رۆژی 2/4/2018 د. دارا جەلیل خەیات سەرۆكی ژووری بازرگانی و پیشەسازی هەولێر بە ئامادەبوونی سالار جەلال قادر فاتەكە ئەندامی ئەنجومەنی كارگێڕی ژوور پێشوازییان كرد لە ئەحمەد عوچ الباشا وەكیلی كونسوڵی گشتی وڵاتی سودان لە هەولێر.

لە دیدارێكدا پەیوەندی ژوور لەگەڵ ژوورەكانی وڵاتانی عەرەبی و چۆنیەتی پتەوكردنی پەیوەندی نێوان ژوورەكانی وڵاتی سودان و هەرێمی كوردستان باسی لێوەكرا.

شاندی میوان وتی: ئێمە خوازیارین وەكو شاندێكی ژوور سەردانی وڵاتەكەمان بكەن و لە نزیكەوە ئاشنا بن بە ژوورە بازرگانیەكانمان و بتوانین پەیوەندی دروست بكەین.

وتیشی سودان هەلی وەبەرهێنانی زۆرە هیوا خوازین وەبەرهێنەرانی كورد بتوانن وەبەرهێنان بكەن لە وڵاتەكەماندا.

لە لایەن خۆیەوە سەرۆكی ژوور خۆشحاڵی خۆی بە دروستكردنی پەیوەندی لەگەڵ ژوورە بازرگانیەكانی وڵاتی سودان دەربڕی، ئامادەیی خۆیی و ژووری نیشاندا بۆ هەموو هاوكاری و پاڵپشتیەك، هیوای خواست ژووری بازرگانی سودانیش بتوانن شاندێكی كۆمپانیا و وەبەرهێنەرانی بهێنێتە كوردستان و لە نزیكەوە ئاشنا بن.