بە هاوكاری و هەماهەنگی یەكێتیی ژوورەكانی بازرگانی و پیشەسازی هەرێمی كوردستان و وەزارەتی كشتوكاڵ، سەرچاوەكانی ئاو لە حكومەتی هەرێمی كوردستان، بەشداری پێشانگای نێودەوڵەتی تایبەت بە بەرهەمی كشتوكاڵی سروشتی و ئۆرگانی كرد لە شاری دوبەی – وڵاتی شانشینی یەكگرتوی عەرەبی كە بۆ ماوەی (3) رۆژ لە رێككەوتی 11-13/12/2017 بەردەوامە پتر لە (171) كۆمپانیا و لایەن و رێكخراو لە (50) وڵات بەشدارن وە هەرێمی كوردستانیش بە بەرهەمە سروشتیەكانی كە پێكهاتوون لە (هەنار، سركەی هەنار، باوی، هەنگوینی شاخ، سماق و زەیتی زەیتون).
ئەمەش بە مەبەستی ناساندنی ئەم بەرهەمە سروشتیانە بە جیهانی دەرەوە و رەخساندنی هەلی بازاڕی نێودەوڵەتی بۆ ئەم بەرهەمانە بە تایبەت وڵاتانی كەنداوی عەرەبی كەوا زۆر سەرنج و گرنگی تایبەتیان هەیە بۆ ئەم بەرهەمانە.