رۆژى 25 / 1 / 2011 دارا جەلیل خەیات سەرۆکى ژوور پێشوازى لە (د. کورت مولادر) قونسولى نه‌مسا کرد، کە مەبەستى خۆناساندن و پەیداکردنى ئاشنایەتى لەگەڵ ژووردا سەردانى ژوورى کرد بوو لەبەر دەستبەکاربوونى لە پۆستەکەیدا هەرێمى کوردستان لە دانیشتنێکدا بۆ وەرگرتنى شارەزایی لەسەر هەرێمى کوردستان چەندین پرسیارى خستەروو دەربارەى ژمارەى کۆمپانیاکانى هەرێم و دەرفەتەکانى کارکردن بە تایبەتى لە بوارى کەرتى کشتوکالیدا هەروەها ژمارەى کۆمپانیا بیانیەکان و بودجەى هەرێمى کوردستان و میکانیزمى کارکردنى کۆمپانیاى بیانى لە هەرێمى کوردستان.
سەرۆکى ژوور دواى پیرۆزبایی کردن لە وەلامى پرسیارەکانیدا تەواوى ئەو لایەنانەى کە پەیوەندى بە کارى بازرگانى و پیشەسازى یەوە هەیە بۆ روون کردەوە، ئامادەیی خۆى بۆ هاوکاریکردنى لە راپەراندنى کارەکانیدا لە هەرێمى کوردستان سەبارەت بەو کارانەى کە پەیوەندیان بە ژوورى بازرگانیەوە هەیە پێى راگەیاند.