رۆژی 9/12/2015 د. دارا جەلیل خەیات سەرۆكی ژوور پێشوازی كرد لە شاندێكی دامەزراوەی پەرەپێدانی نێودەوڵەتی IFC بە سەرۆكایەتی خاتوو فۆهرێتن یاكچی راوێژكاری بازرگانی و ئابووری گشتی لەم رێكخراوە.
لە دیدارێكدا رۆڵی بانكەكان لە پەرەپێدانی پرۆژەكان باسی لێوە كرا هەروەها گرنگترین ئەو سێكتەرانەی كە لە ئێستادا هەرێمی كوردستان پێویستی پێیەتی خرایە بەر باس.
سەرۆكی ژوور رایگەیاند: پێویستە ساڵانە بەشێك لە داهات لە لایەن حكومەتەوە هەڵبگیرێت لە دواییدا بدرێت بە بانكەكان و ئەوانیش بیدەن بە كەرتی تایبەت بۆ ئەوەی پرۆژەكان بەڕێوە ببەن، بەم شێوازە هەموو لایەك لێ ی سوود مەند دەبن.
د. دارا جەلیل خەیات ئەوەشی خستە روو: هەرێمی كوردستان بە هۆی هەبوونی زەوی بە پیت و ئاو پێویستی بە وەبەرهێنانە لە سێكتەری كشتوكاڵ وە دامەزراندنی كارگەی پیشەسازی خۆراك لە هەمان كات دا لە سێكتەری گەشت و گوزاریش پێویستمان بە بوژاندنەوەیە.