كۆنفڕانسى پياوانى كار و وه‌به‌رهێنه‌رانى عێراق و ئيسپانيا له شارى مه‌دريد له رێككه‌وتى 15/12/2021 سازده‌كرێت، هه‌ر خاوه‌ن كۆمپانيا ياخود كارگه‌يه‌ك نيازى به‌شدارى كردنى هه‌يه له‌م كۆنفڕانسه، سه‌ردانى ژوورى بازرگانى و پيشه‌سازى هه‌ولێر - به‌شى په‌يوه‌ندييه‌كان بكات.
تێبينى:
- خه‌رجى هه‌ر به‌شداربوويه‌ك (2000) دوو هه‌زار دۆلاره بۆ ئه‌وكه‌سانه‌ى كه ڤيزه‌يان هه‌يه، كه خه‌رجى هاتو چۆى نێو شار و هۆتێل و به‌شداربوون له خۆ ده‌گرێت.
- خه‌رجى هه‌ر به‌شداربوويه‌ك (3000) سێ هه‌زار دۆلاره بۆ ئه‌وكه‌سانه‌ى كه ڤيزه‌يان نيه، كه خه‌رجى هاتو چۆى نێو شار و هۆتێل و به‌شداربوون و مامه‌ڵه‌ى وه‌رگرتنى ڤيزا له خۆ ده‌گرێت.
- دوايين كات بۆ پێشكه‌ش كردن 25/10/2021.
رۆژى 20/10/2021 به به‌شدارى چه‌ندين كۆمپانيا و وه‌به‌رهێنه‌ر و بازرگانانى توركيا و وڵاتان پێشانگاى نێوده‌وڵه‌تى ئسته‌نبۆڵ بۆ ته‌كنه‌لۆژياكانى خواردن و خواردنه‌وه سازكرا.
له‌م پێشانگايه شاندێكى ژوورى بازرگانى و پيشه‌سازى هه‌ولێر به سه‌رۆكايه‌تى ئيبراهيم محه‌ممه‌د كانه‌بى جێگرى سه‌رۆكى ژوور و به‌ياوه‌رى جه‌وهه‌ر خدر و فيدائه‌ددين محه‌ممه‌د ئه‌مين ئه‌ندامانى ئه‌نجومه‌نى كارگێڕى ژوور به‌شداربوون.
ئه‌م پێشانگايه بۆ ماوه‌ى چوار رۆژ به‌رده‌وام ده‌بێت.
رۆژى 20/10/2021 شاندێكى ژوورى بازرگانى و پيشه‌سازى هه‌ولێر كه پێكهاتبوون له كه‌مال عه‌زيز، تاهير مه‌ولود، عه‌بدولكه‌ريم مسته‌فا و ماجد جه‌لال ئه‌ندامانى ئه‌نجومه‌نى كارگێڕى ژوور به‌شدارييان كرد له پێشانگاى نێوده‌وڵه‌تى ئيسته‌نبۆڵ بۆ پيشه‌سازى له قوتوكراو.
له‌م پێشانگايه به سه‌دان كۆمپانياى توركى و جيهانى به‌رهه‌مه‌كانيان نمايش كردووه بۆ ماوه‌ى چوار رۆژيش به‌رده‌وام ده‌بێت.