رۆژى 26/5/2022 به‌ ئاماده‌بوونى فيدائه‌ددين محه‌ممه‌د ئه‌مين، عه‌بدولكه‌ريم مسته‌فا و ماجد جه‌لال ئه‌ندامانى ئه‌نجومه‌نى كارگێڕى ژوور، به‌ به‌شدارى نوێنه‌رانى هه‌ريه‌ك له‌ ژووره‌كانى سلێمانى و دهۆك و هه‌ڵه‌بجه‌ و يه‌كێتى هاورده‌ و هه‌نارده‌كارانى كوردستان كۆبوونه‌وه‌يه‌ك له‌گه‌ڵ شاندێكى رێكخراوى ناوه‌ندى نێوده‌وه‌ڵه‌تى بۆ په‌ره‌پێدانى سياسه‌تى كۆچبه‌رى (ICMPD) كه‌ پێكهاتبوون له‌ ئانا خارلامۆڤا، قاسم ئه‌لروبه‌يعى، سه‌يف ئه‌لحه‌مدانى و رياز محه‌ممه‌د له‌ ژوورى بازرگانى و پيشه‌سازى هه‌ولێر به‌ڕێوه‌چوو ،كه‌ به‌ مه‌به‌ستى گفتوگۆ كردن له‌سه‌ر پرۆژه‌ى CAIR كه‌ بريتى يه‌ له‌ پرۆژه‌يه‌كى درێژ خایه‌نی تواناسازى و تێكه‌ڵكردنه‌وه‌ى ديپۆرتكراوانی هه‌ردوو وڵاتى عێراق و ئه‌فغانستان‌ به‌ كۆمه‌ڵگاى خۆيان،  سه‌ردانى ژووريان كرد.

سه‌ره‌تا فيدائه‌ددين محه‌ممه‌د ئه‌مين ئه‌ندامى ئه‌نجومه‌نى كارگێڕى ژوور وته‌ى به‌خێرهێنانى پێشكه‌شكرد .

دوای خۆناساندنی به‌شدار بووان ئانا خارلامۆڤا سه‌رۆكى شاند و به‌رپرسى پرۆژه‌ی‌ CAIR به‌ تێرو ته‌سه‌لى پڕۆژه‌كه‌يانى بۆ ئاماده‌بووان باس كرد كه‌ مه‌به‌ستيانه‌ له‌ رێگاى پڕۆژه‌كه‌يان ئاسانكارى بۆ ديپۆرتكراوان بكه‌ن له‌ رێگاى به‌رنامه‌يه‌ك دا كه‌ هه‌ماهه‌نگى نێوان  حكومه‌ت و كه‌رتى تايبه‌تى تێدابێت و وتى: رێكخراوی (ICMPD) سه‌رقالی داڕشتنى به‌رنامه‌ى دانانی رێكارى تێكه‌ڵكردنه‌وه‌ى ديپۆرتكراوانی عێراقیه‌ له‌گه‌ڵ كۆمه‌ڵگه‌ی خۆيان دا به‌ هه‌ماهه‌نگى له‌ ‌گه‌ڵ كه‌رتى تايبه‌ت چونكه‌ كه‌رتی تایبه‌ت رۆلی گرنگ و كاریگه‌ری له‌ پێكانی ئامانجی پرۆژه‌كه‌دا ده‌بێت   .هه‌روه‌ها وتی

ئامانجمان له‌م سه‌ردانه‌ ئه‌وه‌يه‌ كه‌ بزانين به‌ چ رێكارێك ده‌توانين ئه‌و هه‌ماهه‌نگيه‌ دروست بكه‌ين وه‌ داواى كرد كه‌ ميكانيزمى ئه‌و هاوكارى و هه‌ماهه‌نگيه‌ بخه‌نه‌روو بۆ ئه‌وه‌ى ببێته‌ بنه‌مايه‌ك بۆ جێ به‌ جێ كردنى پڕۆژه‌كه‌ به‌ سه‌ركه‌وتوويى .

دواتر ئه‌ندامانى شانده‌كه‌ هه‌ر يه‌كه‌يان رۆڵى خۆيان له‌و پڕۆژه‌يه‌دا باس كرد و ، ديدگاى خۆيان به‌ گرنگى هه‌ماهه‌نگى كردنى حكومه‌ت و كه‌رتى تايبه‌ت خسته‌روو.

پاشان به‌شداربووانى كۆبوونه‌وه‌ له‌گه‌ڵ شاندى ناوبراو چه‌ندين سه‌رنج و پێشنياريان بۆ ئه‌و بابه‌ته‌ خسته‌روو.

سه‌رنج و پێشنياره‌كان له‌ لايه‌ن شاندى ميوان تۆماركران بۆ له‌به‌ر چاوگرتنیان له‌ داڕشتنى به‌رنامه‌ى جێبه‌جێ كردنی پڕۆژه‌كه‌یاندا‌ له‌ سه‌رتاسه‌رى عێراق به‌گشتی .

رێكخراوى ( (ICMPرێكخراوێكى نێوده‌وڵه‌تى يه‌كێتى ئه‌وروپايه‌ بايه‌خ به‌ بابه‌تى سياسه‌تى كۆچ ده‌دات و له‌ 90 وڵات به‌رنامه‌كانى خۆى جێ به‌ جێ ده‌كات.

 

بڵاوكراوه‌ته‌وه‌ له‌ هه‌واڵ
به‌ مه‌به‌ستى به‌شدارى كردن له‌ كۆنفڕانسى به‌هاره‌ى ئه‌نجومه‌نى كارى عێراقى - به‌ريتانى (IBBC) تايبه‌ت به‌ ره‌وشى ئابوورى و بازرگانى عێراق، رۆژى 23/5/2022 شاندێكى ژوورى بازرگانى و پيشه‌سازى هه‌ولێر كه‌ پێكهاتبوون له‌ د. دارا جه‌ليل خه‌يات سه‌رۆكى ژوور و مه‌لا مه‌جيد سورچى جێگرى سه‌رۆكى ژوور و سه‌ركه‌وت جه‌مال به‌زاز و كه‌مال عه‌زيز ئه‌ندامانى ئه‌نجومه‌نى كارگێڕى ژوور سه‌ردانى شارى له‌نده‌نيان كرد بۆ به‌شدارى كردن له‌م كۆنفڕانسه‌.
بڵاوكراوه‌ته‌وه‌ له‌ هه‌واڵ
رۆژى 24/5/2022 به‌ به‌شدارى 210 كۆمپانيا له‌ 7 وڵات، گه‌وره‌ترين پێشانگاى بيناسازى له‌ عێراق له‌ پێشانگاى نێوده‌وڵه‌تى هه‌ولێر كرايه‌وه‌.
شاندى ژوور كه‌ پێكهاتبوون له‌ ماجد جه‌لال، تاهير مه‌ولود و عه‌بدولكه‌ريم مسته‌فا ئه‌ندامانى ئه‌نجومه‌نى كارگێڕى ژوور و محه‌ممه‌د مسته‌فا ئه‌مين به‌ڕێوبه‌رى گشتى ژوور به‌شداربوون له‌ رێوڕه‌سمى كردنه‌وه‌ى پێشانگاكه‌.
شايانى باسه‌ ئه‌م پێشانگايه‌ بۆ ماوه‌ى سێ رۆژ به‌رده‌وام ده‌بێت.
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« November 2019 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑