رۆژى یەکشەممە د.گیریت ڤالک سەرۆکى ژوورى بازرگانى هەرێمى (باکورى رۆژئاوا ) ى هۆلەندى و بە یاوەرى جان دیرک بلاد راوێژکارى سیاسى و ئابوورى سەردانى ژوورى بازرگانى کردو لە لایەن دارا جەلیل خەیات پێشوازیان لێکرا. مەبەست لە سەردانەکە یەکتر ناسین و روونکردنەوەى رەوشى هەرێم بوو لە بارەى چۆنیەتى هەلسوکەوت کردندا لەگەل وەبەرهێنەرە بیانیەکان و چۆنیەتى دامەزراندنى کار و پرۆژە لە هەرێمى کوردستان و بەستنى پەیوەندى لەگەل ژووردا. دارا جەلیل خەیات سەرۆکى ژوور لە وەلامى پرسیارەکانیدا رەوشى هەرێمى روون کردەوە و باسى لە یاساى وەبەرهێنان کرد و پێى راگەیاندن کەوا دەتوانن بەوپەرى ئازادیەوە لە کوردستان کار بکەن و کۆمپانیاى تازە یان لق بۆ کۆمپانیاکانیان لە کوردستان بکەنەوە و هیواى خواست کە ئەم سەردانە سەرەتایەک بێت بۆ دروستکردنى پەیوەندى و هەماهەنگى کردن لەگەل یەکترى و بەشداریکردن لە پرۆسەى ئاوەدان کردنەوەى کوردستان