لە میانەی دانیشتنێكدا شاندی میوان باسیان لە بەرهەمی كارگەكانی خۆیان كرد و خۆشحاڵی خۆشیان بۆ ئەم پێشوازییە دەربڕی روونیشیان كردەوە كە ئەوان بۆ یەكەم جارە سەردانی هەرێم دەكەن و ئامانجیشیان لەم سەردانە بۆ ئاگاداربوونە لە رەوشی بازاڕەكانی هەرێمی كوردستان و هەروەها لە نزیكەوە ئەو بازرگانە كوردانە ببینن كە هاوردەی بەرهەمەكان دەكەن لە توركیاوە بۆ كوردستان تا بەرهەمەكانیان بە گوێرەی ویست و داخوازی ئەوان دروست بكەن.

لە لایەن خۆشیەوە سەرۆكی ژوور زۆر بەخێرهاتنی كردن و ئامادەیی خۆی و ژووریشی نیشاندا بۆ هاوكاریكردن و رێنونی كردنیان ، هیواشی خواست ئەوان وەكو خاوەن كارگە بتوانن نوسینگەیەك لە هەرێم بكەنەوە تاوەكو بازرگانان بەشێوەیەكی ئاسانتر بتوانن كاڵاكان هاوردە بكەن.

 

شاندی میوان زۆر خۆشحاڵ بوون بە هاتنیان بۆ هەرێمی كوردستان و رایانگەیاند كە ئەوان هاتوون بۆ ئەوە لە نزیكەوە سەیری بازاڕی هەرێمی كوردستان بكەن و بۆ ئەوەی بتوانن بانگێشتی بازرگانان و وەبەرهێنەرانی خۆیان بكەن لە كوردستان كاربكەن، وە هیواشیان خواست پەرە بە پەیوەندیە بازرگانیەكانی نێوانیان بدەن وە،  داوەتی ژووریشیان كرد بۆ پێشانگایەكی نێودەوڵەتی كە لە رۆژی 8 تا 11 ی ئایار بۆ ئامێرە كشتوكاڵیەكان و كەل و پەلی خۆراكی و سامانی ئاژەڵی لە شاری ماردین دەكرێتەوە، بازرگانانی هەرێمی كوردستانیش دەتوانن بەشداری بكەن، بۆ ئەم مەبەستەش بازرگانان دەتوانن سەردانی ژووری بازرگانی و پیشەسازی هەولێر بكەن بۆ زانیاری زیاتر. 

لە لایەن خۆشیەوە جێگری سەرۆكی ژوور بەخێرهاتنی كردن و ئامادەیی ژووریشی بۆ هەموو پاڵپشتیەك دەربڕی هیواشی خواست لە ماوەی داهاتوو پەیوەندی نێوان هەردوولا بەرەو پێشتر بچن.