تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: یەک شەممە, 02 کانونی یەکەم 2018
بە مەبەستی زیاتر کردنی ئاڵوگۆڕی شتومەک و بەهێزکردنی پەیوەندییە بازرگانیەکان رۆژی ٢٩/١١/٢٠١٨ شاندێکی گەورەی بازرگانان و خاوەن کۆمپانیای وڵاتی هندستان کە پێکهاتبوون لە لە (١٩) خاوەن کار و کۆمپانیای بواری خۆراک بە سەرۆکایەتی باڵیۆزی وڵاتی هند لە عێراق برادیب سینگ راجبیروهت سەردانی ژوورییان کرد لە لایەن د. دارا جەلیل خەیات سەرۆکی ژوور، جێگر و ئەندامانی ئەنجومەنی کارگێڕی ژوور پێشوازییان لێکرا.
لە کۆبوونەوەیەکدا کونسوڵی وڵاتی هند لە هەولێر و ژمارەیەک لە بازرگانان و خاوەن کۆمپانیاکانی هەرێمی کوردستان ئامادەبوون سەرۆکی ژوور وتەیەکی پێشکەش کرد: دوای بەخێرهێنان وتی هیواخوازین هاتنی ئەم شاندە ببێتە مایەی دروستکردنی پەیوەندییەکی ئابووری بەهێز لە نێوان هەردوولا، وتیشی بەهۆی ئەوەی ئەم شاندە خۆی لە بازرگانان و خاوەن کۆمپانیاکانی سێکتەری خۆراک ئەبینێتەوە، ئەم سێکتەرەش لە لای ئێمە گرنگە بەهۆی ئەوەی ساڵانێکی زۆرە بازرگانانمان هاوردەی شتومەک دەکەن بەڵام ئێمە دەمانەوێت پەرەی زیاتری پێ بدەین.
د. دارا وتیشی: بەهۆی ئەوەی وڵاتی هند وڵاتێکی بەهێزە لە رووی ئابوورییەوە بەرزی کوالێتی بەرهەمەکانی و هەرزانی نرخەکەی بۆتە هۆی ئەوەی بازرگانانمان چاو ببڕنە بەرهەمەکانیان.
سەرۆکی ژوور ئەوەشی خستە روو کە عێراق و هەرێمی کوردستان بۆ بازرگانان و وەبەرهێنەرانی هند بازاڕێکی گەورەیە هیواخوازین سوود وەرگرن لەم بازاڕە.
پاشان باڵیۆزی وڵاتی هند لە عێراق برادیب سینگ راجبیروهت وتەیەکی پێشکەش کردوتی: ئێمە دڵخۆشین کە جاری یەکەمە شاندێکی وا دەهێنین بۆ هەرێمی کوردستان، ئێمە لە هەوڵی هێنانی ژمارەیەکی زیاتری بازرگانان و وەبەرهێنەران بوین بۆ هەرێم بەڵام بەهۆی هەڵە تێگەیشتنیان لە ئارامی و سەقامگیری هەرێم و تێگەیشتنیان بە هەمان بارودۆخی بەشەکانی تری عێراق وای کرد ئەم شاندە ژمارەیان کەمتر ببێتەوە، بەڵام دڵنیام ئەم شاندە لە داهاتوودا بە ژمارەیەکی زۆر زیاترەوە سەردانی هەرێم دەکەنەوە چونکە بە چاوی خۆیان ئارامی و هەلی وەبەرهێنانیان بینی.
وتیشی: عێراق بە گشتی بۆ وڵاتی هندستان گرنگە لە مانگی داهاتوو بە شاندێکی گەورەتر سەردانی هەرێم دەکەین.
باڵیۆز وتیشی لە ئێستادا بازرگانان و خاوەن کۆمپانیا و هاوڵاتیانی هەرێم دەتوانن هەر لە هەولێر ڤیزای هند وەرگرن.
هەر لەم کۆبوونەوەیە ژوور هیوای خواست کۆمپانیا بەشداربووەکان و باڵیۆز و کونسوڵی هندستان ئەم ئارامی و سەقامگیرییەی هەرێمی کوردستان بگوازنەوە بۆ هاوپیشەکانیان لە وڵاتی هند.
دواتر شاندی میوان خۆیان و کارەکانیان ناساند و کۆبوونەوەی B2B لە نێوان بازرگانانی هەردوولا سازکرا.
لە هەمان کاتدا کۆنگرەیەکی رۆژنامەوانی بۆ باڵیۆز و سەرۆکی ژوور سازکرا.
بڵاوكراوه‌ته‌وه‌ له‌ هه‌واڵ
رۆژی ٢٨/١١/٢٠١٨ د. دارا جەلیل خەیات سەرۆکی ژوور پێشوازی کرد لە رافاو کلێنڤسکی جێگری کونسوڵی پۆڵەندا لە هەولێر و پیۆتر شچێپانیاک سەرۆکی کۆمپانیای (تریب )ی پۆلۆنیا و بیزنێسمەن و نوێنەری چەندین کۆمپانیای ئەم وڵاتە و بە مەبەستی وەبەرهێنان و کارکردن لە کوردستان لە بواری ئابووری و بازرگانی لە چەندین کەرتی جیاجیا سەردانی ژووریان کرد.
لە دیدارێکدا سۆران ئەبوبەکر جێگری سەرۆکی ژوور و سەدرەددین کەمال ئەندامی ئەنجومەنی کارگێڕی ژوور ئامادەبوون باس لە پتەوکردنی پەیوەندی بازرگانی نێوان وڵاتی پۆڵۆنیا و هەرێمی کوردستان کرا.
هەر لەم دیدارەدا گرنگی وەبەرهێنان و کارکردن لە لایەن کۆمپانیا پۆڵۆنیەکان لە هەرێمی کوردستان باس کرا.
لە بەشێکی تری دیدارەکەدا باس لە زیاتر کردنی ئاڵوگۆڕی شاندە بازرگانیەکانی نێوان هەردوولادا کرا.
لە لای خۆیەوە سەرۆکی کۆمپانیای (تریب) ی پۆڵۆنی مەبەستی سەردانەکەی بۆ هەرێمی کوردستان خستەڕوو و ئەو پرۆژەیەی کە بەدەستەوەیانە لە هۆڵی کۆنفرانسی ژووری بازرگانی لە ریگەی وۆرکشۆپێکەوە بۆ سەرۆک و ئەندامانی ئەنجومەنی کارگێڕی ژووری بازرگانی و پێشەسازی هەولێر شی کردەوە و ئامادەیی خۆی نیشان دا کە پردێکی پەیوەندی بەهێز لە نێوان ژووری بازرگانی و کۆماری پۆلۆنیا و بازرگانان و کۆمپانیا و وەبەرهێنەرانی وڵاتەکەی لەگەڵ هەرێمی کوردستان دا ڕێک بخەن.
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« April 2013 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑