگلیۆ نوێنهری ژووری بازرگانی و پیشهسازی میلانۆ بهجیا خۆشحاڵی خۆیان لهبهرامبهر سهردانیکردنی ژوور دهربڕی و ئاماژهیان بهوهدا که خوازیارن بهدوای سهردانهکهیاندا بتوانن ژمارهیهک کۆمپانیای ئیتاڵی بێننه کوردستان و لهگهڵ کۆمپانیا لۆکاڵییهکانی ههرێمدا پڕۆژهی هاوبهش ئهنجام بدهن، ئاماژهیان بهوهشدا کهپێشوهخت ئهم سهردانهیان ئهنجام داوه تاکو زانیاری گشتی لهبارهی رهوشی ئابووری ههرێم بهدهستهێنن. لهسهرووبهندی گفتوگۆکانیشدا، شاندی میوان داوهتنامهیهکی فهرمی فیدراسیۆنی ژووره بازرگانی و پیشهسازییهکانی ئیتاڵییان ئاڕاستهی سهرۆک و ئهندامانی دهستهی کارگێڕی ژوور و بازرگانانی کوردستان کرد، تاکو بهشداری لهکۆنفڕانسێکی گهورهی ئابووری وڵاتهکهیان بکهن، که بڕیاره له داهاتوویهکی نزیکدا لهشاری میلانۆ ساز بکرێت. لهکۆتایشدا، بهڕێز خهیات دیاری رێزلێنانی ژووری بهخشییه ئهندامانی شاندی میوان.
رێککهوتی 17/9/2012، لهمیانهی کۆبوونهوهی نێوانیاندا لهبارهگهی ژوور، بهڕێزان دارا جهلیل خهیات سهرۆکی ژووری بازرگانی و پیشهسازی ههولێر و مونیر ئهلموئهخیر سهرۆکی ژووری بازرگانی تونس که بهیاوهری شاندێک سهردانی ژووری کرد، بابهتی چوونی شاندێکی بازرگانی کورستانیان بۆ تونس تاوتوێ کرد. لهسهرهتای دیدارهکهدا، که تێدا بهڕێز سۆران ئهبوبهکر جێگری سهرۆکی ژوور ئامادهیبو، بهڕێز دارا جهلیل خهیات سهرۆکی ژوور وێڕای بهخێرهێنانی شاندی میوان تیشکی خسته سهر گهشهسهندنی پهیوهندییه دوو قۆڵییهکانی نێوان ههرێمی کوردستان و وڵاتی تونس بهگشتی لهههموو رووهکانهوه و بهتایبهت لهماوهکانی دواییدا و وتی:"دهرفهته بۆ بازرگانانی کوردستان و تونس که دهست بهچالاکی بازرگانی لهنێوان ههردوولادا بکهن." وتیشی:"تونس لهبواری کشتوکاڵی و گهشتوگوزار و دهرمانسازیدا پێشکهتووه و دهکرێت لهم رووهوه سوود بهههرێم بگهیهنێت." ههروهها بهڕێز خهیات رهوشی ئارامی ههرێم و ئهو رۆڵه ئابوورییهش که ههرێم لهسهر ئاستی عێراقدا دهیگێڕیت بۆ لایهنی بهرامبهری روونکردهوه. لای خۆیهوه، بهڕێز مونیر ئهلموئهخیر خۆشحاڵی خۆی دهربڕی به هاتنیان بۆ ههولێری پایتهخت و رایگهیاند که لهچوارچێوهی ئهم سهردانهدا دهکرێت بهرنامهرێژی بۆ چوونی شاندێکی بازرگانی کوردستان بۆ تونس بکرێت. لهسهروبهندی گفتوگۆکانیاندا، بهڕێزان سهرۆکی ژوور و شاندی میوان رێککهوتن لهسهر دهستکردن بهئامادهکارییهکان بۆ چوونی شانده بازرگانییهکهی کوردستان لهمانگهکانی کۆتایی ئهمساڵدا، تاکو لهوێ لهگهڵ هاوتاکانیاندا ئاشنایهتی بکهن و زانیاریش لهسهر ههرێمی کوردستان بۆ لایهنی تونسی بخهنهروو. لهلایهکی دیکهوه، بهڕێز خهیات ئهوپهڕی ئامادهیی ژووری بهمهبهستی رێکخستنی گهشتهکهی شاندی کوردستان بۆ تونس و پێشوازیلێکردنی لهههر شاندێکی تونسی که بێته کوردستان دهربڕی. لهکۆتایی دیدارهکهشدا، بهڕێز خهیات دیاری رێزلێنانی ژووری بهخشییه ئهندامانی شاندی میوان.
رێککهوتی 11/9/2012 لهبارهگهی ژوور، گرێبهستێکی هاوبهش لهنێوان یهکێتی ژوورهکانی بازرگانی و پیشهسازی ههرێمی کوردستان و رێکخراوی (گلۆبال پڕۆجێکت پارتێنهر)ی ئهڵمانی GPB)) واژۆ کرا. مهراسیمی واژۆکردنهکهش لهنێوان بهڕێزان دارا جهلیل خهیات سهرۆکی یهکێتی ژوورهکانی بازرگانی و پیشهسازی ههرێمی کوردستان و کهنعان شێخۆ نوێنهری رێکخراوی (گلۆبال پڕۆجێکت پارتێنهر)ی ئهڵمانی GPB))دا بهڕێوهچوو. یاداشتنامهکهش بریتییه لهفراوانکردنی ئهو گرێبهسته هاوبهشهی که پێشتر لهمانگی نیسانی ساڵی 2010ی رابردوودا، بهجیا لهنێوان ههر سێ ژوورهکانی بازرگانی و پیشهسازی ههولێر و سلێمانی و دهۆک و رێکخراوی (گلۆبال پڕۆجێکت پارتێنهر)ی ئهڵمانیدا واژۆکراوه. گرێبهسهتهکانیش بریتین لهپڕۆژهیهکی هاوبهش لهنێوان سهرۆکایهتییهکانی ههر سێ ژووری ناوبراو لهگهڵ سهرۆکایهتییهکانی ژوورهکانی بازرگانی ئهڵمانیا بهمهبهستی پهرهپێدان و گهشهپێدانی ژووره بازرگانی و پێشهسازییهکانی کوردستان لهروووی (بههێزکردنی خزمهتگوزاری ژوورهکان، باشترکردنی رهوشی کۆمپانیا بچووک و مامناوهندییهکان، پێشکهشکردنی زانیاری و شارهزایی لهبواری یاسا و رێسا ئابوورییهکاندا). گرێبهسهته نوێیهکهش برتییه لهبهردهوامیدانی کارکردن بهو سێ گرێبهسهتهی که پێشتر بهجودا لهگهڵ ههرسێ ژووری بازرگانی و پێشهسازییهکانی کوردستاندا وهکو پڕۆژهیهکی هاوبهش مۆرکراوه، ههروهها پاڵپشتی تهواویش لهپڕۆژهکه دهکرێت لهرووهکانی واتهیی (مهعنهوی) و مایهکی (مادی)ییهوه لهلایهن وهزارهتی ههماههنگی و پێكهوه کارکردنی ئهڵمانیا و دهزگهی ئابووری جیهانی ئهڵمانیا و رێکخراوی (گلۆبال پڕۆجێکت پارتێنهر)ی ئهڵمانی.
رێککهوتی 10/9/2012، لیژنهی ئاڕاستهکردنی پارێزگهی ههولێر سهبارهت بهبهرنامهی پێشخستنی کهرتی تایبهت لهعێراق لهلایهن رێکخراوی نهتهوهیهکگرتووهکان، 29مین کۆبوونهوهی خۆی لهبارهگهی ژوور، سازکرد. لهمبارهیهوه، بهڕێز فیدائهدین محهمهد ئهمین ئهندامی دهستهی کارگێڕی ژووری بازرگانی و پیشهسازی ههولێر کهبهنوێنهرایهتی ژوور ئهندامه لهو لیژنهیهدا، پێی راگهیاندین:"کۆبوونهوهکه بهسهرپهرشتی بهڕێز تاهر عهبدوڵا جێگری پارێزگاری ههولێر و بهبهشداری نوێنهرانی سهرجهم لایهنه حکومی و رێکخراوه ناوخۆیی و نێودهوڵهتییهکان که پهیوهندارن به کاروبارهکانی کهرتی تایبهت بهڕێوهچوو". روونیکردهوه و وتی:"لهکۆبوونهکهدا بهدواداچوون بۆ بڕیارهکانی پێشوو کرا، ههروهها بهتێروتهسهلی باس لهپهرهپێدانی تواناسازی ئافرهتان لهبواری کار و پێدانی قهرز بهکهسانی خاوهن پڕۆژهبچووک و مامناوهندییهکان کرا، هاوکات پێداویستییهکانی ژێرخانی ئابووری کوردستان خرایه بهرباس و لێکۆڵینهوه و کورتهیهکیش لهبوارهکانی یهکهی پهرهپێدانی ئابووری و مۆرکردنی گرێبهست لهگهڵ دهزگهکانی قهرزبهخشدا خرایهروو." لهلایهکی دیکهوه، بهڕێز فیدائهدین محهمهد ئهمین راشیگهیاند، که لهکۆبوونهوهکهدا تاوتوێی بابهتی دروستکردنی مۆزهخانهیهکی تهون (نهسیج) کرا.
رێککهوتی 10/9/2012، بهڕێز دارا جهلیل خهیات سهرۆکی ژووری بازرگانی و پیشهسازی ههولێر لهنووسینگهی خۆی، پێشوازی لهبهڕێز جێرۆین کێلدێرهویس نوێنهری تازهی حکومهتی هۆڵهندا لهههولێر کرد. لهسهرهتای دیدارهکهدا، که بهڕێز سۆران ئهبوبهکر جێگری سهرۆکی ژوور ئامادهیبوو، بهڕێز دارا جهلیل خهیات سهرۆکی ژوور وێڕای بهگهرمی بهخێرهێنانی شاندی میوان، بهبۆنهی کردنهوهی ئۆفێسی نوێنهرایهتی حکومهتی هۆڵهندا لهههولێر و دهستبهکاربوونی وهک سهرۆکی ئهو ئۆفێسه پیرۆزبایی ئاڕاستهی بهڕێز کێلدێرهویس کرد. هاوکات بهڕێز خهیات هیوای خواست که بهڕێز کێلدێرهویس لهو ماوهیهی که لهکوردستاندایه ئاسووده بێت و سهرکهوتوو بێت لهو ئهرکه نوێیهی که لهلایهن وڵاتهکهیهوه پێی سپێردراوه. پاشان هاته سهر باسی پهیوهندییه دوو قۆڵییهکانی نێوان کوردستان و هۆڵهندا، که بههۆی سهردانیکردنی شاندهکانی ههردوولاوه بهرهو پێشتر چووه و گهشهی بهخۆوه دیوه. لای خۆیهوه، بهڕێز کێلدێرهویس وێڕای دهربڕینی سوپاسگوزاری خۆی لهبهرامبهر پێشوازی لێکردنیدا، ئامانجی سهردانهکهی روونکردهوه که بریتییه لهئاگادارکردنی ژوور لهکاروبارهکانی ئێستای ئۆفێسهکهیان لههولێر، که هاوشانی دوو نوسینگهی دیکهی هاوشێوه لهههردوو وڵاتی باشووری سوودان و پهنهمادا کراوهتهوه، ههروهها ئهو ئامانجانهی خسته روو که لهچوارچێوهی کارهکانیاندایه، لهوانیش هاوکاریکردنی پهنابهرانی کورد لههۆڵهندا و رێکخستنی دیداری نوێ لهنێوان بازرگانانی کوردستان و وڵاتهکهیدا. ههردوولاش بهگشتی ئهو ئامادهباشییانهیان تاوتوێ کرد که بۆ مهبهستی رۆیشتنی شاندێکی گهورهی بازرگانی کوردستان لهکۆتایی مانگی ئهیلولی ئهمساڵدا بۆ هۆڵهندا گیراونهته بهر، بڕیاریشه لهو سهردانهدا شاندهکه بهشداری کۆنگرهیهکی فراوانی ئابووری لهئهمستردام بکات و چهندین چاوپێکهوتنیش لهگهڵ لایهنه پهیوهندارهکانی ئهو وڵاتهدا ساز بکات. لهکۆتایی دیدارهکهشدا، بهڕێز خهیات رایگهیاند که ژووری بازرگانی لهئامادهباشیدایه بۆ مهبهستی رێکخستنی پهیوهندی دۆستانهی لهنێوان کۆمپانیا و بازرگانانی کوردستان و هۆڵهندا، جگه لهوهش یارمهتدانی نوێنهرایهتی حکومهتی ئهو وڵاته لهکوردستاندا.
رێککهوتی 10/9/2011، لهمیانهی پێشوازیلێکردنیان لهلایهن بهڕێز دارا جهلیل خهیات سهرۆکی ژووری بازرگانی و پیشهسازی ههولێر لهبارهگهی ژوور، بهڕێز پیڤێن سهرهیی بهڕێوهبهری کارگێڕی کۆمپانیای (ئوکروزێمورس)ی ئۆکرانی بانگهێشتننامهیهکی وڵاتهکهی بهمهبهستی بهشداریکردنی شاندێکی کوردستان لهکۆنگرهی ئابووری کیفدا ئاڕاستهی بهڕێزیان کرد. لهسهرهتای چاوپێکهوتنهکهدا، بهڕێز دارا جهلیل خهیات سهرۆکی ژوور بهگهرمی بهخێرهێنانی شاندی میوانی کرد و هیوای مانهوهیهکی باشی بۆ خواستن لهههولێری پایتهختدا. پاشان ئاماژهی پێدا و وتی:"وڵاتی ئۆکرانیا بهلای خهڵکی کوردستانهوه گرنگه و پێمان خۆشه ئۆکرانییهکان بهشداری لهئاوهدانکردنهوهی ئهم ههرێمهی ئێمهدا بکهن." لای خۆیهوه، بهڕێز پیڤێن سهرهیی که بهیاوهری شاندێک سهردانی ژووری کرد، وێڕای دهربڕینی سوپاسگوزاری خۆی و ئهندامانی شاندی یاوهری لهبهرامبهر پێشوازیلێکردنیاندا، سڵاوی بهڕێز باڵیۆزی ئۆکرانیای لهبهغدا به بهڕێز سهرۆکی ژوور گهیاند، ههروهها بانگهێشتننامهیهکی فهرمی ژووری بازرگانی ئۆکرانیای ئاڕاستهی سهرۆک و ئهندامانی دهستهی کارگێڕی ژووری بازرگانی و پیشهسازی ههولێر کرد بهمهبهستی سهردانیکردنی وڵاتی ئۆکرانیا و بهشداریکردنیان لهکۆنگرهیهکی گهورهی بازرگانیدا که بڕیاره لهکۆتایی مانگی داهاتوودا له (کیف)ی پایتهختدا ببهسترێت. ههروهها بهڕێز سهرهیی راشیگهیاند، که حکومهتی وڵاتهکهی بڕیاری داوه که بهم نزیکانه کۆنسوڵخانهی خۆی لهههولێری پایتهختدا بکاتهوه. لای خۆیهوه، بهڕێز خهیات پێشوازی لهوتهکانی بهڕێز سهرهیی کرد و ئامادهیی ژووریشی بهمهبهستی سهرخستنی ئامانجانهکان خسته روو.
رێککهوتی 5/9/2012، بهڕێز سۆران ئهبوبهکر جێگری سهرۆکی ژووری بازرگانی و پیشهسازی ههولێر لهبارهگهی ژوور، پێشوازی لهشاندێکی گروپی کۆمپانیاکانی (OIEC)ی ئێرانی کرد. لهسهرهتای دیدارهکهدا، بهڕێز سۆران ئهبوبهکر بهخێرهێنانی شاندی میوانی کرد و وتی:"ئێستا پهیوهندییه بازرگانییهکانمان لهگهڵ کۆماری ئیسلامی ئێراندا زۆر پێشکهوتووه، دهتوانم بڵێم بهشێکی سهرهکی بۆ هاتنی شانده بازرگانییه ئێرانییهکان دهگهڕێتهوه بۆ کوردستان و به پێچهوانهشهوه سهردانیکردنی شانده بازرگانی و ئابوورییهکانی ههرێم بۆ ئێران." ههروهها بهڕێزیان ئاماژهی بهپێشچوونی ئابووری ههرێم دا و وتیشی:"لهم پڕۆسهیهدا کۆمپانیا ئێرانییهکان بهپلهی زۆر باش بهشدارن." لای خۆیهوه، بهڕێز، رهزا باقری که سهرۆکایهتی شاندی میوانی دهکرد، وێڕای دهربڕینی سوپاسگوزاری خۆیان لهبهرامبهر پێشوازیلێکردنیاندا هاته سهر باسی کاروبارهکانی گروپی کۆمپانیاکانی (OIEC)ی ئێرانی و وتی:"گروپهکهمان لهبواری پیشهسازی وزه و نهوتدا شارهزایه و تاکو ئێستاش چهندین پڕۆژهی گرنگی ئهنجامداوه و دهکرێت لهکوردستانیش پاش دهستکهوتنی ههلی کار، خزمهتگوزاری باش پێشکهش بهخهڵکی ئهم ههرێمه بکهین." لهبهشێکی دیکهی دیمانهکهشدا، بهڕێز سۆران ئهبوبهکر ئاماهیی ژووری بهمهبهستی هاوکاری و یارمهتیدانی کۆمپانیای ناوبراو خسته روو.
رێککهوتی 4/9/2012، لهمیانهی چاوپێکهوتنی نێوان بهڕێزان سۆران ئهبوبهکر جێگری سهرۆکی ژووری بازرگانی و پیشهسازی ههولێر و ناوهیکۆ یاماگوچی بهڕێوهبهری گشتی دهزگهی بازرگانی دهرهکی ژاپۆنی لهبارهگهی ژوور، تاوتوێی سازکردنی دیداری بازرگانی کوردی ژاپۆنی کرا که بڕیاره لهمانگی تشرینی دووهمی ئهمساڵدا لهههولێر بهڕێوهبچێت. لهسهرهتای دیدارهکهدا، بهڕێز ناوهیکۆ یاماگوچی خۆشحاڵی خۆی بهسهردانیکردنی ژوور و شاری ههولێر دهربڕی و هیوای خواست که لهمهوپاش بتوانن لهنزیکهوه ئاگاداری رهوشی ئابووری ههرێمی کوردستان بن. لای خۆیهوه، بهڕێز سۆران ئهبوبهکر وێڕای بهخێرهێنانی بهڕێز یاماگوچی، وتی:"کوردستان لهقۆناغێکی پێگهیشتن و پێشکهوتندایه، بۆیه ههرێمهکهمان پێویستی بهشارهزایی و پسپۆڕانی دهرهوه ههیه، ئێمه پێمان وایه که دهکرێت ژاپۆنییهکان و ببنه بهشێکی سهرهکی لهو ژماره زۆرهی کۆمپانیا بیانییهکان که ئێستا بهشدارن لهئاوهدانکردنهوهی کوردستاندا." پاشان بهڕێز یاماگوچی ئهو بهرنامهیهی روونکردهوه کهتایبهته بههاتنی شاندێکی فراوانی بازرگانی ژاپۆنی بۆ کوردستان و سهردانیکردنی چهند دزهگهیهکی گرنگ لهکوردستان و لهوانیش ژووری بازرگانی و پیشهسازی ههولێر و سازدانی دیدارێکی بازرگانی لهگهڵ بازارگانانی نێوخۆدا. جێی وهبیرهێنانهوهیه، لهمانگی تهمموزی رابردوودا بهڕێز سۆران ئهبوبهکر جێگری سهرۆکی ژوور، لهچاوپێکهوتنێکی تایبهتیدا لهگهڵ ئاژانسی دهنگوباسی (ئاسیاپرێس)ی ژاپۆنیدا، وتی:"دهتوانم بڵێم ژاپۆن لهچاو وڵاتانی دیکهی جیهانی و لهبهستنی پهیوهندی راستهوخۆ لهههموو بوارهکان و لهگهڵ ههرێمی کوردستاندا زۆر دواکهوتووه، بۆیه گرنگه ژاپۆن نوێنهرایهتی خۆی لهههولێر بکاتهوه تاکو لهنزیکهوه ئاگاداری بازاڕهکانی کوردستان بێت و لهم دهروازهیهشهوه گوزهر بۆ بهشهکانی دیکهی عێراق بکات." بۆیه پێدهچێت هاتنی ئهم شاندهی ژاپۆن بۆ رۆڵی راگهیاندنهکانی ژاپۆن بگهڕێتهوه که کوردستانیان زیاتر به خهڵکی ئهو وڵاته ئاشنا کردووه. لهکۆتایی دیدارهکهشدا، دیاری رێزلێنان لهنێوان ههردوولادا گۆڕدرایهوه.
رێککهوتی 4/9/2012، بهڕێز سۆران ئهبوبهکر جێگری سهرۆکی ژووری بازرگانی و پیشهسازی ههولێر لهبارهگهی ژوور، پێشوازی لهبهڕێز خاتوو میراندا ماسسێن بهڕێوهبهری پڕۆژه و راوێژکارییهکان لهرێکخراوی (IntEnt)ی هۆڵهندی و شاندی یاوهری کرد. لهدیدارێکدا، بهڕێز سۆران ئهبوبهکر وێڕای بهخێرهێنان و گوێبیستکردنی شاندی میوان، کورتهیهکی لهبارهی مێژووی دروستبوونی ژووری بازرگانی و ئهو خزمهتگوزارییانه باسکرد که پێشکهشی بهئهندامهکانی و ئهو لایهنانه دهکات که کارهکانیان پهیوهستن بهبواری بازرگانییهوه، ئهویش چ لهناوهوهی کوردستان بێت یاخود لهدهرهوهدا، ههروهها ئاماژهی بهوهشدا که ژوور لهرێی سهنتهری زانیاری و پهرهپێدانی کارهوه خولی راهێنان بۆ گهنجان لهسهر چۆنێتی دهستبهکاربوونیان لهپڕۆژهکانیاندا دهکاتهوه. پاشان بهڕێز خاتوو ماسسێن باسی لهسروشتی کاری رێکخراوهکهیان کرد، که رێکخراوێکی سهربهخۆیه و خزمهت بهو پهنابهرانه دهکات که لهوڵاتی هۆڵهنداوه نیازی گهڕانهوهیان ههیه بۆ وڵاتهکانیان و لهوانیش کوردستان. ههروهها وتی:"رێکخراوهکهمان دهیهوێت بههاوکاری لهگهڵ دهزگه پهیوهندارهکانی کوردستاندا لهرێی پێدانی پڕۆژهی بچووک و مامناوهندییهوه هاوکاری ئهو پهنابهرانه بکات که بهشێوهی جیاواز دهگهڕێنهوه کوردستان." لهکۆتایی دیدارهکهشدا، بهڕێز جێگری سهرۆکی ژوور ئامادهیی ژووری بهمهبهستی هاوکاریکردنی میوان خسته روو.
رێککهوتی 4/9/2012، بهڕێز سۆران ئهبوبهکر جێگری سهرۆکی ژووری بازرگانی و پیشهسازی ههولێر لهبارهگهی ژوور، پێشوازی لهبهڕێز مارکۆس بههرێندت سهرۆکی هۆبهی بازرگانی نێودهوڵهتی لهکۆمپانیای (PSE)ی ئهڵمانی و شاندی یاوهری کرد. لهسهرهتای دیدارهکهدا، بهڕێز سۆران ئهبوبهکر جێگری سهرۆکی ژوور بهگهرمی بهخێرهێنانی شاندی میوانی کرد و هیوای مانهوهیهکی باشی بۆ خواستن لهههولێری پایتهختدا. لای خۆیهوه، بهڕێز مارکۆس بههرێندت وێڕای دهربڕینی سوپاسگوزاری خۆی و شاندی یاوهریان لهبهرامبهر پێشوازی لێکردنیاندا، هاته سهر باسی سروشتی کاری کۆمپانیاکهیان و وتی:"کۆمپانیاکهی ئێمه لهسهر ئاستی نێودهوڵهتی کار دهکات، لهبواری نهوت و غاز و ئاودا شارهزایی بهرزی ههیه و خوازیاریشین که لهکوردستاندا خزمهتی بهرچاو پێشکهش بکهین ئهویش بههاوبهشی لهگهڵ کۆمپانیاکانی دیکهدا، بهشێوهیهک لهتوانماندایه که لێره کهلێنهکانی ئهو بوارانه پڕبکهینهوه، لهم پێناوهشدا پێویستیمان بهیارمهتی ژوور ههیه." هاوکات بهڕێز بههرێندت سهرسامی خۆی لهبهرامبهر سروشتی کوردستان و ئاستی رۆشنبیری خهڵکهکهی و کهرتی ئابوورییهکهی دهربڕی. لای خۆیهوه، بهڕێز سۆران ئهبوبهکر رێنوێنی شاندی میوانی کرد بۆ کارکردن لهکوردستاندا و پێی راگهیاندن و وتی:"ئێستا لهکوردستاندا رهوشهکه وادهخوازێت ژمارهیهکی زۆرتری کۆمپانیا بیانییهکان رووی تێ بکهن، بۆیه ههلێکه و دهکرێت وهک ههر کۆمپانیایهکی دیکهی بیانی بۆ خۆتانی بقۆزنهوه، ئێمهش وهک ژوور ئامادهی هاوکاریکردنتانین.
1$=1488
بههای گۆرینهوهی دیناری عیراقی به دولاری ئهمری...