رۆژانی ١٣ - ١٥ /٦/ ٢٠١٩ سۆران ئەبوبەکر جێگری سەرۆکی ژوور و کەمال عەزیز ئەندامی ئەنجومەنی کارگێڕی ژوور بەشداربوون لە پێشانگای نێودەوڵەتی (Poultry and Technologies) لە شاری ئەستەنبۆڵ، ئەم پێشانگایە تایبەت بوو بە پرۆژە پەلەوەرییەکان و بەکارهێنانی تەکنەلۆژیای سەردەم.
هەر لەم پێشانگایە جێگری سەرۆکی ژوور و ئەندامی ئەنجومەنی کارگێڕی ژوور لەگەڵ چەندین کۆمپانیا و بەشداربووان کۆبوونەوەیان ئەنجامدا هیوایان خواست بتوانن سەردانی هەرێمی کوردستان بکەن لە نزیکەوە بەرهەم و کەرستەکانیان نمایش بکەن بەشداربن لە پرۆژە پەلەوەرییەکان.
بە پێ ی دوو نوسراوی پاشکۆی بازرگانی لە باڵیۆزخانەی کۆماری ئیسلامی ئێران لە بەغدا بە ژمارەی (45313) و (45310) لە ٢٢/٥/٢٠١٩ کە ئاڕاستەی یەکێتی ژوورەکانی بازرگانی عێراق کراوە و ژوورەکەمانی پێ ئاگادار کراوەتەوە کەوا ئەو دوو کۆمپانیایەی ناو و پیشە و کەناڵی پەیوەندی کردنیان لە خوارەوە هاتووە ئارەزوو دەکەن بێنە ناو بازاڕی عێراق و پەیوەندی لەگەڵ کۆمپانیاکانی خۆماڵی ببەستن کە لە ژوورەکانی بازرگانی عێراق و کوردستان تۆمارکراون:
١- کۆمپانیای (یاران ساختار ئازەر) لە شاری تاران، تایبەتمەندە بە کیسی ئارد و چیمەنتۆ.
ت: ٠٠٩٨٩١٤٥٠٠٠٠٣٠
و: yasco.net
٢- کۆمپانیای (صنعتى دودەفام -صدف-) لە شاری تاران، تایبەتمەندە بە (انواع السخام الصناعي)
ت: ٠٠٩٨٢١٨٨٦٤٠٣٧٣٤
هەر کۆمپانیایەک نیازی هەیە پەیوەندی بازرگانی لەگەڵ هەریەک لەم دوو کۆمپانیایەی سەرەوە هەیە دەتوانی پەیوەندییان پێوە بکات
لەگەڵ رێزمان