رۆژى چوارشەممە 11/11 ئیبراهیم محمد ێوفى جێگرى سەرۆکى ژوور پێشوازى کرد لە شاندێکى بازرگانى (ئەسفەهان) ى ئێرانی کە بە یاوەرى پور موتەهەر بەرپرسى بازرگانى قونسولگەرى کۆمارى ئیسلامى ئێران لە هەولێر سەردانى ژووریان کرد. ئیبراهیم سوفى دواى بەخێرهێنانیان خۆشحالیخۆى بۆ سەردانەکەیان دەربرى و باسى لە ئاستى پەیوەندیە بازرگانیەکانى نێوان هەرێمى کوردستان و ئێران کرد و هیواى خواست کە شارى ئەسفەهان کە شارێکى جوانى ئێرانە و شارێکى زۆر پێشکەوتووە لە رووى پیشەسازیەوە سوود لە دەرفەتەکانى کار و بازرگانى لەگەل کوردستان ببینن. دواتر شاندى میوان سوپاسگوزارى خۆیان ئاراستەى ئەنجوومەنى ژوور کرد و خۆشحالی خۆى لە بەرامبەر ئاستى پێشکەوتنى هەولێر دەربرى و ئەم هاتنەى بە دانانى بنەمایەک بۆ پەیوەندى و دەستکردن بە کارى بازرگانى و وەبەرهێنان لە کوردستان لەقەلەمدا.. دواتریش بە فەرمى بانگهێشتى کردن بۆ سەردانى کردنى شارى ئەسفەهان و بۆ ئەوەى زیاتر گفتوگۆ لەسەر چۆنیەتى دروستکردنى پەیوەندى و ئالیەتى کارکردن لە کوردستان و کارى هاوبەش لەگەل بازرگانان بکەن.