رۆژی 17ی ئایاری 2015 شاندێكی بازرگانی ووڵاتی ئۆزباكستان سەردانی ژووریان كردو لە لایەن سۆران ئەبوبەكر جێگری دووەەمی سەرۆكی ژوور پێشوازییان لێكرا.
لە دیدارێكدا سۆران ئەبوبەكر ژمارەی ئەو كۆمپانیا بیانیانەی كە لە هەرێمی كوردستان كاردەكەن روونكردەوە هەروەها باسی لە یاسای وەبەرهێنان كرد لە هەرێمی كوردستان.
دواتر باسی رەوشی بازرگانی و ئابووری هەرێم و گرنگترین ئەو بەربەستانە كرد كە ئێستا هاتوونەتە بەردەم رەوشی ئابووری هەرێم راشیگەیاند كە هەموو ئەم بەربەستانە كاتین و لەماوەیەكی كورت دا چارەسەر دەبن.
ووتیشی هەرێمی كوردستان لە سێكتەرەكانی كشتوكاڵ و گەشتیاری و پیشەسازی كە گرنگترین سێكتەرن، پێویستی بە وەبەرهێنان و دامەزراندنی كارگە هەیە.
لە كۆتایشدا هیوای سەركەوتنی گەشتەكەی بۆ شاندی میوان خواست و بۆیانی دووپاتكردەوە كە ژووری بازرگانی پیشەسازی هەولێر دەرگای واڵایە بۆ هەموو هاوكارییەك.
شاندی میوانیش سوپاسی ژووریان كرد بۆ ئەم پێشوازییە و جەختیان لەوە كردەوە كە بتوانن لە ماوەی داهاتوو دا پەرە بە كاری بازرگانیەكانیان بدەن لەگەڵ هەرێمی كوردستان.