تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: پێنج شەممە, 21 شوبات 2013

رێککه‌وتی 21/2/2013، به‌ڕێز دارا جه‌لیل خه‌یات سه‌رۆکی ژووری بازرگانی و پیشه‌سازی هه‌ولێر له‌باره‌گه‌ی ژوور، پێشوازی له‌شاندێکی باڵای کۆماری ئه‌رمه‌نستان کرد، که‌له‌به‌ڕێزان تیگران هاروت تیان جێگری وه‌زیری ئابووری و، زۆرۆ مۆهیان نوێنه‌ری جالیه‌ی کورد و، رۆبێرت هاروتونیان سه‌رۆکی ئاژانسی په‌ره‌پێدان و، ژماره‌یه‌ک له‌بازرگان و نوێنه‌ری کۆمپانیاکانی ئه‌و وڵاته‌ پێکهاتبوون.     ‌  

 

له‌‌سه‌ره‌تای دیداره‌که‌دا، که‌ ژماره‌یه‌ک له‌ئه‌ندامانی ده‌سته‌ی کارگێڕی ژوور ئاماده‌بوون، به‌ڕێز دارا جه‌لیل خه‌یات سه‌رۆکی ژوور به‌گه‌رمی به‌خێرهێنانی شاندی میوانی کرد و وتی:"ئه‌رمه‌نییه‌کان لای خه‌ڵکی ‌کوردستان خوشه‌ویستن و دۆستایه‌تی له‌مێژیینه‌یان له‌نێواندایه‌، بۆیه‌ هیوادارین که‌ ئه‌م دۆستایه‌تییه‌ دانانی بناغه‌یه‌کی پته‌و له‌په‌یوه‌ندییه‌ ئابوورییه‌کان له‌نێوان هه‌رێمی کوردستان و کۆماری ئه‌رمه‌نستان به‌دوای خۆیدا بێنێت، بۆیه‌ ئاماده‌ین پیشوازی له‌بازرگان  و سه‌رمایه‌گوزارانی ئه‌و وڵاته‌دا بکه‌ین ‌و وه‌ک ژوور هاریکاری و رێنوێنیان بکه‌ین، هاوکات به‌بازرگان و وه‌به‌رهێنه‌رانی کوردستانیان بناسێنین."

هه‌روه‌ها وتی:"کوردستان ده‌رگه‌یه‌که‌ بۆ هه‌موو عێراق، هه‌رێم خاوه‌ن بودجه‌یه‌کی باشه‌ له‌عێراقدا، له‌هه‌مان کاتدا له‌قۆناغی ئاوه‌دانکردنه‌وه‌دایه‌ و پێویستی به‌پێشخستنی هه‌موو سێکته‌ره‌کان هه‌یه‌، بۆیه‌ ده‌کرێت بازرگان و کۆمپانیاکانی ئه‌‌رمه‌نستان کاڵاکانیان بنێرنه‌ هه‌رێمی کوردستان.

 

لای خۆیه‌وه‌، به‌ڕێز تیگران هاروت تیان جێگری وه‌زیری ئابووری ئه‌رمه‌نستان، خۆشحاڵی خۆی به‌سه‌ردانیکردنی ژوور ده‌ربڕی و، هه‌روه‌ها وتی:"له‌ماوه‌ی چه‌ند ساڵی رابردوودا ئه‌رمه‌نستان په‌یوه‌ندی باشی دیپلۆماسی له‌گه‌ڵ عێراق ده‌ستپێکردووه‌ و به‌تایبه‌تی له‌گه‌ڵ هه‌رێمی کوردستاندا، ئه‌ویش به‌کردنه‌وه‌ی باڵیۆزخانه‌ی هه‌ردوولا له‌به‌غدا و یه‌ریڤان و سه‌ردانیکردنی به‌رپرسانی باڵای هه‌ردوولا بۆ لای یه‌کتری."    

هه‌روه‌ها ئاماژه‌ی پێدا که‌‌نییه‌تێكی فه‌رمی هه‌یه‌ بۆ کردنه‌وه‌ی کونسوڵخانه‌ی ئه‌رمه‌نستان له‌هه‌رێمی کوردستاندا.

 

له‌میانه‌ی دیداره‌که‌دا، هه‌ردوولا کۆک بوون له‌سه‌ر ئه‌وه‌ی که‌ ده‌ست به‌گه‌شتی ئاسمانی له‌ نێوان هه‌ردوو پایته‌خت (هه‌ولێر و یه‌ریڤان)دا بکرێت، له‌هه‌مان کاتدا کۆمپانیا ئه‌رمه‌نییه‌کان له‌کورستاندا لقی خۆیان بکه‌نه‌وه.

هاوکات به‌ڕێز دارا جه‌لیل خه‌یات سه‌رۆکی له‌رێی شاندی میوانه‌وه‌ داوه‌تی ئاڕاسته‌ی به‌رپرسانی ژووری بازرگانی ئه‌و وڵاته کرد که‌ له‌داهاتوودا بێنه‌ کوردستان، به‌هه‌مان شێوه‌ داوه‌تی فه‌رمی لایه‌نی به‌رامبه‌ری قبول کرد به‌مه‌‌به‌ستی سه‌ردانیکردنی شاندێکی بازرگانی کوردستان به‌سه‌رپه‌ر‌شتی ژووری بازرگانی بۆ ئه‌و وڵاته‌.

 

پاشان ئه‌ندامانی بازرگانی شاندی میوان خۆیان و پێگه‌ی کارکردنیان و کۆمپانیاکانیان ناساند، که‌ له‌بواری که‌ره‌سته‌کانی بیناسازی و، کێڵگه‌ی په‌له‌وه‌ڕ و، ته‌خته‌ و، به‌رهه‌هێنانی گوڵ و، داوده‌رمانی پزیشکی و، پلانڕێژی گومرک و، چه‌ند بوارێکی دیکه‌دا شاره‌زان.

 

له‌کۆتایی دیداره‌که‌شدا، دیاری رێزلێنان له‌نێوان هه‌ردوولادا گۆڕدرایه‌وه‌.

بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑