شاندێكی كۆمپانیای (Can)ی ئێرانی بۆ دروستكردنی كەل و پەلی ناوماڵ و چێشتخانەكان بە سەرۆكایەتی سوهەیل عاتفی رۆژی 19ی ئایاری 2015 سەردانی ژووریان كردو لە لایەن ماجد جەلال ئەندامی ئەنجومەنی كارگێڕی ژوور پێشوازییان لێكرا.
لە دیدرێكدا شاندی میوان سوپاسی ژووریان كرد بۆ ئەم پێشوازییە و ئامانجی سەردانەكەیان بۆ ژوور پەیداكردنی هاوبەشێكی بازرگانیە لە هەرێمی كوردستان لە رێگای ژوورەوە بۆ ئەوەی بتوانن بەرهەمەكانیان هەناردەی هەرێم بكەن و لە بازاڕەكان ساغی بكەنەوە، هیواشیان خواست ئەوانیش بتوانن لە رێگای بەرهەمەكانی خۆیانەوە خزمەت بە هاوڵاتیانی هەرێم بكەن.
لە لایەن خۆشیەوە ماجد جەلال دوای بەخێرهاتن هیوای سەركەوتنی بۆ خواستن ئامادەیی خۆیی و ژووریشی نیشاندا بۆ هەموو هاوكارییەك.