رۆژی 12/8/2017 رێككەوتنامەیەك لە نێوان ژووری بازرگانی و پیشەسازی هەولێر و ژووری هاریكاری هەمەدان واژووكرا.

 رۆژی 11/8/2017 ماجد جەلال خەلیل ئەندامی ئەنجومەنی كارگێڕی ژوور و سەرۆكی پێشوازی لە شاندی بازرگانی ئێران لە ژوور سەردانی شاری تارانی پایتەختی ئێرانی كرد لە لایەن ئاغای خورشیدی جێگری سەرۆكی ژووری هاریكاری شاری هەمەدان پێشوازی لێكرا، لە دیدارێكدا چۆنیەتی پتەوكردنی زیاتری پەیوەندییە بازرگانیەكان لە نێوان هەردوو شاری هەولێر و هەمەدان تاوتوێ كرا، لە هەمان كات دا هەردوولا ئامادەییان نیشاندا كە رۆژی 12/8 دەست بكەن بە واژووكردنی رێككەوتنامەیەكی هەماهەنگی.

ئێوارەی هەمان رۆژ ماجد جەلال لەگەڵ جێگری سەرۆكی ژووری بازرگانی ئێرانی – عێراقی كۆبۆوە هەردوولا ئامادەییان نیشاندا بۆ هاریكاری كردن و ئاسانكاری بە مەبەستی پێشخستنی پەیوەندییە بازرگانیەكان.

رۆژی 12/8/2017 بە ئامادەبوونی بازرگانان و ئەندامانی ژووری هاریكاری هەمەدان و بەشێك لە كەناڵەكانی راگەیاندن لە هۆڵی پێشانگاكان لە شاری تاران رێككەوتنامەیەكی هەماهەنگی لە نێوان ژووری بازرگانی و پیشەسازی هەولێر و ژووری هاریكاری هەمەدان واژوو كرا.

بڕگەكانی ئەم رێككەوتنامەیە ئاماژە بۆ هاریكاری هەردوو ژوور دەكەن لە ئاڵوگۆڕی شاندە بازرگانیەكان و بەشداری كردن لە پێشانگاكانی یەكتر و بەرزكردنەوەی ئاستی بازرگانی لە نێوان هەردوو شار.

هەر هەمان رۆژ پێشانگایەكی نێودەوڵەتی بۆ بیناسازی بە ئامادەبوونی وەزیری هاریكاری ئێران، جێگری وەزیری بازرگانی ئێران، ماجد جەلال ئەندامی ئەنجومەنی كارگێڕی ژووری بازرگانی هەولێر و ژمارەیەك لە بەرپرسان و بازرگانانانی ئێران كرایەوە.

پێشانگاكە سێ رۆژی خایاند لە میانەی بەڕێوەچوونی پێشانگاكە هەردوو رۆژانی 12-13/8 /2017 ماجد جەلال لەگەڵ بازرگانانی ئێران و بەشداربووانی پێشانگاكە كۆبوونەوەی ئەنجامدا، چۆنیەتی كاركردن و وەبەرهێنان كردن لە هەرێمی كوردستانی روون كردەوە، هیوای خواست كە بتوانن پەیوەندی ببەستن لەگەڵ بازرگانانی هەرێمی كوردستان و پەرە بە كارەكانیان بدەن، لە هەمان كاتیشدا پاڵپشت و هاریكاری ژووری بازرگانی هەولێری نیشاندا بۆیان.

رۆژی 14/8/2017 ماد جەلال ئەندامی ئەنجومەنی كارگێڕی ژوور لەگەڵ بەهمەن عەبدولئیلاهی سەرۆكی یەكێتیی ژوورەكانی هاریكاری ئێران كۆبووەوە، باسیان لە دوایین پێشهاتە بازرگانیەكانی نێوان هەردوو وڵاتی ئێران و هەرێمی كوردستان كرد، لە هەمان كاتیشدا هەردوو ئامادەییان نیشاندا بۆ هاریكاری كردن و پاڵشتی كردن لە شاندە بازرگانیەكانی یەكتری ئەندانی ئەنجومەنی كارگێڕی ژووریش لۆگۆی ژووری بازرگانی هەولێری پێشكەش بە جەنابیان كرد، رۆژی 15/8/2017 كۆتایی بە گەشتەكەی هێنا.