لەسەربانگهێشتی فەرمی كۆمپانیای (TUYAP)ی توركی شاندێكی بازرگانی بە سەرۆكایەتی تاهیر مەولود ئەندامی ئەنجوومەنی كارگێری ژوور و بەرپرس وكارمەندی راگەیاندن و پەیوەندیەكان و ژمارەیەك بازرگان بەشداریان لە پیشنگای ئامێرو بەرهەمب كشتوكالی دیاربەكر لە توركیا كرد كە ماوەی چوار رۆژی خایاند لە 4-8/4/2018 . سەدو بیست و دوو كۆمپانیا بەرهەمیان تیادا نمایش كردبوو .
شاندی كوردستان ئامادەی مەراسیمی كردنەوەی پیشانگا بوون و لەگەل كەنالە كوردیەكان چاوپێكەوتنیان ئەنجامدا . دواتر تەواوی پیشانگا بەسەر كرایەوە .
لە درێژەی چالاكیەكاندا شاندەكەمان سەردانی ژووری بازرگانی دیاربەكری كرد و لەلایەن جێگری سەرۆكی ژووری بازرگانی پێشوازیان لێكرا ، بۆ بەرەو پێشبردنی پەیوەندی بازرگانی لە دانیشتنێكدا گفتوگۆ كرا و دۆخی ئابووری ئێستای هەرێم شیكرایەوە و تیشك خرایە سەر هەنگاوەكانی چارەسەركردن و باشتر كردنی رەوشی ئابووری هەرێمی كوردستان ، دواتریش لەگۆو دیاری پیشكەش كران .دواتر بۆ جاری دووەم سەردانی پیشانگا كراو چەندین دیدار و كۆبوونەوە لەگەل نمایشكارانی پیشانگا ئەنجامدرا.
رۆژی 2/4/2018 د. دارا جەلیل خەیات سەرۆكی ژووری بازرگانی و پیشەسازی هەولێر پێشوازی كرد لە فیرۆز زارەئی بەرپرسی بەشی ئابووری لە كونسوڵخانەی كۆماری ئیسلامی ئێران لە هەولێر.
لە دیدارێكدا جەوهەر خدر و ماجد جەلال ئەندامانی ئەنجومەنی كارگێڕی ژوور ئامادەی بوون باس لە گرنگترین ئەو كێشە و بابەتانە كرا كە روو بە رووی بازرگانانی هەرێمی كوردستان و كۆماری ئیسلامی ئێران دەبێتەوە لەكاتی ئاڵوگۆڕكردنی شتومەك بۆ ئەوەی لە كۆنفڕانسی داهاتوو باس بكرێت و بخرێتە روو بە مەبەستی چارەسەركردنی كە بڕیار وایە لە 2/5/2018 لە شاری هەولێر سازبكرێت.
هەروەها دوایین ئامادەكارییەكان بۆ بەستنی ئەو كۆنفڕانسە خرایە بەرباس.