تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: چوار شەممە, 20 تەمموز 2016
شاندێكی ئەندامانی ئەنجومەنی پارێزگای نەجەف رۆژی 18/7/2016 سەردانی ژووریان كردو لە لایەن د. دارا جەلیل خەیات سەرۆكی ژوور و بەشێك لە ئەندامانی ئەنجومەنی كارگێڕی ژوور پێشوازییان لێكرا.
ئامانجی سەردانی شاندی میوان گفتوگۆكردن بوو لەسەر هەماهەنگی كارە بازرگانیەكان و كردنەوەی بازاڕێكی هاوبەش لە هەردوو شاری نەجەف و هەولێر بۆ نمایشكردن و فرۆشتنی بەرهەمە خۆماڵی یەكان لەم بازاڕانە.
سەرۆكی ژووریش ئەم پێشنیارەی بە گرنگ وەسف كرد، رایگەیاند كە ئەوان لای خۆیانەوە خوێندنەوەی بۆ دەكەن، وە جەختیشی لەسەر پتەوكردنی پەیوەندی بازرگانی نێوان شارەكانی عێراق كردەوە وە لەهەمان كات دا گرنگترین ئەو كێشەو ئاستەنگیانەی كە رووبەرووی بازرگانانی ناوخۆ دەبێتەوە لە كاتی ئاڵوگۆڕە بازرگانیەكان لە نێوان شارەكانی عێراق گفتوگۆی لەسەر كرا بە مەبەستی چارەسەركردنی.
 
بڵاوكراوه‌ته‌وه‌ له‌ هه‌واڵ
رۆژی 18/7/2016 د. دارا جەلیل خەیات سەرۆكی ژوور بە ئامادەبوونی بەشێك  لە ئەندامانی ئەنجومەنی كارگێڕی ژوور پێشوازییان لە هەیسەم ساڵح كونسوڵی شانشینی ئوردنی هاشمی لە هەولێر و جێگرەكەی كرد.
ئامانجی سەردانی ناوبراو بۆ ژوور بە مەبەستی زیاتر پتەوكردنی پەیوەندییە بازرگانیەكانی نێوان هەرێمی كوردستان و وڵاتی ئوردن بوو.
لە دیدارێكدا كونسوڵی ئوردن رایگەیاند: پەیوەندییە بازرگانیەكان لە نێوان هەردوولا لە ئاستێكی باش دایە ئێمە هەوڵی پتەوكردنی دەدەین، هاوشانی پەیوەندییە سیاسیەكان پەرە بە پەیوەندی ئابووریش دەدەین، چونكە عێراق بە گشتی و هەرێمی كوردستان بە تایبەتی هاوبەشێكی گرنگی ئێمەن بە تایبەت لە رووی بازرگانیەوە.
وتیشی: لە ئێستادا سێكتەرەكانی پزیشكی و تەكنەلۆژیای گەیاندن و زانیاری  (ICT) لە ئاستێكی زۆر باش دان بە شێوەیەك وڵاتی عێراق بەگشتی لە ریزبەندی چوارەم وڵات دێت لە پەیوەندی پتەوی نێوانمان لەم سێكتەرە بەڵام ئێمە دەمانەوێت پەرە بە سێكتەرەكانی تریش بدەین لەگەڵ هەرێمی كوردستان.
كونسوڵی ئوردن ئەوەشی خستە روو كە بەشداری ژوورە بازرگانیەكانی عێراق بە گشتی لە كۆنفڕانس و دیدارەكانی بازرگانی لە ئوردن لە ئاستێكی باش دایە.
هەیسەم ساڵح ئاماژەی بە دیدارێكی گەورەی نێودەوڵەتی لە بواری (ICT) دا كە بڕیار وایە لە كۆتایی ئەمساڵ لە ئوردن سازبكرێت، كە یەكێكە لە دیدارە هەرە سەركەوتووەكان لەم بوارە لە جیهان، بۆیە داوای كرد كە شاندێكی بازرگانی هەرێمی كوردستان بەشدار بێت لەم دیدارە بۆ ئەوەی سوود لە ئەزموونی بەشداربووان ببینن.
لە لایەن خۆشیەوە سەرۆكی ژوور خۆشحاڵی خۆی بەم سەردانە دەربڕی وتی: پەیوەندی ژوورە بازرگانیەكانی هەرێم لەگەڵ ژوورە بازرگانیەكانی ئوردن لە ئاستێكی زۆر باش دایە.
وتیشی: پێویستە لە كردنەوەی پێشانگا نێودەوڵەتیەكان و دیدارە بازرگانیەكانی نێوان هەردوولا هەماهەنگ بین، داواشی كرد كە دابین كردنی ڤیزا بۆ بازرگانان و هاوڵاتیان زیاتر ئاسان بكرێت و ماوەكەشی درێژتر بكرێت، لە كۆتاییشدا ئامادەیی خۆیی و ژووری دەربڕی بۆ هەموو پاڵپشتیەك و هەماهەنگیەك كە لە بەرژەوەندی هەردوولا بێت.
 
بڵاوكراوه‌ته‌وه‌ له‌ هه‌واڵ
دوای ئەوەی فیرۆز زارعی بەرپرسی بەشی بازرگانی لە كونسوڵخانەی ئێران لە هەولێر هەفتەی رابردوو سەردانی ژووری بازرگانی و پیشەسازی هەولێری كرد لە لایەن سەرۆكی ژوور و ئەندامانی ئەنجومەنی كارگێڕی ژوور پێشوازییان لێكرا، وە بەشێوەیەكی فەرمی رایگەیاند كە رۆژی 18/7/2016 شاندێكی بازرگانی شاری هەمەدانی ئێران سەردانی ژوور دەكەن.
 
بۆ ئەم مەبەستە دوێنی شاندێكی بازرگانی شاری هەمەدان كە پێكهاتبوون لە 5 كۆمپانیا و پیاوی خاوەن كار لە سێكتەرەكانی كشتوكاڵ و خۆراك بە سەرۆكایەتی سەرۆكی كۆمەڵەی هەماهەنگی بازرگانی هەمەدان سەردانی ژووریان كرد و لە لایەن ماجد جەلال ئەندامی ئەنجومەنی كارگێڕی ژوور و بەشێك لە ئەندامان پێشوازییان لێكرا.
 
لە كۆبوونەوەیەك دا كە فیرۆز زراعی بەرپرسی بەشی بازرگانی لە كونسوڵخانەی ئێران لە هەولێرو بەشێك لە خاوەن كۆمپانیا و بازرگانانی خۆماڵی لە هەمان بوار ئامادەی بوون باس لە ئاڵوگۆڕە بازرگانیەكانی نێوان هەرێمی كوردستان و ئێران بە گشتی و شاری هەمەدان بە تایبەت و چۆنیەتی پتەوكردنی كرا.
دوای ئەوەی خاوەن كارانی میوان خۆیان و پیشەكەیان ناساند بە هەمان شێوەش بۆ بازرگانانی خۆماڵی سەرۆكی شاند وتی: بەهۆی نزیكی هەردوو لایەن لە یەكتری لە زۆر بواردا ئێمە هەمیشە هەوڵی پتەوكردن و باشتر كردنی پەیوەندییەكانمان داوە لەگشت بوارەكان بە تایبەت ئاڵوگۆڕی بازرگانی.
وتیشی شاری هەمەدان لە رووی كشتوكاڵ و پیشەسازی یەكێكە لە شارە پێشكەوتووەكانی ئێران، زیاتر لە 1900 كارگەی كارا هەیە لەم شارە و نزیكەی 900 بەرهەمی جۆراو جۆر هەناردە دەكەن، ساڵانە 850 ملیۆن دۆلار داهاتەكەیەتی، لە هەمان كات دا %20 بەرهەكانی وڵاتی ئێران لەم شارەوە بەرهەم دەهێنرێت.
 
سەرۆكی شاندی میوان خۆشحاڵی خۆی نیشاندا بەوەی كە هاتوون بۆ ژووری بازرگانی هەولێر و لەگەڵ شاندی بازرگانی و خاوەن كارانی هەرێم گرێبەستی هاوبەش لەگەڵ كۆمپانیاكانیان واژوو بكەن.
 
دوای ئەوەش ئەوەی فیرۆز زارعی بەرپرسی بەشی بازرگانی لە كونسوڵخانەی ئێران لە هەولێر ئامادەیی كونسوڵخانەی دەربڕی بۆ هەموو جۆرە پاڵپشتیەك و بەردەوامی و ئامادەیی خۆیان نیشاندا لە بانگێشتكردنی كۆمپانیا و خاوەن كارانی ئێران بۆ هەرێم و پتەوكردنی پەیوەندییە بازرگانیەكان.
 
لە لایەن خۆیەوە ماجد جەلال ئەندامی ئەنجومەنی كارگێڕی ژوور خۆشحاڵی خۆی بەم سەردانە نیشاندا وە لە هەمان كات دا رۆڵی كۆمپانیا و خاوەن كارانی ئێرانی لە پتەوكردنی پەیوەندییە بازرگانەیەكانی نێوان هەردوولا بەرز نرخاند.
ئەوەشی خستە روو ئەوان وەكو ژووری بازرگانی هەولێر ئامادەن لە هەموو كات دا پێشوازی لە شاندی بازرگانان و خاوەن كارانی ئێران بكەن و لەگەڵ بازرگانانی هەرێم كۆبوونەوە و دیداریان بۆ رێك بخەن و هاوكاریان بن لە پێشخستنی كاروبارەكانیان.
دوای كۆبوونەوەكەش شاندی بازرگانانی هەردوولا بەشێوەی B2B دانیشتن.
 
 
 
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« April 2014 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑