ئێوارەی رۆژی 24ی ئاب ئەنجومەنی كارگێڕی ژوور بە ئامادەبوونی سەرۆكی ژوور لە سەنتەری رۆشنبیری ژووری بازرگانی و پیشەسازی هەولێر پێشوازی كرا لە خاتوو بارۆنس ئیما نیكڵسۆن سەرۆكی ئەنجومەنی بازرگانی عێراقی – بەریتانی (IBBC) .

لە دیدارێكدا ساماڵ سەردار وەزیری بازرگانی و پیشەسازی حكومەتی هەرێمی كوردستان و سەرۆكی ژووری بازرگانی و پیشەسازی دهۆك و ژمارەیەك لە كەسایەتی و بازرگانان و كەناڵەكانی راگەیاندن ئامادەی بوون، دارا جەلیل خەیات سەرۆكی ژوور ووتەیەكی پێشكەشكرد پاش بەخێرهاتن باسی لە رۆل و گرنگی ئەم رێكخراوە كرد لە بەرەو پێشبردنی كەرتی بازرگانی لە عێراق بە گشتی و كوردستان بەتایبەتی هەروەها رۆلی خاتوو بارۆنس ئیما نیكلسۆنی بەرز نرخاندكە لەساتە ناخۆش ە دژوارەكاندا پاڵپشتی بازرگانان بووە، وە داواشی لە بازرگانان كرد لەم ساتەدا بە هەم و هەوڵ و توانایەكەوە كاربكەن و سست نەبن لە بەڕێوەبردنی كارەكان وە پاڵپشتی ژووری نیشاندا بۆ هەموو هاریكارییەك و پشتگیرییەك.

پاشان خاتوو بارۆنس ئیما نیكلسۆن لە ووتەكەیدا زۆر سوپاسی ژووری بازرگانی و پیشەسازی هەولێری كرد كە لە بەرەو پێشبردنی رەوتی بازرگانی هەرێم رۆڵی گرنگی گێڕاوە هەروەها پیرۆزبایی سەركەوتنی كۆنگرەی ووڵاتانی عەرەبی كرد كە لەهەولێر بەسترا بە دەستكەوتێكی گرنگ وەسفی كرد بۆ ژوور، وە لە درێژەی ووتەكانیشیدا باسی رەوشی بازرگانی ئێستای عێراق و هەرێمی كوردستانی كرد كە بەهۆی ئەم ئاڵۆزییە بە قۆناغێكی هەستیاردا  تێپەڕدەبێت و روونی كردەوە كە ئەوان وەكو ئەنجومەنی (IBBC) پاڵپشتی خۆیان دووپات دەكەنەوە هەم وەكو ووڵاتی بەریتانیاش بەردەوام دەبن لە هاریكاری.

پاشان ئێوارە خوانێك بۆ ئامادەبووان لە سەنتەری رۆشنبیری ژوور رێكخرا.

 

لە چوارچێوەی هەست كردن بە بەرپرسیارێتی نیشتمانی ئەنجومەنی كارَگێڕی ژوور هەستا بە تەرخانكردنی بودجەیەكی دیاریكراو بۆ كڕین و ناردنی خۆراكی ژەمی بەیانیان بۆ هێزەكانی پێشمەرگەی كوردستان لە بەرەكانی شەڕدا لە هەردوو میحوەری گوێڕ و مەخموور.

لە مبارەیەوە دارا جەلیل خەیات سەرۆكی ژووری بازرگانی و پیشەسازی هەولێر رایگەیاند: هاوكارییەكە بریتی یە لە دابینكردنی ژەمە خۆراكی بە یانیانی زیاتر لە 3000 هەزار پێشمەرگە لە بەرەی مەخمورگوێر، هەر ژەمێكیش لە پێنج جۆر خواردن پێكدێت، دووپاتیشیكردەوە كە ئەو ژەمە خواردنانە لە لایەن تیمێكی تایبەتەوە دابەش دەكرێت كە لە لایەن ژوورەوە پێكهێنراوە، ئەم هاوكارییەش لە 18/8 دەستی پێكردوە و بەردەوامیش دەبێت تا ئەو بودجەیەی كە بۆی تەرخان كراوە نەواو دەبێت .