بە مەبەستی دانانی بەرنامەیەك بۆ سەردانی وەزیری ئیتالیا بۆ هەرێمی كوردستان ماریۆ ماریانی بەرپرسی پاشكۆی بازرگانی(ITC) Italian Trade Commision لە بالیۆزی ئیتالیا لە ئەردەن / عەممان سەردانی ژووری كرد. لە لایەن دارا جەلیل خەیات سەرۆكی ژوور و ژمارەیەك لە ئەندامانی ئەنجوومەنی كارگێری ژوور پێشوازی لێكرا و لە دانیشتنێكدا كە سامان دزەیی بەرێوەبەری نوسینگەی هەولێری رێكخراوی یونیدۆ ئامادەی بوو باسی لە بەرنامەی سەردانەكەی وەزیری بازرگانی ئیتالیا كراو ئەوەش روون كراوەیەو كە شاندێكی بازرگانی و پیشەسازی ئیتالی لەو سەردانەدا یاوەری ئەو دەكەن، بەپێ ی بەرنامەی سەردانەكە لە بارەگای یونیدۆ بە هەماهەنگی لەگەل ژووری بازرگانی هەولێر كۆبوونەوەیەكی فراوان بۆ شاندەكە سازدەكرێت و ژمارەیەكی زۆر لە بازرگانی و پیشەسازی هەولێر لەسەر بانگێشتی ژوور بەشداری لە كۆبوونەوەكە دەكەن وەك هەلێك بۆ لەیەكتر نزیك بوونەوەی بازرگان و پیشەسازانی هەردوولا. لە پال ئەوەش دا هەر لە چوارچێوەی ئەو سەردانەدا كار بۆ رێكخستنی وۆركشۆپێك دەكرێت لە هەولێر لە سەرەتای سالی دادێ دەربارەی پەرەپێدانی كارگەكانی تایبەت بە پلاستیك و ئەلەمنیۆم و تۆرنە ئەوەش هەر بە هاوكاری رێكخراوی یونیدۆ دەكرێت.