لە چاوپێكەوتنێكیدا لەگەڵ كەناڵی ئاسمانيی زاگرۆس دارا جەلیل خەیات سەرۆكی یەكێتی ژوورەكانی بازرگانی و پیشەسازی هەرێمی كوردستان سەبارەت بە سازكردنی كۆنفڕانسی كاری هەولێر كە بڕیار وایە لە سەرەتای مانگی 3 ئەنجام بدرێت رایگەیاند:
ئێمە وەكو یەكێتی ژوورەكان بە هاوكاری یەكێتی ژوورە بازرگانیەكانی عێراق و ئەنجومەنی كاری كاری بەریتانی (IBBC) وە بە چاودێری سەرۆكی حكومەتی هەرێمی كوردستان وە بەشداری ژمارەیەكی بەرچاو لە كۆمپانیا بەریتانیەكان رۆژی 1/3 كۆنفڕانسی كاری هەولێر دەربارەی دەرفەتی كار و پەیوەندییەكانی نێوان بەریتانیا و هەرێمی كوردستان و عێراق سازدەكرێت وە بۆماوەی دوو رۆژیش بەردەوام دەبێت.
سەبارەت بە گرنگترین ئەو پەنەڵانەی كە لەم كۆنفڕانسە باس دەكرێت دارا جەلیل خەیات ووتی: ئەم كۆنفڕانسە زیاتر بۆ یەكتر ناسین و باسكردنی دەرفەتی كار دەبێت لە عێراق و هەرێمی كوردستان لەگەڵ ئەوەش 5 پەنەڵ لە خۆ دەكرێت لە بوارەكانی بانك، بیناسازی، نەوت و گاز، پەروەردە و خوێندنی باڵا و زانیاری و كەرتی تەندروستی.
\
]]>