داراجەلیل خەیات و جیگرى سەرۆک و ئەندامانى ئەنجومەنى کارگێرى ژوور، رۆژى 9/11 پێشوازیان لە شاندێکى بازرگانى شارى ئورفەى تورکیا کرد، کە زیاتر لە 35 بازرگان و پیشەسازوخاوەن کۆمپانیاى شارەکەی لەخۆگرتبوو. لەدیدارێکدا، سەرۆکى ژوور خۆشحاڵى خۆى بە هاتنى ئەو شاندە بازرگانیە دەربڕى کە یەکەمین شاندى بازرگانى ئورفەیە بۆ کوردستان و، هیواى خواست ئەم سەردانە سەرەتایەک بێ بۆکارکردن لەکوردستان وگرێدانى پەیوەندى دۆستانە لەنێوان ژوورى بازرگانى هەولێرو ژوورى بازرگانى ئورفە. هەروەها ێبری ئیرتسکین لەوتەیەکدا خۆشحاڵى خۆیان بەو پێشکەوتنە دەربڕى کە لەهەولێر هاتۆتەدى لەهەمان کاتدا ئامادەیى شاندى میوانى نیشاندا بۆ بەشداریکردن لەپرۆسەى وەبەرهێنان و کارى بازرگانى لەکوردستاندا. دواتر هەریەک لەئەندامانى شاندەکە خۆیان و کاروچالاکى دەزگاو کۆمپانیاکانیان ناساندو گفتوگۆو ڕاوبۆچونەکان ئاڵوگۆڕ کرا.