تۆ لێرەیت: ErbilChamberهه‌واڵواژووکردنی یادداشتنامەی لێکتێگەیشتن لەگەل تايوان

واژووکردنی یادداشتنامەی لێکتێگەیشتن لەگەل تايوان

بڵاوكراوه‌ته‌وه‌ له‌ هه‌واڵ چوار شەممە, 14 تشرینی دووەم 2018 08:00

رۆژی ١٢/١١/٢٠١٨ د. دارا جەلیل خەیات سەرۆکی ژوور بە ئامادەبوونی جێگرانی سەرۆکی ژوور و بەشێک لە ئەندامانی ئەنجومەنی کارگێڕی ژوور پێشوازییان لە شاندێکی وڵاتی تایوان بە سەرۆکایەتی جەیمس هوانگ سەرۆکی  ئەنجومەنی پەرەپێدانی بازرگانی دەرەوەی تایوان کرد.

لە دیدارێکدا دروستکردنی پەیوەندی بازرگانی و ئاڵوگۆڕی شاندە بازرگانیەکان لە نێوان وڵاتی تایوان و هەرێمی کوردستان گفتوگۆی لەبارەیەوە کرا.

سەرۆکی ژوور وتی: هەرێمی کوردستان بەهۆی سەقامگیری و کەشی لەباری بۆ وەبەرهێنان لە زۆر سێکتەر بە تایبەت سێکتەرەکانی کشتوکاڵ، گەشت و گوزار و پیشەسازی بوەتە هۆی سەرنجڕاکێشانی وەبەرهێنەرانی زۆرێک لە وڵاتان، خاوەن کۆمپانیا و وەبەرهێنەرانی وڵاتی تایوانیش دەتوانن سوود لە دەرفەتەکان وەربگرن.

وتیشی: ئاسانکاری کردن لە پێدانی ڤیزا بۆ بازرگانانی هەرێم و کردنەوەی سەنتەرێکی بازرگانی وڵاتی تایوان لە هەرێم هەنگاوێکی سەرەتایە بۆ پێشخستنی سێکتەری بازرگانی لە نێوان هەردوولا.

سەرۆکی ژوور هیوای خواست شاندی میوان لە کاتی گەڕانەوەیان بۆ وڵاتەکەی خۆیان ئەم سەقامگیرییە و کەشە لەبارە بۆ خاوەن کۆمپانیا و وەبەرهێنەرانی خۆیان بگەیەنن بتوانین پەرە بە پەیوەندییە بازرگانییەکان بدەین.

جەیمس هوانگ وتی: ئێمە هەوڵ دەدەین وەرگرتنی ڤیزا بۆ بازرگانانی هەرێم ئاسان بکەین، لەهەمان کاتدا لە ساڵی داهاتوو بە شاندێکی گەورەی بازرگانی و راگەیاندنی وڵاتی تایوان سەردانی هەرێمی کوردستان دەکەینەوە بۆ ئەوەی کە من ئەو سەقامگیرییە و کەشەی لەبارەی وەبەرهێنانم بینی لە هەرێمی کوردستان ئەوانیش لە نزیکەوە ببینن.

دواتر سۆران ئەبوبەکر جێگری سەرۆکی ژوور لەگەڵ جەیمس هوانگ یادداشتنامەیەکی لێکتێگەیشتنیان واژووکرد کە چەندین بڕگەی لەخۆگرتبوو ئاماژەبوون بۆ بەهێزکردن و دروستکردنی پەیوەندییە بازرگانییەکان.

ئه‌م بابه‌ته‌ 979 جار خوێندراوه‌ته‌وه‌

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑