بە مەبەستی پتەوكردنی زیاتری پەیوەندییە بازرگانیەكانی نێوان هەرێمی كوردستان و وڵاتی میسر رۆژی 24/8/2016 د. دارا جەلیل خەیات سەرۆكی ژوور بە ئامادەبوونی باقی محەممەد وە سەدرەددین كەمال پێشوازیان لە ئوسامە محیەدین لێپرسراوی بەشی بازرگانی لە كونسوڵخانەی میسر لە هەولێر كرد.
لە دیدارێكدا سەرۆكی ژوور خۆشحاڵی خۆی دەربڕی بە گەڕانەوەی بەڕێزیان دوای ماوەیەك دابڕان لەم بەرپرسیارەتیە بە هۆی كاری تایبەتیەوە.
لێپرسراوی بەشی بازرگانی لە كونسوڵخانەی میسر وتی: خۆشحاڵم بە گەڕانەوەم بۆ هەرێمی كوردستان، وە دووبارە بە گوڕ و تینێكی زۆرترەوە كار لەسەر پتەوكردنی پەیوەندییە بازرگانیەكانی هەردوولا دەكەم.
ئوسامە ئەوەشی خستە روو كە بنیازن وەكو بەشی بازرگانی لە كونسوڵخانەی میسر شاندێكی بازرگانانی میسر لە سێكتەرە جیاوازەكان سەردانی هەولێر بكەن و بەشدار بن لە كۆنفڕانسی یادی دامەزراندنی ژوور وە لە هەمان كات دا دانیشتن و كۆبوونەوە ئەنجام بدەن لەگەڵ بازرگانانی هەولێر بۆ كاری بازرگانی و وەبەرهێنان.
لە لایەن خۆشیەوە سەرۆكی ژوور ئامادەیی ژووری نیشاندا بۆ هاوكاری كردنیان و سەرخستنی ئەم دانیشتنە.
