تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: سێ شەممە, 21 ئایار 2013

رێککه‌وتی 20/5/2013، به‌ڕێز دارا جه‌لیل خه‌یات سه‌رۆکی ژووری بازرگانی و پیشه‌سازی هه‌ولێر له‌باره‌گه‌ی ژوور، دیدارێکی له‌گه‌ڵ  سه‌رۆکی ژووری بازرگانی کوردی – پۆڵه‌ندیدا ئه‌نجامدا، که نوێنه‌ری کۆمه‌ڵه‌ی دۆستایه‌تی کوردی – پۆڵه‌ندی له‌هه‌ولێر ‌یاوه‌ریان بوو.

 

له‌سه‌ره‌تای دیداره‌که‌دا، به‌ڕێز دارا جه‌لیل خه‌یات سه‌رۆکی ژوور به‌گه‌رمی به‌خێرهێنانی شاندی میوانی کرد، پاشان ئاماژه‌ی به‌پێشوه‌چوونی  په‌یوه‌ندییه‌ دوو قۆڵییه‌کانی نێوان هه‌رێمی کوردستان و پۆڵه‌ندا کرد، که‌به‌هۆی سه‌ردانیکردنی شانده‌کانی هه‌ردوولا و بۆ لای یه‌کتری هاتۆته‌ ئاراوه‌.

هه‌روه‌ها ئاماژه‌ی به‌وه‌دا که‌ ده‌کرێت کوردستان له‌زۆر بواردا سوود له‌شاره‌زاییه‌کانی پۆڵه‌ندییه‌کان وه‌ربگرێت، بۆ نموونه‌ ده‌کرێت به‌رهه‌مه‌ جۆراجۆره‌نیان و دیکه‌یان ره‌وانه‌ی کوردستان بکه‌ن. 

هاوکات به‌ڕێزیان ئاماده‌یی ژووری بازرگانی بۆ پێشوازیکردن و هاوکاریکردنی ‌هه‌ر ‌شاندێکی پۆڵه‌ندی دووپاتکرده‌وه‌ که‌ به‌مه‌به‌ستی کاری بازرگانی و سه‌رمایه‌گوزاری بێنه‌ کوردستان.

 

لای خۆیه‌وه‌، به‌ڕێز پاوڵ سوێبۆدا سه‌رۆکی ژووری بازرگانی کوردی – پۆڵه‌ندی خۆشحاڵی خۆی و ئه‌ندامانی شاندی یاوه‌ری به‌هاتنیان بۆ هه‌ولێری پایته‌خت و ژووری بازرگانی ده‌ربڕی و، هه‌روه‌ها تیشکی خسته‌ سه‌ر په‌یوه‌ندییه‌ دوو قۆڵییه‌کانی نێوان هه‌رێمی کوردستان و وڵاته‌که‌ی و رایگه‌یاند که‌ ئێستا لیژنه‌یه‌کی تایبه‌ت له‌په‌رله‌مانی پۆڵه‌ندا به‌ناوی لیژنه‌ی دۆستایه‌تی کوردی - پۆڵه‌ندی پێکهێنراوه‌، که‌ ئه‌مه‌ش پێشوه‌چوونێکی گه‌‌وره‌یه‌ له‌په‌یوه‌ندییه دوو قۆڵییه‌کانی نێوان هه‌ردوولادا.

هه‌روه‌ها راشیگه‌یاند که‌ ئێستا ئه‌وان کار له‌سه‌ر هێنانی شاندێکی گه‌وره‌ی بازرگانی هۆڵه‌ندا ده‌که‌ن بۆ کوردستان، هاوکات داوه‌تی به‌ڕێز سه‌رۆکی ژووری بازرگانی کرد بۆ سه‌ردانیکردنی وڵاته‌که‌ی له‌داهاتوودا.

بڵاوكراوه‌ته‌وه‌ له‌ هه‌واڵ

رێککه‌وتی 20/5/2013، به‌ڕێز دارا جه‌لیل خه‌یات سه‌رۆکی ژووری بازرگانی و پیشه‌سازی هه‌ولێر له‌باره‌گه‌ی ژوور، پێشوازی له‌شاندێکی کۆمپانیای (دیلویت ئاند تووش)ی نێوده‌وڵه‌تی کرد.

 

له‌سه‌ره‌تای دیداره‌که‌دا، به‌ڕێز سه‌رۆکی ژوور وێڕای به‌خێرهێنانی شاندی میوان، ئاماژه‌ی به‌وه‌دا که‌ ئێستا هه‌رێمی کوردستان له‌سه‌رجه‌م بواره‌کاندا پێشکه‌وتنی به‌خۆیه‌وه‌ بینیوه‌ به‌تایبه‌تی له‌بواری گه‌شتیاریدا.

 

روونیشکرده‌وه‌ که‌ رۆژانه ژماره‌یه‌کی زۆر له‌گه‌شتیاران له‌وڵاتانی جیهانه‌وه‌ روو له‌شاره‌کانی هه‌رێم ده‌که‌ن، بۆیه‌ ئێستا بواری گه‌شتیاری جێی بایه‌خی حکومه‌تی هه‌رێمه ‌و بۆ ئه‌و مه‌به‌سته‌ش چه‌ندین پڕۆژه‌ی گه‌شتیاری به‌تایبه‌تی هۆتێل مۆڵه‌تی دروستکردنیان پێدراوه‌ و له‌لایه‌ن سه‌رمایه‌گوزارانه‌وه‌ جێبه‌جێ ده‌کرێن.

 

هه‌روه‌ها به‌ڕێزیان هیوای سه‌رکه‌وتنی بۆ شاندی میوان خواست له‌کاره‌کانیاندا و ئاماده‌یی ژووریشی ده‌ربڕی بۆ هاریکردنیان.

 

لای خۆیانه‌وه‌، به‌ڕێزان عیسی میسری له‌لقی هه‌ولێر‌ و مارتن کووپه‌ر له‌لقی دوبه‌ی و جۆناسان واڵ له‌ لقی قه‌ته‌ری سه‌ر به‌کۆمپانیای ناوبراو، سوپاسگوزاری خۆیان له‌به‌رامبه‌ر پێشوازیکردنیاندا ده‌ربڕی و  هه‌روه‌ها به‌جیا باسیان له‌سروشتی کاری کۆمپانیاکه‌یان کرد، که‌ له‌بواری گه‌شتیاری به‌تایبه‌تی له‌دروستکردنی هۆتێلدا کار ده‌کات و له‌سه‌ر ئاستی جیهانیش پڕۆژه‌کانیان به‌ئه‌نجام ده‌گه‌یه‌نن، راشیانگه‌یاند که‌ کوردستان جێیه‌کی زۆر باش ده‌بێت بۆ پڕۆژه‌ی گرنگی داهاتووی کۆمپانیاکه‌یان.

بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« February 2019 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑