تۆ لێرەیت: ErbilChamberمەرجی بە ئەندامبوونناسنامه‌ی بازرگان ئه‌رشیفی ماڵپه‌ڕی پێشووراوێژکارى جێگرى سەرۆکى نێردراوى سەفارەتى هۆلەندا سەردانى ژوور دەکات

راوێژکارى جێگرى سەرۆکى نێردراوى سەفارەتى هۆلەندا سەردانى ژوور دەکات

بڵاوكراوه‌ته‌وه‌ له‌ ئه‌رشیفی ماڵپه‌ڕی پێشوو یەک شەممە, 22 ئازار 2009 00:00
رۆژى یەک شەممە 22/3/2009 دارا جەلیل خەیات سەرۆکى ژوور و ژمارەیەک لە ئەندامانى ئەنجوومەنى کارگێرى پێشوازیان کرد لە ارنستو برام راوێژکارى جێگرى سەرۆکى نێردراوى سەفارەتى هۆلەندا لە بەغدا کە بە مەبەستى دانانى بنەمایەکى پەیوەندى بەتین لەگەل ژوورى بازرگانى و پیشەسازى هەولێر سەردانى ژوورى کرد. لە دانیشتنێکدا کە زیاتر لە یەک کاتژمێرى خایاند گەلێک بابەت خرانە بەرباس و گفتوگۆ.. سەرەتا دارا جەلیل خەیات کورتەیەکى دەربارەى ژوور و مەبەست و ئامانجەکانى خستە روو، دواتر ئاماژەى بەو کاروچالاکیانە کرد کە لە ماوەى تەمەنى بۆردى ئێستاى ژوور ئەنجامیان داوە کرد و باسی لەو پرۆتۆکۆل و رێککەوتننامانە کرد کە ژوور لەگەل زۆربەى هاوشێوەکانى لە ولاتانى دەرەوە ئیمزاى کردوە بە مەبەستى خزمەت گەیاندن بە بازرگان و پیشەساز و وەبەرهێنەران لە کوردستان لەو ولاتانەى کە پەیوەندیان لەگەلدا ئیمزا کراوە، هەروەها ئەم سەردانەى (ارنستو برام) ى بە گرنگ لە قەلەمدا و ووتى ئەم جۆرە سەردانانە سەرەتایەکن بۆ چوونە ناو گفتوگۆکردن و دروستکردنى پەیوەندى و رێگە خۆش دەکات بۆ بەشداریکردنى کۆمپانیاکانى هولەندا لە پرۆسەى ئاوەدانکردنەوەى کوردستان و ئەنجامدانى وەبەرهێنان، لە درێژەى قسەکانیدا دەرفەتەکانى وەبەرهێنانى لە کوردستان روون کردەوە و تەئکیدى لەسەر لایەنى کشتوکالى و پیشەسازى و خۆراکى کرد لە کاتێکدا کە حکومەتى هەرێمى کوردستان لە بەرنامەى ئێستایدا بایەخى زۆر بە پرۆژەى کشتوکالى و پیشەسازى کشتوکالى دەدات ئەمەش بۆ کۆمپانیا هۆلەندیەکان گرنگە چونکە هۆلەندا تاقیکردنەوەى باشى لەو بوارەدا هەیە. دواتریش یەکە یەکەى ئامادەبوان خۆیان ناساند و باسیان لە کۆمپانیا و تایبەتمەندێتى کارەکانیان کرد... ارنستو برام لە میانەى گفتوگۆکانیدا باسى لە نیازى کۆمپانیا هۆلەندیەکان کرد بۆ وەبەرهێنان لە کوردستان و ئەم سەردانەى بە دەروازەیەک بۆ دروستکردنى پەیوەندى لەگەل هەرێم و پەیوەندى لە نێوان بازرگان و پیشەسازانى هۆلەندى و کوردستانى وەسفکرد. وا چاوەروان دەکرێت پەیوەندى ژوور لەگەل هۆلەندا بەگشتى و ژوورە بازرگانیەکانى هۆلەندا بە تایبەتى لە ئایندەیەکى نزیکدا بچێتە قۆناغێکى تازەوە.
ئه‌م بابه‌ته‌ 3426 جار خوێندراوه‌ته‌وه‌

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« January 2011 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑