بەغدا/ كۆڕبەندی ئابووری و بازرگانی عێراقی - میسڕی بەرێوەچوو رۆژی 31/10/2020 بەسەرپەرشتی مستەفا كازمی سەرۆك وەزیرانی عێراق و مستەفا مدبولی سەرۆك وەزیرانی میسڕ، بە ئامادەبوونی ژمارەیەكی بەرچاو لە بازرگانان و خاوەن كاران و پیشەسازكارانی عێراقی و میسڕی و ژمارەیەك لە وەزیرانی حكومەتی عێراق و حكومەتی میسڕی کۆڕبەندی ئابووری و بازرگانی لە نێوان هەردوو وڵات سازکرا. مستەفا كازمی سەرۆك وەزیرانی عێراق وتەیەكی پێشكەش كرد و رایگەیاند كە حكومەتی عێراق بە هەموو شێوەیەك پاڵپشت دەبێت بۆ پێشخستنی كەرتی تایبەت لە عێراق بۆ ئەم سێكتەرەش دەیەوێ سود لە شارەزایی ووڵاتی میسڕ وەرگرێ. شایانی باسە د.دارا جەلیل خەیات سەرۆكی یەكێتی ژوورەكانی بازرگانی و پیشەسازی هەرێمی كوردستان و جێگری سەرۆكی یەكێتی ژوورەكانی بازرگانی عێراق بەشداربوو لەم کۆڕبەندە.