رۆژى چوارشەممە 5/5 دارا جەلیل خەیات سەرۆکى ژوورى بازرگانى و پیشەسازی هەولێر پێشوازى لە حەبیب پور موتەهەر بەرپرسى بازرگانى قونسولخانەى کۆمارى ئیسلامى ئێران لە هەولێر کرد. دواى بەخێرهێنانیان سەرۆکى ژوور بە درێژى باسى لە سەردانەکەى شاندى هەرێمى کوردستان لە مانگى نیسانى رابردوو بۆ کۆمارى ئیسلامى ئێران کرد کە سەردانى کرماشان و ئەسفەهان و تەهرانیان کردبوو لەو پێشیش چەندین پرۆتۆکۆلى پەیوەندى و هەماهەنگیان لەگەل ژوورەکانى ئەو سێ شارەى ئێران ئیمزا کرابوو، هەروەها بە سەردانێکى سەرکەوتووى لەقەلەمدا و ووتى ئەم سەردانە و کۆبونەوەکانمان ئاماژە بە پێشکەوتنى پەیوەندى بازرگانى و ئابوورى نێوان هەرێمى کوردستان و ئێران دەکەن. پور موتەهەر خۆشحالى خۆى بەرامبەر بە ئاکامەکانى ەو سەفەرە و الاکیەکانى تیایدا کراون دەربرى و دواتریش باسى لە هەبوونى ئالیەتێک یان دەزگایەک بۆ لە ئەستۆ گرتنى پەیوەندى نێوان بازرگان و پیشەسازانى ئێران و هەرێمى کوردستان بە گرنگ زانى و ئاماژەى بە سەنتەرى بازرگانى کۆمارى ئیسلامى ئێران لە هەولێر کرد کە لە سەرەتاى دامەزراندنیەوە بە هۆکارێکى باش لە قەلەمدا بۆ لە ئەستۆ گرتنى ئەو جۆرە کارانە بۆیە پشتگیرى کردنى ژوورى بە فاکتەرێکى گرنگ وەسف کرد بۆ چارەسەرکردنى ئەو گرفتە یاساییانەى کە پەیوەندیان بە وەرگرتنى رەزامەندى حکومەتى ناوەندى عێراقەوە هەیە لە وەرگرتنى مۆلەتى رەسمیدا ئەو سەنتەرە هەیەتى. سەرۆکى ژوور ئامادەیی خۆى دەربرى بۆ ئەنجامدانى هەر کارێک کە لە توانایدا هەبێت و هاوکارى کردنیان بۆ کردنەوەى ئەو سەنتەرە بە شێوەیەکى فەرمى.