تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: یەک شەممە, 04 کانونی یەکەم 2016
دوا بە دوای بەشداری كردنیان لە كۆنفڕانسی هەلی كارو بازرگانی لە ئەمریكا، رۆژی 30/11/2016 شاندی بازرگانی و حكومی هەرێمی كوردستان سەردانی ژووری بازرگانی ئەمریكایان كرد، لە لایەن سەرۆك و ئەندامان و ستافی ژووری بازرگانی ئەمریكا پێشوازییان لێكرا.
لە دیدارێكدا چۆنیەتی پتەوكردن و بەهێزكردنی پەیوەندییە بازرگانی و ئابوورییەكان و بەشداری كردنی وەبەرهێنەر و بازرگان و كۆمپانیا ئەمریكیەكان لە بازاڕەكانی هەرێم گفتوگۆی لەسەر كرا.
هەروەها جەخت لەسەر پتەوكردنی پەیوەندییەكانی نێوان ژوورە بازرگانیەكانی هەرێم و ژوورە بازرگانیەكانی ئەمریكا كرایەوە.
شاندی هەرێم هیوای خواست كە بازرگانانی ئەمریكا داهاتوودا بتوانن بە گڕو تینێكی زۆرەوە بەشداربن لە ئاوەدانكردنەوەی هەرێم.
 
بڵاوكراوه‌ته‌وه‌ له‌ هه‌واڵ
یەک شەممە, 04 کانونی یەکەم 2016 08:52

كۆڕبەندی بانكەكانی عەرەبی لە لوبنان سازكرا

 بە بەشداری د. دارا جەلیل خەیات سەرۆكی ژوور، باقی محەممەد هادی و سەدرەددین كەمال ئەندامانی ئەنجومەنی كارگێڕی ژوور رۆژانی 23 – 24/11/2016 لە بەیروتی پایتەختی لوبنان كۆڕبەندی بانكەكانی عەرەبی سازكرا.
رۆژی یەكەمی كۆڕبەند تایبەت بوو بە باس كردنی كارو چالاكیەكانی بانكەكانی عێراق و گرنگترین ئەو ئاستەنگ و كێشانەی كە دێنە بەردەم كاری بانكەكان لە عێراق.
هەروەها چۆنیەتی فراوان كردنی كاری بانكەكان و كردنەوەی لقی نوێ یان لە وڵاتان و سازكردنی چەندین پەنێل بۆ كاربەدەستان و بەڕێوبەرانی بانكە عێراقیەكان بەڕێوەچوو.
وە رۆژی دووەم كۆڕبەند تایبەت بوو بە كار و چالاكی بانكە عەرەبییەكان بە گشتی.
 
بڵاوكراوه‌ته‌وه‌ له‌ هه‌واڵ
رۆژی 29/11/2016 بە هەماهەنگی نوێنەرایەتی حكومەتی هەرێمی كوردستان لە ئەمریكا و بنكەی پەیوەندییەكانی ترانز ئەتڵانتیك لە زانۆی جان هۆپكنز و ئەنجومەتی بزنسی ئەمریكی – كوردستانی بە ئامادبوونی هەریەك لە عەلی سندی وەزیری پلاندانان و عەبدولستار مەجید وەزیری كشتوكال و بەشداری شاندێكی ژوورەكانی بازرگانی هەرێمی كوردستان كە پێك هاتبوو لە سۆران ئەبوبەكر جێگری دووەمی سەرۆكی ژووری و باقی محەممەد هادی، فیدائەددین گەردی و ماجد جەلال ئەندامانی ئەنجومەنی كارگێڕی ژووری بازرگانی و پیشەسازی هەولێر بۆ باس كردن لە دەرفەتەكانی بزنس لە كەرتەكانی وزە، كارەبا و كشتوكاڵ لە هەرێمی كوردستان و بنیاتنانی شەراكەتی ئابووری لە نێوان هەرێمی كوردستان و ویلایەتە یەكگرتووەكانی ئەمریكا لە واشنتۆنی پایتەختی ئەو وڵاتە كۆنفڕانسی دەرفەتەكانی هەلی كار و بازرگانی لە هەرێمی كوردستان سازكرا.
لەم كۆنفڕانسەدا باس لە دەرفەتەكانی هەلی كار لە هەرێمی كوردستان و گرنگترین كێشە و ئاستەنگەكان كە دێنە پێش بۆ وەبەرهێنان و كاركردن لە هەرێمی كوردستان كرا.
لە هەمان كاتدا جەخت لە كاركردن لە هەردوو سێكتەری كشتوكاڵ و وزە لە هەرێمی كوردستان و چۆنیەتی گەشەكردنی ئەم دوو سێكتەرە كرا.
وە هەریەكە لە عەلی سندی وەزیری پلاندانان و عەبدولستار مەجید وەزیری كشتوكال پەنەلێكیان پێشكەش بە ئامادەبوان كرد.
وە وتەی یەكێتیی ژوورەكانی بازرگانی و پیشەسازی هەرێمی كوردستان لە لایەن نەوزاد غەفور ئەندامی ئەم یەكێتیە خوێندرایەوە داوا لە كۆمپانیا و بازرگانانی ئەمریكا كرا كە بێن سەردانی هەرێمی كوردستان بكەن و بەشدار بن لە ئاوەدانكردنەوەی بە تایبەت لە هەردوو سێكتەری وزە و كشتوكاڵ.
 
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑