تۆ لێرەیت: ErbilChamberهه‌واڵ ئه‌نجومه‌نی سه‌رکردایه‌تی هه‌ولێری (پ.د.ک) سه‌ردانی ژوور ده‌کات

ئه‌نجومه‌نی سه‌رکردایه‌تی هه‌ولێری (پ.د.ک) سه‌ردانی ژوور ده‌کات

بڵاوكراوه‌ته‌وه‌ له‌ هه‌واڵ چوار شەممە, 23 کانونی دووەم 2013 07:08

‌رێککه‌وتی 22/1/2013، به‌ڕێز دارا جه‌لیل خه‌یات سه‌رۆکی ژووری بازرگانی و پیشه‌سازی هه‌ولێر به‌ئاماده‌بوونی به‌ڕێز سۆران ئه‌بوبه‌کر جێگری سه‌رۆکی ژوور و ژماره‌یه‌ک له‌ئه‌ندامانی ده‌سته‌ی کارگێڕی ژوور، پێشوازی له‌به‌ڕێز کاکه‌مین نه‌جاڕ به‌رپرسی ئه‌نجومه‌نی سه‌رکردایه‌تی پارتی دیموکراتی کوردستان له‌هه‌ولێر و ژماره‌یه‌ک له‌ئه‌ندامانی ئه‌و ئه‌نجوومه‌نه‌ کرد.

 

له‌سه‌ره‌تای دیداره‌که‌دا، به‌ڕێز دارا جه‌لیل خه‌یات سه‌رۆکی ژوور به‌گه‌رمی به‌خێرهێنانی کردن و وتی:"ئێمه‌ وه‌ک ژووری بازرگانی هیوادارین که‌ ئه‌نجومه‌نی سه‌رکردایه‌تی پارتی له‌هه‌ولێر‌، له‌ئه‌رکه‌کانی خۆیدا سه‌رکه‌وتوو بێت، تاکو بتوانێت خزمه‌ت به ‌حزب و حکومه‌ت و هاووڵاتییانیش بکات، بۆیه‌ ده‌خوازین که‌ له‌م ئه‌رکه‌یدا ‌پاڵپشتی له‌کاره‌کانی ژوور بکات."

به‌ڕێز دارا جه‌لیل خه‌یات له‌درێژه‌ی قسه‌کانیدا تیشکی خسته‌ سه‌ر کاروچالاکی و هه‌نگاوه‌کانی داهاتووی ژوور له‌پێناو فراوانترکردنی  خزمه‌ته‌کانی به‌پڕۆسه‌ی بازرگانی له‌ هه‌ولێر و کوردستاندا."

 

لای خۆیه‌وه‌، به‌ڕێز کاکه‌مین نه‌جاڕ وێڕای ده‌ربڕینی خۆشحاڵی خۆی له‌به‌رامبه‌ر پێشوازیکردنیان له‌لایه‌ن سه‌رۆک و جێگر و ئه‌ندامانی ئه‌نجومه‌نی کارگێڕی ژووره‌وه‌، باسێكی له‌فراوانبوونی هه‌ولێری پایته‌خت کرد له‌سایه‌ی ئه‌و ئاوه‌دانییه‌ی که‌ ئه‌مڕۆ له‌هه‌رێمی کوردستاندا هه‌یه‌‌.

پاشان تیشکی خسته‌ سه‌ر ئه‌و کێشه‌ که‌ڵه‌که‌بووانه‌ی که‌حکومه‌تی فیدراڵی له‌گه‌ڵ هه‌رێمی کوردستاندا دروستی کردوون و ئاماژه‌ی به‌وه‌دا که‌ له‌هه‌موو بارودۆخێکدا حکومه‌تی هه‌رێمی کوردستان له‌سه‌نگه‌ردایه‌ و  به‌رگری له‌خاکی کوردستان ده‌کات.

هه‌روه‌ها رایگه‌یاند و وتی:"له‌ئێستادا هه‌موو کێشه‌ سیاسییه‌کانی ناو هه‌رێم به‌ره‌و چاره‌سه‌ری کۆتایی ده‌چن و ، هه‌روه‌ها له‌م قۆناغه‌دا پێویستیمان به‌پته‌وتر و‌به‌هێزترکردنی ئابووری هه‌رێمی کوردستان هه‌یه‌، هاوکات نێوماڵی کوردیش زۆر به‌هێزده‌کرێت و په‌یوه‌ندیشیمان له‌گه‌ڵ وڵاتانی ده‌ور‌وبه‌ردا زۆر به‌هێزتره."

له‌لایه‌کی دیکه‌وه‌ ئاماژه‌ی به‌وه‌دا که‌ زه‌مه‌نی ئه‌وه‌ به‌سه‌ر چووه‌ که‌ ده‌رگه‌ی سنووره‌کان به‌رووی هه‌رێمی کوردستاندا دابخرێن، به‌ڵام ده‌بێت ئێمه‌ هه‌موو بواره‌کان پێشبخه‌ین، ئه‌مه‌ش پێویستی به‌ده‌رکردنی یاسا و هه‌وڵی بازرگانان هه‌یه‌، هه‌روه‌ها زۆر کێشه‌ش هه‌ن که‌ کات و سه‌رده‌م چاره‌سه‌ریان ده‌کات.

 

له‌لایه‌کی دیکه‌وه‌، به‌ڕێز دارا جه‌لیل خه‌یات وتی:"ئێمه‌ ژماره‌یه‌کی زۆر بازرگانمان هه‌یه‌ و کاروباره‌کانی بازرگانی و سه‌رما‌یه گوزاری له‌م هه‌رێمه‌دا زۆر زیادی کردووه‌، بۆیه‌ پێویسته سه‌رله‌نوێ و به‌شێوازێکی پێشکه‌وتوو یه‌کخستنه‌وه‌ و رێکخستنه‌وه‌ بۆ بڕیار و یاسا و رێنماییه‌ ئابوورییه‌کان بکرێت.

 

له‌لایه‌کی دیکه‌وه‌، ئه‌ندامانی ئه‌نجومه‌نی کارگێڕی کۆمه‌ڵێک پرسی  گرنگیان وروژان، که‌ بوونه‌ جێی سه‌رنجی دانیشتنه‌که‌ و هه‌مه‌لایه‌نه‌ تاوتوێی پێویستیان بۆ کرا و، به‌گشتی هه‌موو لایه‌ک کۆک بوون له‌سه‌ر ئه‌وه‌ی که‌ چاره‌سه‌رکردنی کێشه‌کان به‌گشتی و به‌تایبه‌تی له‌بواری بازرگانیدا پێویستی به‌ کۆده‌نگی و راو وپێشنیاری هه‌موو لایه‌ک پێویسته، چونکه‌ ئه‌رکه‌کان به‌سه‌ر هه‌موواندا دابه‌ش ده‌کرێن.‌    

 

وا چاوەروان دەكرێت لە ئایندەیەكی نزیكدا لەرێگەی لیژنەیەكی هاوبەشەوە گرفتەكانی بازرگانی و پیشەسازی یەكبخرێن و بە نووسراو بدرێت بە سەركردایەتی ئەنجوومەن بە مەبەستی هەولدان بۆ چارەسەركردنیان .

 

له‌کۆتایی دیداره‌که‌شدا، به‌ڕێز دارا جه‌لیل خه‌یات سه‌رۆکی ژوور دیاری رێزلێنانی ژووری به‌خشییه‌ به‌ڕێز کاکه‌مین نه‌جاڕ به‌رپرسی ئه‌نجومه‌نی سه‌کردایه‌تی پارتی دیموکراتی کوردستان له‌هه‌ولێر.

ئه‌م بابه‌ته‌ 1341 جار خوێندراوه‌ته‌وه‌ دواین نوێكردنه‌وه‌ چوار شەممە, 23 کانونی دووەم 2013 07:52

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑