رۆژی 25/7/2018 د. دارا جەلیل خەیات سەرۆكی ژوور پێشوازی كرد لە د. عومەر ئەلكندری كونسوڵی گشتی وڵاتی كوێت لە هەرێمی كوردستان.
لە دیدارێكدا كونسوڵی كوێت وتی: ئامانجی سەردانی بۆ ژووری بازرگانی گەیاندنی پەیامی كۆمپانیا و خاوەن كارەكانی وڵاتی كوێتە بۆ كاركردن لە هەرێمی كوردستان.
د. عومەر رایگەیاند: هەوڵ بۆ پێكهێنانی شاندێك لە ژوورە بازرگانیەكانی كوێت و بازرگانان و خاوەن كۆمپانیاكانی كوێت دەكەین بۆ سەردانی هەرێمی كوردستان.
وتیشی: لەگەڵ ئەوەی چەندین كۆمپانیای كوێتی لە ئێستادا لە هەرێمی كوردستان كاردەكەین بەڵام چاومان لە پەرەپێدانی زیاتری پەیوەندییەكانە لەگەڵ هەرێمی كوردستان.
لە لایەن خۆیەوە سەرۆكی ژوور ئامادەیی خۆیی و ژووری نیشاندا بۆ هەموو هاوكاری پاڵپشتییەك، وتیشی: لێرە هەلی كار و وەبەرهێنان لە گشت سێكتەرەكان هەیە ئەمەش دەرفەتێكی باشە بۆ كۆمپانیا كوێتیەكان.