تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: سێ شەممە, 16 تشرینی دووەم 2021
رۆژى 15/11/2021 د. دارا جه‌ليل خه‌يات سه‌رۆكى ژوور به‌ ئاماده‌بوونى جێگرانى سه‌رۆكى ژوور و ژماره‌يه‌ك له‌ ئه‌ندامانى ئه‌نجومه‌نى كارگێڕى ژوور پێشوازييان كرد له‌ محه‌ممه‌د بن سوله‌يمان كونسوڵى گشتى شانشينى عه‌ره‌بى سعودى له‌ هه‌ولێر.
له‌ دانيشتنێكدا سه‌ره‌تا له‌ لايه‌ن د. دارا جه‌ليل خه‌يات و جێگر و ئه‌ندامانى ژوور به‌خێرهاتنى شاندى ميوان كرا، سه‌رۆكى ژوور وتى: "ئێمه‌ په‌يوه‌ندى بازرگانى باشمان هه‌يه‌ له‌گه‌ڵ وڵاتانى عه‌ره‌بى، وڵاتى سعوديه‌ش بۆ ئێمه‌ زۆر گرنگه‌ په‌ره‌ به‌ په‌يوه‌ندييه‌ بازرگانييه‌كانمان بده‌ين، ئێمه‌ش ئاماده‌ين بۆ هه‌موو پاڵپشتى و هاوكارييه‌ك له‌به‌ر ئه‌وه‌ى ده‌زانين كه‌ كۆمپانياى گه‌وره‌ و پێشكه‌وتوو هه‌يه‌ له‌ و وڵاتى بۆيه‌ هيوادارين په‌يوه‌ندييه‌كانمان به‌ره‌و پێش بچێت".
كونوسڵى گشتى سعوديه‌ وتى: " ئێمه‌ لێره‌ين بۆ ئه‌وه‌ى هاوكارى هه‌رێمى كوردستان بكه‌ين وه‌ هه‌وڵيش ده‌ده‌ين كه‌ كۆمپانيا سعودييه‌كان لێره‌ وه‌به‌رهێنان بكه‌ن وه‌ هه‌وڵيش ده‌ده‌ين ئاڵوگۆڕى بازرگانى به‌هێز بكه‌ين وه‌ ئاسانكارى زۆريش ده‌كه‌ين له‌ پێدانى ڤيزا له‌ ماوه‌ى 24 كاتژمێر بۆ بازرگانان دابينى بكه‌ين، بۆ ئه‌وه‌ى سه‌ردانى ئه‌و وڵاته‌ بكه‌ن و په‌يوه‌ندييه‌كان به‌هێز بكه‌ن و به‌شدارى له‌ بۆنه‌ ئابوورييه‌كان بكه‌ن، بۆ پێدانى ڤيزاش ده‌سه‌ڵاتى ته‌واومان پێدراوه‌، وه‌ هه‌وڵيش ده‌ده‌ين چه‌ند نوسينگه‌يه‌ك كار له‌ پێدانى ڤيزا بكه‌ن. ".هه‌روه‌ها وتى: " زۆر گرنگه‌ په‌ره‌ به‌ سيسته‌مى بانكى بدرێت له‌ هه‌رێمى كوردستان".
پاشان كونسوڵى بازرگانى وڵاتى سعوديه‌ كه‌ ياوه‌رى شانده‌كه‌ بوو وتى: " ئێمه‌ ئامانجمان ئه‌وه‌يه‌ سوود به‌ كوردستان بگه‌يه‌نين به‌ هه‌نارده‌كردنى به‌رهه‌مى كوالێتى باش به‌ نرخى گونجاو، وه‌ له‌ هه‌وڵى ئه‌وه‌ش داين هێڵێكى راسته‌وخۆى ئاسمانى بكه‌ينه‌وه‌ له‌ نێوان وڵاتى سعوديه‌ و هه‌رێمى كوردستان، وه‌ سه‌باره‌ت به‌ سيسته‌مى بانكى وتى لقێكى بانكى TBI له‌ سه‌ره‌تاى ساڵى داهاتوو له‌ هه‌ولێر ده‌كه‌ينه‌وه‌، هه‌روه‌ها ئاماژه‌ى به‌وه‌ش دا كه‌ حكومه‌تى سعوديه‌ و حكومه‌تى هه‌رێمى كوردستان به‌ يه‌كه‌وه‌ هه‌ماهه‌نگن بۆ پێشخستنى په‌يوه‌ندييه‌ ئابوورييه‌كان له‌ نێوان هه‌ردوولادا".
بڵاوكراوه‌ته‌وه‌ له‌ هه‌واڵ

به‌ مه‌به‌ستى چاره‌سه‌ركردنى كێشه‌و گرفتى بازرگانانى سنوورى پارێزگاى هه‌ولێر و به‌هێزكردنى جموجۆڵى بازرگانى له‌ ده‌روازه‌ى حاجى ئۆمه‌ران و چاره‌سه‌ركردنى گرفته‌كانى ئه‌و سنووره‌، له‌ ژوورى بازرگانى و پيشه‌سازى هه‌ولێر كۆبوونه‌وه‌يه‌ك سازكرا.

رۆژى 11/11/2021 به‌ ئاماده‌بوونى ئومێد خۆشناو پارێزگاری هەولێر، د. دارا جه‌ليل خه‌يات سه‌رۆكى ژوور، نەبەز عەبدولحەمید قائیمقامى ناوەند، بەڕێوەبەرى گشتیى کشتوکاڵ، بەڕێوەبەرى گشتیى بازرگانى و بەڕێوەبەرى گەشەپێدانى پیشەسازى و جێگرى بەرێوەبەرى گشتیى گومرگ و بەرێوەبەرى کۆمەڵگەى سنوورى حاجى ئۆمەران و بەڕیوەبەرى خۆراك و دانەوێڵە، جێگرانى سه‌رۆكى ژوور و ئه‌ندامانى ئه‌نجومه‌نى كارگێڕى ژوورى بازرگانى و پیشه‌سازى هەولێر و نوێنەرانى ژوورى بازرگانى شارەکانى ترى هەرێم و موسڵ و ژماره‌يه‌ك له‌ خاوه‌ن كۆمپانيا و بازرگانان كۆبوونه‌وه‌.

له‌م كۆبوونه‌وه‌يه‌ تیشك خرايه‌ سه‌ر ڕەوشی ئابووری و چۆنیەتى بەهێزکردنى جوڵە و ڕه‌وشی بازرگانی لە دەروازەی سنووری نێودەوڵەتی حاجی ئۆمەران و دۆخی بازاڕ و پێداویستییەکانی هاوڵاتییان و چۆنیەتی دۆزینەوەی رێگاچارەى گونجاو بۆ كێشە ئابووری و بازرگانییەکان.

د. دارا جه‌ليل خه‌يات سه‌رۆكى ژوور وتى: " ئێمه‌ وه‌كو نوێنه‌رى كه‌رته‌كانى تايبه‌ت ئاماده‌ين گوێ له‌ كێشه‌ و داخوازييه‌كانتان بگرين، بيگه‌يه‌نن به‌ لايه‌نى په‌يوه‌نديدار به‌ مه‌به‌ستى چاره‌سه‌ركردنيان، وه‌ ئاماده‌ين بۆ هه‌موو هاوكارى و هه‌ماهه‌نگيه‌گ".

ئومێد خۆشناو لەوبارەیەوه‌ ڕایگه‌یاند: "له‌ ماوه‌ى رابردووش كۆبوونه‌وه‌مان ئه‌نجام داوه‌ سه‌رجه‌م داخوازييه‌كانى ئێوه‌مان گه‌ياندووه‌ بە ئەنجومەنى وەزیران و ڕێزدار مەسرور بارزانى، سەرۆکى حکومەتى هەرێمى کوردستان، ئەمڕۆش هاتووین بۆ ئەوەى هەموو ئەو کێشە و گرفت و بەربەست و کۆسپانەى هەن چارەسەربکەین و بەهەموو لایەک ڕەوشی ئابوورى و پیشەسازى و بازرگانى و وەبەرهێنان لەشارەکەمان ببوژێنینەوە و بەهێزى بکەین، ئامانجی ئێمە لە حکومەتى هەرێم و پارێزگاى هەولێر ئەوەیە پارێزگارى لە کار و کەسابەتى هاوڵاتییان و کارئاسانى و پشتیگریکردنى بازرگانان بکەین، لەوبارەیەشەوە وه‌كو پارێزگای هەولێر، هەموو هەولێکی خۆمان خشتۆته‌گه‌ڕ بۆ گەشەسەندن و پەرەپێدانی ئابووریی و بازرگانی و پیشەسازیی لەشارەکەمان و ئاماده‌ین هەموو ئاسانکارییەکی یاسای و کارگێڕى پێشکەش بە کۆمپانیاکان و بازرگانان بکەین تاوەکو ڕۆڵ و کاریگەریان هەبێت لە بەرەوپێشبردن و پێشخستن و په‌ره‌پێدانی بازرگانى و پیشەسازی و وەبەرهێنان لەهەولێرى پایتەخت".

پاشان له‌ لايه‌ن ئاماده‌بووانه‌وه‌ گرنگترين كێشه‌ و گرفت و داخوازييه‌كان خرانه‌ به‌رچاو.

بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« June 2015 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑