تۆ لێرەیت: ErbilChamberئاگاداریبابه‌ت فلته‌ر كراوه‌ به‌پێی به‌روار: سێ شەممە, 13 ئازار 2018
رۆژی 11/3/2018 بە ئامادەبوونی فەلاح مستەفا بەرپرسی پەیوەندییەكانی حكومەتی هەرێم، سەفین دزەیی وتەبێژی حكومەتی هەرێمی كوردستان و د. دارا جەلیل خەیات سەرۆكی ژووری بازرگانی و پیشەسازی هەولێر و ژمارەیەك لە بەرپرسانی حزبی و حكومی و بازرگانان لەسەر زەوی پێشانگای نێودەوڵەتی هەولێر لە پاركی شەهید سامی عەبدولڕەحمان بە بەشداری 100 كۆمپانیای توركی پێشانگای پیشەسازی، كشتوكاڵ و خۆراكی توركی كرایەوە.
 
بڵاوكراوه‌ته‌وه‌ له‌ هه‌واڵ
رۆژی 6/3/2018 د. دارا جەلیل خەیات سەرۆكی ژوور بە ئامادەبوونی جێگران و بەشێك لە ئەندامانی ئەنجومەنی كارگێڕی ژوور پێشوازییان لە نۆوا ودیوس بەرپرسی ئابووری بازرگانی لە كونسوڵخانەی ویلایەتە یەكگرتووەكانی ئەمریكا لە هەولێر كرد.
لە دیدارێكدا بەربەستەكانی بەردەم كەرتی بازرگانی و ئابووری لە هەرێمی كوردستان و گرنگترین كێشە و گرفتەكانی نێوان هەرێمی كوردستان و حكومەتی ناوەند لە كەرتی بازرگانی خرانە بەر باس.
نۆوا ودیوس وتی: ئێمە خوازیاری پەیوەندی پتەوی بازرگانی و ئابوورین لەگەڵ هەرێمی كوردستان، ئارەزوو دەكەین كۆمپانیاكانمان لە گشت سێكتەرەكان وەبەرهێنان بكەن لە هەرێم، بۆ ئەم مەبەستەش وەكو كونسوڵخانە هاوكار دەبین.
وتیشی: بەهۆی نالەباری دۆخی دارایی و كێشەی فرۆكەخانەكان وای كردووە كە كۆمپانیا و وەبەرهێنەری ئەمریكی كەمتر روو بكەنە هەرێمی كوردستان، ئێمەش وەكو باڵیۆزخانەی ئەمریكا لە بەغداد و گشت باڵیۆزی وڵاتانی ئەوروپی بە تایبەت لەگەڵ سەرۆك وەزیران كۆبوینەوە و هەوڵمانداوە كێشەكانی نێوان هەرێمی كوردستان و بەغداد چارەسەر بكرێن.
سەرۆكی ژوور وتی: ئێمە خوازیاری پتەوكردنی پەیوەندی بازرگانین لەگەڵ گشت وڵاتان، پەیوەندی بازرگانی و پەیوەندیمان لەگەڵ ژوورەكانی بازرگانی ئەمریكا لە ئاستێكی باش دایە لە دوایین سەردانمان بۆ ویلایەتە یەكگرتووەكانی ئەمریكا ئەمادەكاریمان كرد بۆ واژووكردنی رێككەوتناممەی هەماهەنگی و ئاڵوگۆڕی شاندە بازرگانیەكان هیوا خوازین ئەم پەیوەندییە لە رێگای كونسوڵخانەوە پەرەی زیاتری پێ بدرێت و هاوكارمان بن.
وتیشی: پەیوەندیمان لەگەڵ ئەنجومەنی كاری ئەمریكی – كوردستانی باشە دوایین كاریشمان خەریكی ئامادەكاری بەستنی كۆنگرەیەكین لە نێوان كۆمپانیاكانی هەرێم و ئەمریكا.
د. دارا ئەوەشی خستە روو كە سستی كاری بازرگانی و پرۆژەكان بەشێكی بەرچاوی پەیوەستە بە داخستنی فرۆكەخانەكان و خستنە بەردەمی بەربەست لە لایەن حكومەتی ناوەندی بۆ بازرگانانمان و كێشە هەڵواسراوەكان لە نێوان حكومەتی هەرێم و حكومەتی ناوەند هیوای خواست كە وڵاتی ئەمریكا وەكو نێوەنگیرێك هەوڵبدات كێشەكان چارەسەر بكرێن.
شایانی باسە لەم دیدارە ئیبراهیم سۆفی و مەجید سەدیق سێودی جێگرانی سەرۆكی ژوور و جەوهەر خدر، باقی محەممەد هادی، فیدائەددین گەردی، سالار جەلال، سەركەوت جەمال، سەدرەددین كەمال و كەمال عەزیز ئەندامانی ئەنجومەنی كارگێڕی ژوور ئامادە بوون.
 
 
بڵاوكراوه‌ته‌وه‌ له‌ هه‌واڵ
بە مەبەستی پەرەپێدانی زیاتری پەیوەندییە بازرگانیەكان لە نێوان هەرێمی كوردستان و وڵاتی ئێران رۆژی 6/3/2018 شاندێكی پارێزگای هەولێر كە پێكهاتبوون لە نەوزاد هادی پارێزگاری هەولێر، تاهیر عەبدوڵڵا جێگری پارێزگاری هەولێر، سۆران ئەبوبەكر جێگری سەرۆكی ژووری بازرگانی و پیشەسازی هەولێر، ماجد جەلال ئەندامی ئەنجومەنی كارگێڕی ژووری بازرگانی هەولێر، بەرپرسی پەیوەندییەكانی حكومەتی هەرێم و ئێران، قائیمقامی قەزای چۆمان و بەرپرسانی گومرگی حاجی ئۆمەران – تەمەرچین سەردانی پارێزگای ورمێ یان كرد و لەگەڵ پارێزگار و بەرپرسان و سەرۆكی ژووری بازرگانی ئەو شارە كۆبوونەوە.
 
 
 
لە دیدارێكدا مورتەزا عەبادی كونسوڵی گشتی كۆماری ئیسلامی ئێران لە شاری هەولێر ئامادەی بوو باس لە پتەوكردنی پەیوەندییەكانی نێوان هەرێمی كوردستان و وڵاتی ئێران بەگشتی ئەو پارێزگایە بە تایبەت كرا.
هەر لەم كۆبوونەوەیە بڕیاردرا پەرە بە پەیوەندییە بازرگانیەكان بدرێت و هەوڵ بدرێت گشت ئەو كێشانە چارەسەر بكرێت كە بوونەتە رێگر لە بەردەم هاتوچۆی هاوڵاتیان و ئیش و كاری بازرگانی.
 
 
 
لە درێژەی سەردانی شاندی پارێزگای هەولێر، نوێنەرانی ژووری بازرگانی هەولێر لەگەڵ سەرۆكی ژووری بازرگانی ئەو پارێزگایە كۆبوونەوە باس لە پتەوكردنی پەیوەندییەكانی نێوان هەردوو ژوور كرا لە هەمان كات باس لە ئاڵوگۆڕكردنی شاندی بازرگانی لە نێوان هەردوولا كرا.
شایانی باسە یاریدەدەری پارێزگای ورمێ، بەرپرسی بەشی سیاسی و ئابووری پارێزگای ورمێ و بەرپرسانی گومرگی كۆمەڵگای تەمەرچین بەشداربوون لە دیدارەكە.
 
 
 
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑