تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: پێنج شەممە, 18 حوزەیران 2015
نیوەڕۆی 17ی حوزەیرانی 2015 د. دارا جەلیل خەیات سەرۆكی ژووری بازرگانی و پیشەسازی هەولێر پێشوازی لە گورگیوس لیپریانیدویس جێگری سەرۆكی پارتی ئەوروپای قوبرسی و شاندی یاوەری كرد.
لە دیدارێكدا سەرۆكی ژوور دوای بەخێرهاتن سوپاسی بەڕێزیانی كرد بۆ ئەم سەردانە و وتی ، ئەم گەشتە وا دەكات ببێتە سەرەتایەك بۆ بەهێزكردنی پەیوەندییە ئابووری و بازرگانیەكانی نێوان هەردوولا.
ووتیشی ئێمە وەكو هەرێمی كوردستان لە هەموو بوارێك دەوڵەمەندین بەڵام پێویستمان بە بوژاندنەوە و وەبەرهێنان هەیە بۆ ئەم مەبەستەش ووڵاتی قوبرس دەتوانێت هاوكار و هەماهەنگ بێت بۆ پەرەپێدانی كەرتی ئابووری لە هەرێم.
د. دارا ئەوەشی خستە روو كە ساڵانە ژمارەیەكی زۆر لە خەڵكی هەرێمی كوردستان لە رێگای ووڵاتانی ترەوە بۆ گەشت و خوێندن سەردانی قوبرس دەكەن هیوادارم لە ماوەی داهاتوودا بتوانن كونسڵخانە یان نوسینگەیەكی بازرگانی لە هەرێم بكەنەوە بۆ زیاتر ئاسانكاری.
لە بەشێكی دیكەی قسەكانیدا سەرۆكی ژوور داوای لە شاندی میوان كرد كە بتوانن لە لایەن خۆیانەوە پەیامی هەرێم بگەیەنن بە بازرگانان و كۆمپانیاكانی قوبرس لە رووی سەقامگیری هەرێم و هەلی كار، ئێمەش وەكو ژوور ئامادەین بۆ هەموو جۆرە هاوكارییەك و بەستنی پەیوەندی لەگەڵ ژوورە بازرگانیەكانی قوبرس ئاڵوگۆڕكردنی شاند.
لە لایەن خۆیەوە جێگری سەرۆكی پارتی ئەوروپای قوبرسی سوپاسی سەرۆكی ژووری كرد بۆ ئەم پێشوازییە، ووتی ئەمە جاری یەكەممە سەردانی هەرێم دەكەم وەكو ئامادەكارییەك بۆ هێنانی شاندێكی گەورەی بازرگانی و حكومی بۆ هەرێمی كوردستان. ووتی ئێمە لە رووی گەشت و گوزار و خوێندن و كشتوكاڵ زۆر پێشكەوتووین دەتوانین لەم بوارنە هاوكاری هەرێم بكەین.
ووتیشی قوبرس ئێستا باری ئابووری باشە و خاوەنی 64 ملیار مەتر چوارگۆشەی غازە و ئەندامی یەكێتیی ئەوروپایە، ژمارەیەكی زۆر لە كۆمپانیا بیانیەكان لە قوبرس كاردەكەن و پارەكانیان لە بانكەكانی قوبرس هەڵدەگرن.
گورگیوس لیپریانیدویس رایگەیاند لە كاتی چوونەوەم لەگەڵ سەرۆكی پارتەكەم و ژوورە بازرگانیەكان قسە دەكەم بۆ ئامادەكاری گەشتی فراوانی داهاتوومان.
 
بڵاوكراوه‌ته‌وه‌ له‌ هه‌واڵ
رۆژی 15/6/2015 بە بەشداری د. دارا جەلیل خەیات سەرۆكی ژوور و فیدائەددین گەردی ئەندامی ئەنجومەنی كارگێڕی ژوور لە پەرلەمانی كوردستان سەبارەت بە مافی بەكاربەر و سیستەمی كوالێتی كۆنتڕۆل بە سەرپەرشتی لێژنەی مافی بەكاربەر سیمینارێك بەڕێوەچوو.
لەو سیمینارەدا دەزگا پەیوەندیدارەكان باسیان لە میكانیزمی كارەكانیان لە پشكنینی كەل و پەل و خۆراكدا كرد، ئاماژە بە ئاستەنگ و گرفتەكانی دەزگاكانیان كرد بە مەبەستی داڕشتنی سیستەمێكی تازە بۆ باشتر كردنی باری كۆنترۆل كردنی ئەو بەرهەمانەی لە دەرەوەهاوردە دەكرێن.
لەو سیمینارەدا كە سەرۆك و جێگر و بڕیاردەر ‌و ژمارەیەك لە ئەندامانی لیژنەكە ‌و نوێنەرانی سەرۆكایەتیی ئەنجوومەنی وەزیران و وەزارەتەكانی تەندروستی و بازرگانی و پیشەسازی ‌و یەكێتیی ژوورە بازرگانی و پیشەسازییەكان و یەكێتیی هاوردە و ناردنكارانی كوردستان ‌و بەڕێوەبەرایەتیی گشتیی كوالیتی كۆنترۆل و ژمارەیەك لە شارەزاییان و پسپۆڕان تیایدا بەشداربوون، تیشك خرایە سەر راپۆرت و بەدواداچوونەكانی لیژنەی بازرگانی و پاراستنی مافی بەكاربەر كە لە ماوەی رابردوودا لە سەردانی مەیدانیاندا چەندین تێبینی و كەموكوڕییان لەسەر سیستەمی كوالیتی كۆنترۆل تۆماركرد بوو.
هەروەها باس لە رۆلی لایەنە پەیوەندیدارەكان بۆ چۆنیەتیی كاركردن لەسەر دۆزینەوەی میكانیزمێكی گونجاو كرا بۆ رێكخستنی كارەكانی سیستەمی كوالیتی كۆنترۆل بەشێوەیەكی سەردەمیانە و رێگریكردن لە هاوردەكردنی بەروبووم و كاڵای خراپ.
پاشان بەشداربووان بە پرسیار و سەرنج و تێبینیەكانیان سیمینارەكەیان زیاتر دەوڵەمەند كرد.
 
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑