رۆژی 6/2/2024 گەیلان حاجی سەعید سەرۆکی ژووری بازرگانی و پیشەسازی هەولێر بە ئامادەبوونی کامەران سەڵاح باجگر و مەعروف عەزیزخان هەرکی جێگرانی سەرۆکی ژوور و بەشێك لە ئەندامانی ئەنجومەن پێشوازیان کرد...
بە ئامانجی زیادکردنی بەشداریکردنی کەرتی تایبەت لە پەرەپێدان و جێبەجێکردنی TVET پەیوەست بە کشتوکاڵ و بۆ دڵنیابوون لە رەنگدانەوەی کارامەیی و پێداویستیەکانی بازاڕی کار لە ئێستا و داهاتوودا لە رێگەی...
لە 19 - 23/ 2/ 2024 پێشانگای نێودەوڵەتی Gul Food لە شاری دوبەی بەڕێوەدەچێت. بۆ زانیاری زیاتر به‌شداری كردن سه‌ردانی ژوور بكه‌ن
ژووری بازرگانی و پیشەسازی هەولێر بەنیازە وێبسایتێکی تازە دروست بکات، داوا لە سەرجەم کۆمپانیاکانی تایبەتمەند لەو بوارە دەکەین کە بە شێوەیەکی یاسایی کار لەو بوارە دەکەن سەردانی ژووری بازرگانی و...
رۆژی 6/2/2024 گەیلان حاجی سەعید سەرۆکی ژووری بازرگانی و پیشەسازی هەولێر بە ئامادەبوونی کامەران سەڵاح باجگر و مەعروف عەزیزخان هەرکی جێگرانی سەرۆکی ژوور و بەشێك لە ئەندامانی ئەنجومەن پێشوازیان کرد...
زانکۆکانی وڵاتی تورکیا لە بەرواری 27/4/2024 بۆ ماوەی (یەك رۆژ) لە هۆتێل Blue Mercury لە شاری هەولێر پێشانگایەك دەکەنەوە. ئارەزوومەندان دەتوانن سەردانی ئەم پێشانگایە بکەن بۆ دەستکەوتنی هەر زانیاریەك دەربارەی زانکۆکانی...
بە ئامانجی زیادکردنی بەشداریکردنی کەرتی تایبەت لە پەرەپێدان و جێبەجێکردنی TVET پەیوەست بە کشتوکاڵ و بۆ دڵنیابوون لە رەنگدانەوەی کارامەیی و پێداویستیەکانی بازاڕی کار لە ئێستا و داهاتوودا لە رێگەی...
ئاگادارى له به‌روارى 2 - 4/ 5/ 2024 ده‌يه‌مين پێشانگاى نێوده‌وڵه‌تى كاڵاى خۆراكى (ئارد، برنج، گه‌نمه‌شامى، ساوار، مه‌عكه‌ڕۆنى و ته‌كنه‌لۆژياى پسكويت) له پێشانگاى ناوه‌ندى ئه‌سته‌نبۆڵ له وڵاتى توركيا به‌ڕێوه‌ده‌چێت. ئاره‌زوومه‌ندان ده‌توانن به‌شداربن...
رۆژی 11/2/2024 گەیلان حاجی سەعید سەرۆکی ژووری بازرگانی و پیشەسازی هەولێر بە ئامادەبوونی کامەران سەڵاح باجگر و مەعروف عەزیزخان هەرکی جێگرانی سەرۆکی ژوور و بەشێك لە ئەندامانی ئەنجومەنی کارگێڕی ژوور...
به پێ ى نووسراوێكى كونسوڵگه‌رى گشتى كۆمارى ميسرى عه‌ره‌بى كه بۆ ژوور نێردراوه، ده‌سه‌ڵاتدارانى په‌يوه‌نديدارى ميسر برياريانداوه ڤيزاى چوونه ژووره‌وه‌ى فرياگوزارى ده‌روازه‌كانى گه‌يشتنى ميسره‌وه بدرێته خاوه‌ن پاسپۆڕتى عێراقى له‌م پۆلانه‌ى...
رێککه‌وتی 1/10/2013، له‌میانه‌ی پێشوازیکردنیان له‌لایه‌ن به‌ڕێز دارا جه‌لیل خه‌یات سه‌رۆکی ژووری بازرگانی و پیشه‌سازی هه‌ولێر له‌باره‌گه‌ی ژوور، به‌رپرسانی باڵای گروپی به‌نکه‌کانی عهودهی لوبنانی رایانگه‌یاند، که بڕیاریان داوه سێ لقی خۆیان له‌کوردستاندا بکه‌نه‌وه.
له‌سه‌ره‌تای دیداره‌که‌دا که ژماره‌یه‌ک له‌ئه‌ندامانی ده‌سته‌ی کارگێڕی ژوور ئاماده‌یبوون، به‌ڕێز دارا جه‌لیل خه‌یات به‌گه‌رمی به‌خێرهێنانی شاندی میوان کرد و هیوای مانه‌وه‌یه‌کی باشی بۆ خواستن له‌کوردستاندا.
پاشان به‌ڕێز خه‌یات تیشکی خسته سه‌ر مێژووی په‌یوه‌ندییه‌کانی نێوان هه‌رێمی کوردستان و وڵاتی لوبنان و به‌په‌یوه‌ندییه‌کی دوو قۆڵی به‌هێزی له‌قه‌ڵه‌م دا و، وتی:"ئه‌و ژماره زۆره‌ی لوبنانییه‌کان که له‌کوردستاندا کار ده‌که‌ن، به‌ئاسووده‌یی ژیان ده‌گوزه‌رێنن، ئێمه‌ش وه‌ک ژووری بازرگانی هه‌میشه ده‌رگه‌مان به‌روویاندا کراوه‌یه."
له‌به‌شێکی دیکه‌ی قسه‌کانیدا، به‌ڕێز خه‌یات وتی:"ئێستا بودجه‌ی عێراق ساڵ به‌ساڵ له‌زیادبووندایه و، به‌شێکی ئه‌و بودجه‌یه‌ش بۆ هه‌رێمی کوردستانه، بۆیه پێشبینی ده‌که‌ین له‌ساڵانی ئاینده‌دا وڵاتی عێراق و به‌تایبه‌تی کوردستان رێژه‌ی فرۆشی نه‌وتیان زۆرتر بێت، ئه‌مه‌ش بودجه‌ی زیاتر و هه‌لی زیاتری کار به‌دوای خۆیدا دێنێت."
هه‌ر له‌میانه‌ی گفتوگۆکاندا، به‌ڕێز سه‌رۆکی ژوور تیشکی خسته سه‌ر ره‌وشی به‌نکداری له‌عێراق به‌گشتی و کوردستان به‌تایبه‌تی، هه‌روه‌ها باسی له‌کاروباره‌کانی به‌نکه ناوخۆیی و بیانییه‌کان له‌عێراقدا کرد.
لای خۆیه‌وه، به‌ڕێز شه‌ربل موباره‌ک به‌ڕێوه‌به‌ری ناوه‌ندی به‌نکی ناوبراو، وێڕای ده‌ربڕینی سوپاسگوزاری خۆیان له‌به‌رامبه‌ر پێشوازێکردنیان له‌لایه‌ن ژووره‌وه، هاته‌سه‌ر باسی کاروباره‌کانی گروپی عه‌وده که ماوه‌یه‌کی زۆره دامه‌زراوه و له‌سه‌ر ئاستی نیوده‌وڵه‌تی کار ده‌کات و تاکو ئێستا توانیویه‌تی چه‌ندین لق له وڵاتانی جیهاندا بکاته‌وه.
له‌لایه‌کی دیکه‌وه، رایگه‌یاند که ئێستا سه‌رقاڵی ئاماده‌کارین بۆ کردنه‌وه‌ی لقی خۆیان له‌هه‌ولێر و به‌دوایدا لقه‌کانی دیکه‌یان له‌سلێمانی و دهۆک و به‌غدا و به‌سڕه و نه‌جه‌ف ده‌که‌نه‌وه.
لای خۆیه‌وه، به‌ڕێز سه‌رۆکی ژوور له‌پێناو سه‌رخستنی کاره‌کانی به‌نکی ناوبراودا، چه‌ندین رێنوێنی له‌باره‌ی رێوشوێنه‌کانی کردنه‌وه‌ی به‌نک و هه‌نگاوه گرنگه‌کانی ئه‌و بواره به‌گشتی پێشکه‌ش به‌شاندی میوان کرد، هاوکات ئاماده‌یی ژووریشی به‌مه‌به‌ستی پیشکه‌شکردنی هاریکاری زیاتر به‌شاندی میوان خسته‌روو.
رێککه‌وتی 1/10/2013، به‌ڕێز دارا جه‌لیل خه‌یات سه‌رۆکی ژووری بازرگانی و پیشه‌سازی هه‌ولێر، له‌میانه‌ی به‌شداریکردنی له‌به‌رنامه‌یه‌کی ئابووری هه‌فتانه‌ی چه‌ند ئه‌ڵقه‌یی که‌ناڵی شه‌شی تورکیا (TRT6)دا، وه‌ڵامی چه‌ند پرسیارێکی گرنگی ئابووری ده‌دا‌ته‌وه.
له‌به‌شێکی چاوپێکه‌وتنه‌که‌دا، له‌باره‌گه‌ی ژوور، به‌ڕێز دارا جه‌لیل خه‌یات سه‌رۆکی ژوور وێڕای به‌خێرهێنانی شاندی رۆژنامه‌وانی میوان، ئاماژه‌ی به‌کاروچالاکییه‌کانی ژووری بازرگانی هه‌ولێر کرد، که ژوور هه‌ڵده‌ستێت به‌تۆمارکردنی ناوی بازرگانی بۆ ئه‌و کۆمپانیایانه‌ی که داده‌مه‌زرێنن، هه‌روه‌ها ناسنامه‌ی بازرگانیش بۆ بازرگانان ده‌رده‌کات، ئه‌مه جگه له‌ئه‌نجامدانی چه‌ندین کاروباری دیکه‌ی یاسایی و پێشکه‌شکردنی خزمه‌تگوزاری بۆ ئه‌ندامه‌کانی خۆی.
له‌لایه‌کی دیکه‌وه به‌ڕێزیان، ئاماژه‌ی به‌وه‌دا که ژووری بازرگانی ئاسانکاری زۆری بۆ وه‌به‌رهێنه‌رانی بیانی کردووه و جودای نه‌کردوونه‌ته‌وه له‌گه‌ڵ وه‌به‌رهێنه‌رانی ناوخۆییدا.
هه‌ر له‌میانه‌ی وه‌ڵامی پرسیاره‌کاندا، به‌ڕێز سه‌رۆکی ژوور، وتی:"کاتێک کۆمپانیا ژماره‌یان زۆر ده‌بێت هه‌ڵبه‌ت کار و پڕۆژه‌کانیش زیاد ده‌بن، بێگومان کێشه‌شیان ده‌بێت، به‌ڵام ئێمه وه‌ک ژوور هه‌میشه ئاماده‌بووین داوه‌ریان بکه‌ین له‌کاتی دروستبوونی گرفت و ئاسته‌نگ له‌نێوان بازرگانان و کۆمپانیاکاندا، به‌ڵام ئه‌و کا‌ره‌ش له‌سه‌ر خواستی خۆیان ده‌بێت، ئه‌گه‌ریش نا ئه‌وا رێکاری یاسایی هه‌یه بۆ یه‌کلایی‌کرد‌نه‌وه‌ی کێشه‌کانیان."
سه‌باره‌ت به‌کاریگه‌ری کاری کۆمپانیا بیانییه‌کان له‌سه‌ر پڕۆسه‌ی ئاوه‌دانکردنه‌وه‌ی کوردستان، به‌ڕێز سه‌رۆکی ژوور وتی:"پڕۆژه وه‌به‌رهێنه‌ره‌کانی کوردستان پێویستی به‌شاره‌زایی وڵاتانی جیهان هه‌یه، به‌نموونه‌ش بوونی ژماره‌یه‌کی زۆری کۆمپانیا تورکییه‌کان که خزمه‌تی باش پێشکه‌ش ده‌که‌ن، هه‌روه‌ها حکومه‌تی هه‌رێمیش ئاسانکارییه‌کی زۆری پێشکه‌ش کردوون، ئه‌وان هه‌ردوو بواری وشکانی و ئاسمانی به‌کارده‌هێنن، بۆیه کاره‌کان به‌خێرایی ده‌ڕوات و به‌وه‌‌ش سوود وقازانجی زۆریان به‌خۆیان و هه‌رێمی کوردستان گه‌یاندووه.
له‌کۆتایی دیداره‌که‌شدا، به‌ڕێز سه‌رۆکی ژوور ئاماژه‌ی پێدا و وتی:"ئێمه وه‌کو ژووری بازرگانی په‌یوه‌ندی باشمان له‌گه‌ڵ زۆربه‌ی ژووره بازرگانییه‌کانی تورکیا هه‌یه به‌تایبه‌تی له‌گه‌ڵ ژووره بازرگانییه‌کانی کوردستانی باکووردا."
رێککه‌وتی 30/9/2013، به‌ڕێز دارا جه‌لیل خه‌یات سه‌رۆکی ژووری بازرگانی و پیشه‌سازی هه‌ولێر له‌باره‌گه‌ی ژوور، پێشوازی له‌به‌ڕێز پیریا خه‌مپۆن باڵیۆزی تایله‌ند له‌ئوردن و بۆ عێراق و شاندی یاوه‌ری کرد.
له‌سه‌ره‌تای دیداره‌که‌دا، به‌ڕێز دارا جه‌لیل خه‌یات سه‌رۆکی ژوور وێڕای به‌گه‌رمی به‌خێرهێنانی شاندی میوان، ئاماژه‌ی به‌وه‌دا که به‌هێزکردنی په‌یوه‌ندییه ئابوورییه‌کانی نیوان هه‌رێمی کوردستان و تایله‌ند، له‌رێی سه‌ردانیکردنی شانده بازرگانی و دیپلوماتییه‌کانی هه‌ردوولا ده‌بێت.
له‌لایه‌کی دیکه‌وه، به‌ڕێزیان تیشكی خسته‌سه‌ر تایبه‌تمه‌ندییه‌کانی هه‌رێمی کوردستان له‌رووی بوونی نه‌وت و زه‌وی کشتوکاڵی و سروشتی گونجاو بۆ گه‌شتیاری و داهاتێکی زۆری ساڵانه و، هه‌روه‌ها وتی:"پێمان خۆشه کۆمپانیاکانی تایله‌ند له‌کورستاندا لقی خۆیان بکه‌نه‌وه، چونکه ئه‌وانیش وه‌ک کۆمپانیاکانی دیکه‌ی جیهان مافی کارکردنیان له‌هه‌رێمدا هه‌یه، هه‌ڵبه‌ت هه‌نگاوی هه‌ره گرنگ ئه‌وه‌یه که به‌شداری له‌پێشانگه بازرگانییه جۆراجۆره‌کانی کوردستان بکه‌ن که ناوه ناوه ده‌کرێنه‌وه."
لای خۆیه‌وه، به‌ڕێز باڵیۆز پیریا خه‌مپۆن، خۆشحاڵی خۆی ده‌‌ربڕی، که بۆ جاری یه‌که‌م سه‌ردانی ژووری بازرگانی کردووه و هیوای خواست که له‌مه‌و‌دوا ئاستی په‌یوه‌ندییه دوو قۆڵییه‌کانی نێوان تایله‌ند و کوردستان له‌هه‌موو رووه‌کانه‌وه گه‌شه بکات.
راشیگه‌یاند، که ئه‌وان خوازیارن له‌کوردستاندا بازاڕ بۆ کۆمپانیا تایله‌ندییه‌کان ده‌سته‌به‌ر بکرێت و راشیگه‌یاند که له‌ئێستاوه ئاماده‌سازی ده‌که‌ن تاکو له‌کۆتایی ئه‌مساڵدا بتوانن شاندێکی گه‌وره‌ی بازرگانی وڵاته‌که‌یان بێننه کوردستان، خوازیاریش بوو که له‌ئێستاوه کوردستانیش خۆی ئاماده بکات تاکو شاندێکی هاوشێوه دوای سه‌ردانی تایله‌ندییه‌کان بۆ هه‌ولێر بنێرێته بانکۆک.
له‌کۆتایی دیداره‌که‌شدا، به‌ڕێز سه‌رۆکی ژوور ئاماده‌یی ته‌واوی ژووری بۆ سه‌رخستن و سه‌رکه‌وتنی هه‌ر هه‌وڵێکی بازرگانی داهاتووی تایله‌ندی له‌کوردستاندا خسته‌روو.
1$=1488
به‌های گۆرینه‌وه‌ی دیناری عیراقی به دولاری ئه‌مری...
