تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: چوار شەممە, 09 شوبات 2022
 
رۆژى 8/2/2022 د. دارا جه‌ليل خه‌يات سه‌رۆكى ژوور به‌ ئاماده‌بوونى مه‌لا مه‌جيد سورچى جێگرى سه‌رۆكى ژوور و فيدائه‌ددين محه‌ممه‌د ئه‌مين، سالار جه‌لال، سه‌دره‌ددين كه‌مال و عه‌بدولكه‌ريم مسته‌فا ئه‌ندامانى ئه‌نجومه‌نى كارگێڕى ژوور پێشوازييان كرد له‌ ثامر محمد المعصب راوێژكارى ئابوورى له‌ كونسوڵخانه‌ى گشتى وڵاتى كوێت له‌ هه‌ولێر.
له‌ ديدارێكدا راوێژكارى ئابوورى له‌ كونسوڵخانه‌ى كوێت باسى له‌ ئامانجه‌كانى خاوه‌نكاران و وه‌به‌رهێنه‌رانى وڵاتى كوێت كرد كه‌ له‌ به‌رنامه‌يان دايه‌ كاره‌كانى وه‌به‌رهێنانيان زياد بكه‌ن له‌ وڵاتان بۆ ئه‌م مه‌به‌سته‌ش له‌ يه‌كه‌مين هه‌نگاويان له‌ وڵاتانى دراوسێ وه‌ ده‌ست پێده‌كه‌ن.
راوێژكار رايگه‌ياند هه‌رێمى كوردستانيش به‌ هۆى نزيكى له‌ وڵاتى كوێت و بوونى سروشتى گونجاو له‌ هه‌موو روويه‌كه‌وه‌ ده‌مانه‌وێت په‌ره‌ى زياتر به‌ په‌يوه‌ندييه‌ بازرگانييه‌كانمان بده‌ين و كارى وه‌به‌رهێنان بكه‌ين.
له‌ لايه‌ن خۆيه‌وه‌ سه‌رۆكى ژوور وتى په‌يوه‌ندى بازرگانى و په‌يوه‌نديمان له‌گه‌ڵ ژوورى بازرگانى وڵاتى كوێت باشه‌ به‌ڵام پێويستيمان به‌ باشتركردنى ئه‌و په‌يوه‌ندييانه‌ هه‌يه‌، ئه‌ويش له‌ رێگاى ئاڵوگۆڕكردنى شانده‌ بازرگانييه‌كان و هاتنى وه‌به‌رهێنه‌رانى وڵاتى كوێت بۆ هه‌رێمى كوردستان بۆ ئه‌وه‌ى كارى وه‌به‌رهێنان بكه‌ن چونكه‌ له‌ راستيدا تا ئێستا له‌ ئاستى پێويست نيه‌.
سه‌رۆكى ژوور وتى: وه‌به‌رهێنه‌رانى وڵاتى كوێت ده‌توانن له‌ هه‌رێمى كوردستان كارى وه‌به‌رهێنان بكه‌ن به‌ تايه‌بت له‌ سێكته‌رى پيشه‌سازى و كشتوكاڵى كه‌ سوودى زۆرى ده‌بێت بۆ هه‌ردوولا وه‌ هه‌موو ئاسانكارييه‌كيش هه‌يه‌.
ئاماده‌بووانى ژوور به‌ پوختى باسيان له‌ گرنگترين ئه‌و ده‌رفه‌تانه‌ كرد كه‌ له‌ هه‌رێمى كوردستان هه‌يه‌ بۆ وه‌به‌رهێنان هه‌روه‌ها باسيان له‌ كارگه‌ زه‌به‌لاحه‌كان كرد وه‌كو كارگه‌كانى به‌رهه‌مهێنانى ئاسن و چيمه‌نتۆ كه‌ له‌ هه‌رێمى كوردستانن وڵاتى كوێت ده‌توانى سووديان لێ وه‌ربگرێت و به‌رهه‌مه‌كه‌يان هاورده‌ بكات بۆ وڵاته‌كه‌ى.
بڵاوكراوه‌ته‌وه‌ له‌ هه‌واڵ
چوار شەممە, 09 شوبات 2022 07:22

ئاگادارى

وه‌زيرى كشتوكاڵى هه‌رێمى كوردستان به‌رێز (بێگه‌رد تاڵه‌بانى) له‌گه‌ڵ وه‌فدێكى وه‌زاره‌تى كشتوكاڵى هه‌رێمى كوردستان له‌ به‌روارى 22/2/2022 سه‌ردانى وڵاتى سريلانكا ده‌كه‌ن به‌ مه‌به‌ستى ئه‌نجام دانى پرۆگرامێكى دوو رۆژى له‌گه‌ڵ وه‌زاره‌تى كشتوكاڵى وڵاتى سيلانكا، له‌ ماوه‌ى به‌ ئه‌نجام گه‌ياندنى گه‌شته‌كه‌ سه‌ردانى (زانكۆى كشتوكاڵى كۆڵۆمبۆ، به‌شى كشتوكاڵى وڵاتى سريلانكا، په‌يمانگاى گه‌شه‌پێدان و توێژينه‌وه‌ى بوارى دانه‌وێڵه‌، په‌يمانگاى گه‌شه‌پێدان و توێژينه‌وه‌ى برنج سريلانكا - باتالاگۆدا، په‌يمانگاى گه‌شه‌پێدان و توێژينه‌وه‌ى دانه‌وێڵه‌ى باخدارى سريلانكا - گانۆروا) ده‌كرێت، هه‌ر خاوه‌ن كۆمپانيايه‌ك يان بازرگانێك له‌ بوارى كشتوكاڵى ئاره‌زوو ده‌كات ئه‌م گه‌شته‌ بكات سه‌ردانى ژوورى بازرگانى و پيشه‌سازى هه‌ولێر - به‌شى په‌يوه‌ندييه‌كان بكات.

دواين كات بۆ پێشكه‌شكردن 10/2/2022

تێبينى: تێچووى گه‌شته‌كه‌ له‌لايه‌ن بازرگانان خۆيانه‌وه‌ ده‌بێت

بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑