تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: یەک شەممە, 01 ئەیلول 2013

ژووری بازرگانی و پیشه‌سازی هه‌ولێر، به‌هه‌ماهه‌نگی له‌گه‌ڵ دیوانی چاودێری دارایی له‌رێگه‌ی به‌شی (سه‌نته‌ری زانیاری و په‌ره‌پێدانی کار) خولێکی راهێنانی ده‌رباره‌ی (ژمێریاری و وردبینی) کرده‌وه‌.

 

‌ خوله‌که له‌  25/8/2013 ده‌ستی پێکرد و بۆ ماوه‌ی (5) رۆژ به‌رده‌وام بوو. 24 که‌س له‌کارمه‌ندانی که‌رتی تایبه‌ت و ژماره‌یه‌ک له‌وه‌زاره‌ت و ده‌زگه‌ حکومییه‌کان‌ ‌به‌شدارییان له‌ ‌خوله‌که تێدا کرد .

 

راهێنه‌رانی خوله‌که‌ بریتی بوون له‌چه‌ند مامۆستایه‌کی زانکۆ و شاره‌زایانی بواری ژمێریاری.

لە كۆتایی خولەكەشدا بڕوانامەی بەشداربوون  بەسەر بەشداربووانی خولەكە دابەش كرا.

 

جێی ئاماژه‌یه‌، ژووری بازرگانی و پیشه‌سازی هه‌ولێر به‌مه‌به‌ستی به‌رزکردنه‌وه‌ی ئاستی توانای کارمه‌ندان و ئه‌وانه‌ی که‌ ده‌یانه‌وێ له‌که‌رتی تایبه‌ت ده‌ست به کاربن، به‌به‌رده‌وامی و به‌هه‌ماهه‌نگی له‌گه‌ڵ لایه‌نه‌ په‌یوه‌نداره‌کان خولی جۆراجۆر ده‌کاته‌وه.

له‌ماوه‌ی چه‌ند ساڵی رابردووشدا، له‌گه‌ڵ رێکخراوه‌ نێوده‌وڵه‌تییه‌کانیش چه‌ندین خولی راهێنانی جۆراجۆری بۆ ئه‌و مه‌به‌سه‌ته‌ کردۆته‌وه‌. ‌      

بڵاوكراوه‌ته‌وه‌ له‌ هه‌واڵ

له‌میانه‌ی سه‌ردانه‌که‌ی بۆ ئێرله‌‌ندای باکوور، به‌ڕێز دارا جه‌لیل خه‌یات سه‌رۆکی یه‌کێتی ژووره‌کانی بازرگانی و پیشه‌سازی کوردستان له‌گه‌ڵ به‌رپرسانی ئابووری ئه‌و وڵاته‌دا کۆبوویه‌وه‌.

پاش گه‌یشتنی بۆ (به‌لفاست)ی پایته‌ختی ئێرله‌‌ندای باکوور، شاندی هاوبه‌شی حكومەت و که‌رتی تایبه‌ت له‌هەرێمی کوردستان به‌‌‌سه‌رۆکایه‌تی به‌ڕێز فه‌لاح مسته‌فا به‌رپرسی نووسینگه‌ی په‌یوه‌ندییه‌کانی ده‌ره‌وه‌ی حکومه‌تی هه‌رێمی کوردستان و ئه‌ندامێتی به‌ڕێز دارا جه‌لیل خه‌یات سه‌رۆکی یه‌کێتی ژووره‌کانی بازرگانی و پیشه‌سازی کوردستان و، نوێنه‌رانی ئه‌نجومه‌نی وه‌زیران و، وەزارەته‌کانی  (خوێندنی باڵا و ناوخۆ و كشتوكاڵ) و، هه‌ردوو دەستەی وەبەرهێنان و  گەشتو گوزار پێکهاتبوو، چه‌ندین کۆبوونه‌وه‌ی گرنگی له‌گه‌ڵ به‌رپرسانی ئه‌و وڵاته‌دا ئه‌نجام دا.

له‌میانه‌ی کۆبوونه‌وه‌کاندا، هه‌ردوولایان به‌رپرسانی هه‌رێم و ئێرله‌ندا جه‌ختیان له‌سه‌ر کاراکردن و جێبه‌جێکردنی به‌نده‌کانی ئه‌و رێککه‌وتننامه‌یه کردۆته‌وه‌‌، که‌ به‌ر له‌ماوه‌یه‌ک له‌نێوان هه‌رێمی کوردستان و ئێرله‌ندای باکووردا واژۆکراوه‌، ئه‌ویش له‌رێی دانانی میکانزیم و هەنگاونانی کرده‌نی له‌پێناو خزمەتكردن به‌هەردوولادا.

له‌وباره‌یه‌وه، به‌ڕێز دارا جه‌لیل خه‌یات سه‌رۆکی یه‌کێتی ژووره‌کانی بازرگانی و پیشه‌سازی هه‌رێمی کوردستان، له‌لێدوانێكی تایبه‌تدا زانیاری زیاتری له‌باره‌ی سه‌ردانه‌که‌یان بۆ ئه‌و وڵاته‌ ئاشکرا کرد و، وتی:"ئێمه‌ به‌یاوه‌ری شانده‌که‌ی هه‌رێم سه‌ردانی شاری (به‌لفاست)مان کرد، له‌وێ چه‌ندین دیداری گرنگمان ئه‌نجام دا، له‌وانیش له‌رێککه‌وتی 27/8، له‌گه‌ڵ ژماره‌یه‌ک له‌به‌رپرسانی ده‌زگه‌ی وه‌به‌رهێنانی ئێرله‌ندا کۆبووینه‌وه‌ و، تێدا تاوتوێی په‌یوه‌ندییه‌ بازرگانییه‌کانی نێوان کوردستان و ئێرله‌ندا کرا."

له‌درێژه‌ی لێدوانه‌که‌یدا به‌ڕێزیان وتی:"هه‌مان رۆژ کۆبوونه‌وه‌یه‌کی دیکه‌ی گرنگمان له‌گه‌ڵ به‌رپرسانی باڵای ده‌زگه‌ی خاوه‌نکارانی ئێرله‌ندا ناسراو به‌(CBI) گرێدا، له‌و کۆبوونه‌وه‌یه‌دا هه‌ردوولامان باسمان له‌به‌یه‌کگه‌یاندنی بازرگان و پیشه‌وه‌‌رانی کوردستان و ئێرله‌ندا کرد."

بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑