رۆژى پێنج شەممە 11/6/2009 سەرۆک و ژمارەیەک لە ئەندامانى ئەنجوومەنى کارگێرى ژوور پێشوازیان کرد لە شاندێکى هەنگارى کە پێک هاتبوون لە (لاسلۆ زیدتکۆ) بەرێوەبەرى پرۆژە لە ئاژانسى پەرەپێدانى بازرگانى و وەبەرهێنان و (ساندۆر کرانکۆڤیکس) راوێژکار لە هەمان ئاژانسدا. لە دانیشتنێکدا تیشک خرایە سەر پەیوەندى بازرگانى نێوان هەنگاریا و عێراق لە رابردوودا و نوێکردنەوەى ئەو پەیوەندیە لە ئێستادا. دارا جەلیل خەیات سەرۆکى ژوور باسى لە دەرفەتەکانى وەبەرهێنان لە کوردستان کردو تیشکى خستە سەر ئەو بوارانەى کە کوردستان پێویستى بە وەبەرهێنان هەیە تێیدا. شاندى میوان خۆشحالى خۆیان دەربرى بە سەردانەکەیان بۆ کوردستان و ئاماژەیان بەوە کرد کە هەرێمى کوردستان بە تەواوى جیاوازە لە بەشەکانى ترى عێراق لە رووى ئاوەدانکردنەوە و بیناسازى و خزمەتگووزارى.