لە دیدارێكدا باقی محەممەد ئەندامی ئەنجومەنی كارگێڕی ژوور ئامادەی بوو باس لە گرنگی خوێندنی فەڕەنسی لە هەرێمی كوردستان و گرنگی كردنەوەی قوتابخانە و زانكۆ فەڕەنسیەكان لە هەرێمی كوردستان كرا.

گزەڤیێ لەڤێڤیل رایگەیاند: بەهۆی خواستی زۆر بۆ خوێندن لە قوتابخانەكەمان ئێمە لە 27/1/2017 لە باڵاخانەیەكی نوێ و گەورەتر خزمەت بە قوتابیانی هەرێم كوردستان دەكەین ئەمەش دەگەڕیتەوە بۆ بوونی سیستەمێكی سەركەوتوو و باشی خوێندن لە قوتابخانەكەمان.

وتیشی: لە ئێستادا خەریكی هێنانی كۆلێژێكی فەڕەنسین بۆ هەولێر لە داهاتوویەكی نزیكدا دەرگای خۆی بۆ قوتابیانی هەرێمی كوردستان واڵا دەكات.

 گزەڤیێ ئەوەشی خستە روو: كە ئامانجی سەردانەكەیان بۆ ژوور دروست كردنی پەیوەندی و هاماهەنگی یە لە نێوان هەردوولا بەهۆی ئەوەی لە قوتابخانەكەمان ساڵانە لە قۆناغێكی دیاری كراوی ئامادەیی دا قوتابیەكانمان خولێكیان بۆ دەكرێتەوە لە دام و دەزگای جیاواز بۆ ئەوەی فێری كاركردن و لێپرسراویەتی بن، ژووری بازرگانی هەولێریش وەكو دەزگایەكی گرنگ رۆڵی خۆی هەیە بۆ ئەوەی قوتابیەكانمان ئاشنا بن بە كارە بازرگانیەكان، ئەمەش لە پێناو خزمەت كردنی بەرژەوەندی گشتی و رۆڵەكانی كوردستانە.

لە لایەن خۆیەوە سەرۆكی ژوور پاڵپشتی خۆیی و ژووری بۆیان نیشاندا، وتی: ئێمە وەكو ژووری بازرگانی هەولێر پاڵپشتی كەرتی خوێندن دەكەین لە هەرێمی كوردستان و هەر كارێك كە لە پێناو بەرژەوەندی گشتی دابێت.