ه 29 ـ 30 ئه‌م مانگه كۆربه‌ندی وه‌به‌رهێنان له عێراق و هه‌رێمی كوردستان له هه‌ولێر سازده‌كرێت
بۆ راگه‌یاندنی كۆربه‌ندی وه‌به‌رهێنان له عێراق و هه‌رێمی كوردستان هه‌ریه‌ك له دكتۆر عه‌دنان شه‌هاب به‌رپرسی ژووره بازرگانیه‌كانی عه‌ره‌ب و جه‌عفه‌ر حه‌مدانی سه‌رۆكی ژووره بازرگانیه‌كانی عێراق و دارا جه‌لیل خه‌یات سه‌رۆكی یه‌كێتی ژووره‌كانی بازرگانی و پیشه‌سازی هه‌رێمی كوردستان له 6/3 له باره‌گای ژوور كۆنگره‌یه‌كی رۆژنامه‌وانیان سازكرد.
له‌سه‌ره‌تای كۆنگره‌كه‌دا دارا جه‌لیل خه‌یات گوتی له 29ی ئه‌م مانگه‌دا به چاودێری رێزدار مه‌سعود بارزانی سه‌رۆكی هه‌رێمی كوردستان كۆربه‌ندی وه‌به‌رهێنان له عێراق و هه‌رێمی كوردستان له شاری هه‌ولێر سازده‌كرێت، كه 150 تا 200 خاوه‌نكاری عه‌ره‌ب تیایدا به‌شدار ده‌بن بۆ خستنه رووی ده‌رفه‌ته‌كانی كاركردن له هه‌رێمی كوردستان بۆ ئه‌نجامدانی كاری وه‌به‌رهێنان. گوتیشی له‌و كۆربه‌نده‌دا بیست ده‌وڵه‌تی عه‌ره‌ب و 10 ده‌وڵه‌تی ئه‌وروپی به‌شدار ده‌بن.
دواتر جه‌عفه‌ر حه‌مدانی سه‌رۆكی ژووره بازرگانیه‌كانی عێراق و عه‌دنان شه‌هاب به‌رپرسی ژووره بازرگانیه‌كانی عه‌ره‌ب سوپاسی رێزدار مه‌سعود بارزانی سه‌رۆكی هه‌رێم و حكومه‌تی هه‌رێمی كوردستانیان كرد كه پێشوازی و ئاماده‌ییان نیشانداوه بۆ ئه‌نجامدانی ئه‌و كۆربه‌نده له هه‌ولێر و گوتیشیان ئێمه خۆشحاڵین له دوای 40 ساڵ دابرانی عێراق ئه‌و كۆنگره‌یه ئێستا له شاری هه‌ولێر له 29ی ئه‌م مانگه بۆ ماوه‌ی دوو رۆژ سازده‌كه‌ین تا وه‌به‌رهێنه‌ران له وڵاتانی عه‌ره‌ب و ئه‌وروپی له شاری هه‌ولێر كۆبكه‌ینه‌وه بۆ ئه‌نجامدانی كاری وه‌به‌رهێنان له عێراق و هه‌رێمی كوردستان.
پاشان لە لایەن رۆژنامەنووسان و کەناڵەکانی راگەیاندنەوە چەندین پرسیار ئاڕاستەیان کراو کۆتایی بە کۆنگرە رۆژنامەوانییەکە هات.
لە كوردستان كۆمپانیا گەورەكان كێبڕكێ دەكەن
رۆژی ٧/٣/٢٠١٤ لە چوارچێوەی چالاكییەكانی پیشانگای نێودەوڵەتی هەولێر بۆ ئۆتۆمبیل بە بەشداری ژمارەیەكی بەرچاو لە كۆمپانیا جیهانییەكانی ئۆتۆمبیل، ژمارەیەك لەو كۆمپانیاكان نوێترین بەرهەمەكانی خۆیان نمایش كرد، هەروەها چەند پلانێكی خۆیان ئاشكرا كرد بۆ ئەوەی بتوانن ركابەرێكی بەهێز بن لە بازاڕی عێراق و كوردستان .
كۆمپانیای جەی كەی ئۆتۆ (GK) وەك پڕۆژەیەكی هاوبەش لە نێوان دوو كۆمپانیا دامەزرێنرا كە ئەوانیش جەی كەی ئۆتۆ كە بە كۆمپانیایەكی پێشەنگ لە بواری پیشەسازیی ئۆتۆمبێل دادەنرێت دابەشكردنەكەشی لە بازاڕی میسر-ەوەیە، كۆمپانیاكە هەڵدەستێ بە هاوردەكردن و دابەشكردنی ئۆتۆمبێل لە ژێر هیمای بازرگانیی هیوندای، سەرباری چەندین ئۆتۆمبێلی بازرگانیی تر وەك (پاس و بارهەڵگری گەورە). هەرچی كۆمپانیای دووەمە ئەویش كۆمپانیای قاسد-ە كە بریكاری سەرەكیی دابەشكردنی ئۆتۆمبێلەكانی هیوندای-یە لە عیراقدا، كە قەبارەی فرۆشیی ئۆتۆمبێلەكانی لە نێوان 120،000 تا 150،000 ئۆتۆمبێلە لە نزیكەی ساڵیكدا.
هەروەها جەی كەی ئۆتۆ وەك پڕۆژەیەكی هاوبەش لە بازاڕی ئازادی ئوردن-ی دامەزرا وخاوەنی پڕۆژەكە كە كەسێكی عیراقییە پرۆسەی دابەشكردنی ئۆتۆمبێلەكانی هیوندای لە عیراق دەگرێتە ئەستۆ.
كۆمپانیای جەی كەی ئۆتۆ بەرپرسیاریەتیی تەواو سەبارەت بە بەڕێوەبردنی رۆژانە دەگرێتە ئەستۆ، هەروەها كۆمپانیای قاسد هەڵدەستێ بە دابینكردنی سەرچاوە بۆ پشتیوانیكردنی ئەو پرۆسەیە. قەبارەی وەبەرهێنان لە پڕۆژەكەدا دەگاتە 72 ملیۆن دۆلاری ئەمریكی كە بە (غەبور قاسد) ناودەبرێت بە خاوەنداریەتیی 50% بۆ هەر لایەك (قاسد و جەی كەی ئۆتۆ).
سەرباری دەوڵەمەندكردنی بازاڕی عیراقی بە هۆكارەكانی گەیاندنی جۆراوجۆر، جەی كەی ئۆتۆ هەڵدەستێ بە پێشكەشكردنی هێمای بازرگانیی ناسراو بە كوالیتییەكەی و پێوەرە جیهانییەكانی و خزمەتگوزارییە بێوێنەكانی كە جەخت لەسەر رەزامەندیی كڕیارانی دەكاتەوە و رێز لە فرە كلتوری ودابونەریت دەگرێت، هەروەها هەوڵدەدات ببێتە باشترین لەسەر ئاستی جیهان.
بەدیهێنانی باشترین ئاستی فرۆشی و پێشكەشكردنی باشترین خزمەتگوزاریی دوای فرۆشتن، هەروەها ئومێد دەكەین كە ببینە چیرۆكی سەركەوتن لە رۆژهەڵاتی ناوەڕاست لە رێگەی بەدیهێنانی باشترین ئاستی فرۆشی بۆ سەرجەم مۆدێلەكانی هیوندای بەتایبەت جۆری ئۆتۆمبێلە نایابەكان. جگە لە باشتركردنی چەمك و تیۆری كارە پیادەكراوە ئامانجدارەكان بۆ پێشەنگكردنی كۆمپانیاكە لە بوارەكەیدا.
پارێزگاریكردن لە رەزامەندیی بریكار لە رێگەی جێبەجێكردنی چەمكی نوێی هیوندای، كردنی بە هەڵبژاردەی یەكەم بۆ كڕیارانمان و جێبەجێكردنی بەرزترین پێوەرەكان بۆ خزمەتگوزاریی دوای فرۆشتن، دروستكردنی پەیوەندیی متمانە و دڵسۆزی لە نێوان بریكار و كۆمپانیا بۆ مسۆگەركردنی مانەوە لە ریزبەندی یەكەم لە بازاڕدا سەبارەت بە بریكار.
شاندێكی ئەندازیاران و بازرگانانی شاری ئەنقەرە سەردانی ژووریان كرد
رۆژی 6/3/2014 دارا جەلیل خەیات سەرۆكی ژووری بازرگانی و پیشەسازی هەولێر و بە ئامادەبوونی سەدرەدین كەمال ئەندامی ئەنجومەنی كارگێری ژوور لە بارەگای ژوور پێشوازییان لە شاندێكی شاری ئەنقەرە كرد كە بە سەرۆكایەتی فاتح ساری سەرۆكی ئەنجومەنی بەڕێوەبردن لە ژووری بازرگانی و پیشەسازی ئەنقەرە.
شاندی میوان پێكهاتبوون لە ئەندازیارانی بیناسازی و بازرگانان لە بواری خۆراك, خۆشحاڵی خۆیان بەم دانیشتنە دەربڕی و هیوایان خواست بتوانن لە نزیكترین دەرفەتدا لە بوارەكەی خۆیان خزمەت بگەیەنن.
لە لایەن خۆشیەوە سەرۆكی ژوور بەخێرهاتنی كردن و هیوای سەركەوتنی بۆ خواستن و پاڵپشتی خۆی و ژووریشی بۆ هەموو جۆرە یارمەتیەك نیشاندا.
رۆژی 4/3/2014 شاندێكی شاری كرمانشانی ئێرانی كرد كە پێكهاتبوون لە ژمارەیەك ئەندازیار كە پسپۆڕیان لە بوارە جیاجیاكانی وەكو رێگاوبان و تەكنەلۆجیای زانیاری و بیناسازی بوو، بە سەرۆكایەتی ئەندازیار مەجید نمەكیان بەڕێوبەری جێبەجێكار لە كۆمەڵەی زانیاری لە كرمانشان، سەردانی ژووریان كرد و لە لایەن ماجد جەلال ئەندامی ئەنجومەنی كاڕگێری ژوور پێشوازییان لێكرا.
شاندی میوان خۆشحاڵی خۆیان دەربڕی بۆ ئەم دانیشتنە و هیوایان خواست كە ئەوانیش بە گوێرەی پسپۆڕیان بەشداربن لە كاروانی ئاوەدانكردنەوەی كوردستان، وە داوەتنامەیان پێشكەشی ژوور كرد بۆ بەشداری كردنی بازرگانانی هەرێم لە دوو پێشانگا كە بڕیار وایە لە سەرەتای مانگی مایس و كۆتایی حوزەیران لە شاری تاران ببەسترێت.
لە لایەن خۆشیەوە ماجد جەلال دەست خۆشی لێكردن و پشتگیری ژووریشی بۆ هەموو جۆرە هاوكارییەك و پاڵپشتیەك دەربڕی و هیوای سەركەوتنی بۆ خواستن.
بەئامادەبوونی د. رۆژ نوری شاوێس جێگری سەرۆكوەزیرانی عێراق بۆ كاروباری ئابووری، رۆژانی 19 و 20ی شوباتی رابردوو سێیەم دیداری عێراقی – ئەڵمانی بۆ كارو وەبەرهێنان لە بەرلینی پایتەختی ئەڵمانیا بەڕێوەچوو.
لەو دیدارەدا كە دارا جەلیل خەیات سەرۆكی یەكێتی ژوورە بازرگانی و پیشەسازییەكانی كوردستان و ژمارەیەك لە وەزیرانی حكومەتی عێراق و ئەڵمانیاو پەرلەمانتاران و سەرۆك ژوورە بازرگانی و پیشەسازییەكانی عێراق و جێگری پارێزگاری هەولێرو كۆمەڵێك لە پیاوانی خاوەنكاری عێراقی و كوردستانی و ئەڵمانی و ژمارەیەك لە بەرپرسانی تایبەتمەند بە ئابووری لە عێراق و کوردستان لەوانە بەڕێوەبەری گشتی وەبەرهێنانی هەولێر.
دیدارەكە لەلایەن باڵێۆزخانەی عێراقی بەهاوكاری ژووری بازرگانی و پیشەسازی عەرەبی – ئەڵمانی رێكخرا، تیایدا چەند پانێڵ وۆركشۆپێك لەبوارو سێكتەرە جیاجیاكانی تایبەت بە کەرتی گشتی و تایبەت لە عێراق و کوردستان سازكران، لەپێناو بەهێزكردنی پەیوەندییە ئابووری و بازرگانییەكانی نێوان ئەڵمانیا و عێراق و کوردستان.
لە رۆژی یەکەمی دیدارەکەدا، دارا جەلیل خەیات جێگری سەرۆکی ژوورە بازرگانی و پیشەسازییەکانی عێراق لە وتەیەکدا ئاماژەی بە کارو چالاکی ژوورە بازرگانییەکانی عێراق و کوردستان کرد لە زەمینەسازکردن بۆ بەستن و پتەوکردنی پەیوەندی بازرگانی لەگەڵ خاوەنکارانی جیهان.
خەیات لە وتەکەیدا بانگهێشتی وەبەرهێنەرانی ئەڵمانی بۆ کوردستان کرد، کە زەمینەیەکی لەبارو یاسایەکی هاندەر هەیە، وتیشی: كەرتی پیشەسازی دەرهێنانی نەوت و گاز لەبرەودایە، لە كەرتەكانی تری وەك كەرتی پیشەسازی و وزەو ژێرخانی ئابووری و بوارە خزمەتگوزاریەكانی تری وەك تەندروستی و فێركردنیش پێویستمان بە توانای ئەڵمانییەکان هەیە، ئەمە جگە لەوەی كشتوكال و گەشتیاری دوو كەرتی زۆر گرنگ و مژدەبەخشن لەئایندەدا بۆ ئەو هەرێمە.