رێكەوتی 12/4/2016 بەمەبەستی پیرۆزبایكرد و دەستبەكاربوون وەكو كونسوڵی كوەیت لە هەرێمی كوردستان ، شاندێكی ژووری بازرگانی و پیشەسازی هەولێر سەردانی كونسوڵخانەی كوەیتیان لە هەرێمی كوردستان كرد و لەلایەن عومەر ئەحمەد ئەلكەندر كونسوڵی كوەیت پێشوازیكرا ، د. دارا جەلیل خەیات سەرۆكی ژووری بازرگانی و پیشەسازی هەولێر وێرای پیرۆزبایكردن ئاماژەی بە رەوشی بازرگانی و پیشەسازی هەرێمی كوردستان لەگەڵ وڵاتانی دەرەوە كرد و گوتی ، لەگەڵ وڵاتانی جیهان و تایبەت وڵاتانی عەرەبی پەیوەندیەكی پتەومان هەیە لە بوارەكانی بازرگانی و پیشەسازی ، هیواخوازین لەگەڵ وڵاتی كوەیتیش پەیوەندیەكانمان بەهێزتر بێت و پێمان خۆشە وەبەرهێنەرانی وڵاتی كوەیت سەردانی هەرێمی كوردستان و شاری هەولێر بكەن و وەبەرهێنان ئەنجام بدەن ، هەروەها گوتیشی دەبێ كونسوڵخانەش هاوكاریەكی باشی وەبەرهێنەران و بازرگانانی هەرێم بدات بۆ پێدانی ڤیزە و پەرەپێدانی رەوشی ئابووری و بازرگانی ، گوتیشی زۆرێك لە بازرگانانی وڵاتانی عەرەبی لە هەرێمی كوردستان و تایبەت شاری هەولێر كار دەكەن ، هیوادارین بازرگان و وەبەرهێنەرانی كوەیتیش سەردانمان بكەن و كارمان لەگەڵ بكەن . دواتر كونسوڵی كوەیت وێرای بەخێرهێنان ئاماژەی بە كار و چالاكیەكانیانی كرد و گوتی دەمانەوێت لەگەڵ هەرێمی كوردستان پەیوەندیەكی زۆر پتەوی بازرگانی و ئابووری دروست بكەن ، گوتیشی وڵاتی كوەیت ئێستا چاوی لەسەر هەرێمی كوردستانە و گرنگی پێدەدات ، ئاماژە بەوەشدا لە ماوەی داهاتوو شاندێكی بازرگانی وڵاتی كوەیت یاخود شاندێكی بازرگانی هەرێمی كوردستان سەردانی كوەیت بكەن بۆ ئەوەی لەگەڵ یەكتری پەیوەندیەكی توند و تۆڵ دروست بكەن و هاوكاری و هەماهەنگی یەكتری بكەن ، لە كۆتایشدا ئامادەیی كونسوڵخانەی بۆ هەموو جۆرە هاوكاری و هەماهەنگیەك نیشاندا .هەرێمی كوردستان و كوەیت پەیوەندیەكانیان لە بوارەكانی ئابووری و بازرگانی پتەو دەكەن
