رۆژی 12ی تەموز لە كۆنگرەیەكی رۆژنامەوانی دا لە بارەگای ژووری بازرگانی و پیشەسازی هەولێر دارا جەلیل خەیات سەرۆكی یەكێتی ژوورەكانی بازرگانی و پیشەسازی كوردستان نیگەرانی و دڵگرانی خۆی دەربڕی دەربارەی ئەو بڕیارەی كە وەزارەتی گواستنەوەی عێراقی دەریكردووە سەبارەت بە راگرتنی گەشتی فڕۆكەی بارهەڵگر بۆ هەردوو فڕۆكەخانەی هەولێر و سلێمانی.
راشیگەیاند كە ئەوان قونسوڵگەریەكانی ووڵاتانی ئەمریكا و بەریتانیا و فەرەنسا و چەندین قونسوڵی دیكەیان لە هەولێر ئاگاداركردۆتەوە سەبارەت بەم كێشەیە كە دژی یاسایە و كاریگەری نەرێنی هەیە بۆ رەوشی بازرگانی هەرێمی كوردستان.
ووتشی هاوڵاتیان و بازرگانان لە سەر ئاستی عێراقدا بە شێوەیەكی گشتی زەرەرمەندی یەكەمن لەم بارودۆخەدا و هیواشی خواست كە بەزوترین كات ئەم كێشەیە چارەسەربێت.
لە هەمان كاتیشدا داوای لە یەكێتی ژوورەكانی بازرگانی عێرق كرد كە فشار بخەنە سەر حكومەتی ناوەند بۆ ئەوەی وەزارەتی گواستنەوەس عێراق چاو بەو بریارەیاندا بخشێننەوە ، هەروەها وتی ئێمە لەگەل لایەنە پەیوەندیدارەكاندا بۆ چارەسەر كردنی ئەو كێشەیە لە هەولی بەردەزامدا دەبین .
