رۆژی 20/2/2017 سەركەوت حاجی جەمال و سالار جەلال ئەندامانی ئەنجومەنی كارگێڕی ژوور وەكو شاندی ژووری بازرگانی و پیشەسازی هەولێر بەشداربوون لە رێوڕەسمی گۆڕینی سەرۆكی دەستەی رێكخراوە جەماوەری و پیشەییەكان هەر بەم بۆنەیەوە دەست خۆشیان لە ئەرك و ماندوبوون و خزمەتەكانی هەردوو سەرۆكانی پێشووی دەستەكە رێبوار یەڵدا و چنار سەعد كرد هیوای سەركەوتنیان بۆ خواست لە ئەركەكانی داهاتوویان لە هەمان كات دا پیرۆزباییان لە ساسان عەونی كرد كە وەكو سەرۆكی نوێ ی دەستەكە دەست بەكاربوو.
سەرۆكی ژووری بازرگانی و پیشەسازی هەولێرلە دیدار‌كی ئاژانسی فرانس پرێسدا رایگەیاند، هەموو ئاماژەكان نیشان دەدەن كە ئەمساڵ بارودۆخی ئابووری كوردستان بەرەو باشتر هەنگاو دەنێت، بەتایبەتی كە كێرڤی نرخی نەوت بەرەو بەرزبوونەوە هەڵدەكشێت.
دارا جەلیل خەیات ئاماژەی بە رەوشی بازرگانی و پیشەسازی هەرێمی كوردستان كردو، وتی: ڕاستە لە ماوەی رابردوودا بەهۆی شەڕیی داعش و دابەزینی نرخی نەوت و نەناردنی بودجە لەلایەن حكومەتی بەغداوە كێشە بۆ هاوڵاتیانی هەرێمی كوردستان دروست بوو، بەڵام هاوڵاتیان خۆیان گونجاندووە لەگەڵ ئەو بارودۆخه و پشت بەخۆبەستنی حكومەتی كوردستان رۆژبەڕۆژ زیاتر دەبێت.
هەروەها وتی: بە ئازادكردن و بوونیاتنانەوەی موسڵ بێگومان ئاڵوگۆری بازرگانی زیاد دەبێت و هەلی كاری نوێ بۆ هاوڵاتیان دەرەخسێنرێت، بازرگانانی كوردستان ئامادەن بەشداری لە رەوشی ئاوەدانی و بازرگانی ئەو شارەدا بكەین .