رۆژى یەک شەممە 6/4/2009 سەرۆک و ژمارەیەک لە ئەندامانى ئەنجوومەنى کارگێرى ژوور پێشوازیان کرد لە (لاکۆڤۆس کۆلارۆس) راوێژکار لە بەشى بازرگانى هەرێمەکان لە بالیۆزخانەى یۆنان بۆکاروبارى بازرگانى و ئابوورى. لە کۆبونەوەیەکدا دارا جەلیل خەیات سەرۆکى ژوور تیشکى خستە سەر رەوشى ئابوورى و بازرگانى و دەرفەتەکانى وەبەرهێنان لە هەرێمى کوردستان هەروەها ئاماژەى بەو پەیوەندیە بازرگانى و ئابووریانە کرد لە نێوان ژوور و وڵاتانى دەوروبەر و ئەوروپا و هیواشى خواست لە گەل وڵاتى یۆنان پەیوەندیەکانیان بەرەو پێش بچێت. لاکۆڤۆس رایگەیاند کە لە داهاتوویەکى نزیکدا نووسینگەى بازرگانى وڵاتى یۆنان لە فەرمى رادەگەیەنن لە هەولێر کە کارئاسانیەکى تەواو دەکات بۆ لێک نزیک بوونەوەى بازرگانانى هەردوولا و کارکردن پێکەوە.