رۆژی 28/4 د. دارا جەلیل خەیات سەرۆكی ژووری بازرگانی وپیشەسازی هەولێر لە نوسینگەی تایبەتی خۆی لە بارەگای ژوور پێشوازی لە كانسوكیە ناغوئوكا جێگری سەفیری ژاپۆن لە عێراق كرد.
لە دیدارێكدا تیشك خرایە سەر پەرەپێدانی پەیوەندییە بازرگانیەكانی نێوان هەردوولا.
كانسوكیە ناغوئوكا ووتی: ژمارەیەكی كەم لە كۆمپانیا ژاپۆنیەكان ئێستا لە كوردستان كاردەكەن، ئێمە چاومان لە ژمارەی زیاترە كۆمپانیا ژاپۆنیەكانیش ئارەزوو دەكەن بێنە هەرێم و بەشداربن لە ئاوەدانكردنەوە.
ووتیشی بەم نزیكانەش ژمارەیەك پرۆژە لە لایەن كۆمپانیا ژاپۆنیەكان جێ بەجێ دەكرێن، گریگترینیشیان پرۆژەیەكی ئاوەڕۆیە كە لە شاری هەولێر جێ بە جێ دەكرێت ئەگەر سەركەوتوو بێت ئەوا لە شارەكانی تری هەرێمیش جێ بە جێ دەكرێت.
لە لایەن خۆیەوە سەرۆكی ژوور رایگەیاند كە هەموو وڵاتێك ئارەزوو دەكات پەیوەندییەكی باشی بازرگانی لەگەڵ ووڵاتی ژاپۆن هەبێت بە هۆی باشی كوالێتی بەرهەمەكانیەوە.
د. دارا ووتیشی هیوادارین شاندێكی خاوەن كار و بازرگانانی ژاپۆن بێنە هەرێم و لەگەڵ خاوەن كارو بازرگانانی كوردستان پەیوەندی ببەستن، ئێمەش وەكو ژووری بازرگانی ئامادەین بۆ هەموو جۆرە هاوكارییەك.
