رۆژی 1/9/2015 شاندێكی خاوەن كۆمپانیا ئێرانیەكان بە سەرۆكایەتی مەهدی فراهانی بەرپرسی بەشی بازرگانی لە كونسوڵخانەی كۆماری ئیسلامی ئێران لە هەولێر سەردانی ژووریان كرد و لە لایەن ماجد جەلال ئەندامی ئەنجومەنی كارگێڕی ژوور پێشوازییان لێكرا.
ئەم كۆمپانیایانە لە بواری جیا جیا كاریان دەكرد، شاندی میوان ئامانجی سەردانەكەیان باس كرد كە گەڕانە بە دوای هەلی كار و كردنەوەی لقی كۆمپانیاكەیان لە هەرێمی كوردستان لە رێگەی یارمەتی دانی ژوور.
لە لایەن خۆیەوە ماجد جەلال پشتگیری ژووری بۆیان دووپات كردەوە و ئامادەیی ژووری نیشاندا بۆ هەموو جۆرە هاوكارییەك.